快樂廚房 天后

快樂廚房 評價 相片

之前看雜誌常介紹這裡是一間誠意餐廳，有天專誠約同事一起去食午餐，到達時學生哥多得很，人頭湧湧，坐位得十分辛苦。

吃了九里香排骨麵，只是一般，有點後悔......事隔數月，因為不甘心，在某天放夜班後便乾脆自己去再吃多次！夜晚與日頭的環境完全不同，人流極少，舒服得多。

那晚我就叫了最出名的「快樂飯」。

本身對那些腸仔煎蛋飯的興趣真的不大，不過見是推介品才一試。

由於即叫即做，所以都等了好一陣。

「快樂飯」包括腸仔、雞翼、豬排、煎蛋、粟米粒及一小碟豉油，真的不知何解，單是一條煎腸仔都好好味，全碟飯都簡單得來而香口美味！豉油不咸，只有色，用來撈蛋黃、撈白飯最好，如果俾多D就更好！雖然這「快樂飯」好像不太健康，但間唔中一次半次去吃一頓令自己快樂的飯也不錯呀！

今日試左快樂廚房既辣牛肉炒飯, 認真唔錯.個飯炒得好好, d米炒得粒粒分明, 食落去既時候, 可以食得出每粒米咁樣.仲要每粒米都好煙韌, 可見大廚炒飯時既用心.之前食過扎肉蛋炒飯, 都唔錯.不過最好係堂食, 因為d飯比個飯盒既蒸氣焗過, 會無咁爽口架

走進店時，一心想吃這裡的招牌菜「快樂飯」。

但坐下又想，我也不是快樂，而說到底，「快樂」也只炸雞中翼/煎蛋/火腿/炸蝦片，還是待真的快樂時才吃吧，轉叫了九里香排骨飯，是日例湯是紅蘿蔔牛膀煲豬肉，又來一碗。

幾件排骨浸在杰杰的九里香醬汁中，醬汁杰杰的，淡淡的，沒有什麼特別的味道；雪藏排骨，略煎過再煮，也是沒有什麼味道；飯腍身，乾身一點較好。

好在已「扣底」，如不是也沒有什麼動力去吃完碟飯。

湯反而不錯，夠熱又夠火侯。

喝了這碗湯，不快樂指數會減低好多，反而比碟飯更可取。

連凍飲，埋單48蚊，以一間簡單餐廳賣普通的碟頭飯而言，不便宜。

不過想起店名，這個「笑面」也比得落手。

至少我不是「不快樂」，當然未必等如「快樂」。

偶然我都會幫襯一下依間小館，但以往嘅印象都只係一般。

今次改為叫撈麵同春卷竟然有驚喜，冬菇蝦子汁調得頗出色，味道甜美，而春卷則香脆爽口，原來跟著佢哋牆上面嘅介紹點菜就無錯。

上兩次我都係求其叫啲嘢，結果都係唔太啱心水。

佢雖然係一間小店，但都幾肯花心思，除咗盡力營造一個快樂嘅氣氛，例如餸名用啲歡愉嘅名，鋪頭用鮮艷嘅橙色外，啲嘢食嘅配搭都唔錯。

所以即使佢個餐牌其實唔係好大，但睇落都好似琳瑯滿目咁。

不過普遍人都覺得佢哋標價貴咗少少，如果啲套餐可以送多啲嘢就更好。

以前在附近返工，經常在快樂廚房買外賣，同事最喜歡吃蒙古牛腩飯，我則鍾情它的素肉飯。

如果你是撈汁支持者，你一定會喜歡快樂廚房。

今天帶男友來，試了$35元的九里香排骨飯，他說排骨炆到極稔，亦激讚啲汁味道超正，三兩下手勢已清碟。

唯一要彈的是份量不夠大，男友說正常的他，要吃兩碟才夠飽。

另外試了這裡的煎蘿白糕($12/3件)，口感頗差，粉多蘿白少，無嚟質感，加上煎得不夠熱，失色之作。

新年期間可成底買，奉勸稔大家咪試。

地方雖少，但乾淨清潔，服務非常有heart，是一間令人吃得開心的小食店。

快樂廚房餐單提供多國菜, 茶餐廳, 冰室等推介美食位於天后區，餐廳座位數20人均消費約$50以下，結賬可以用現金。

您對於天后餐廳「快樂廚房」有何 comment？

快樂廚房餐廳詳細資料：

• 快樂廚房地址:
  天后銅鑼灣道144號地下
  Happy Kitchen, G/ F,144 Causeway Road, Tin Hau
• 快樂廚房電話:  
• 快樂廚房價錢: $50以下
• 分類: 多國菜, 茶餐廳, 冰室
• 座位: 20
• 付款: 現金
• FB專頁: 快樂廚房 Facebook

更多快樂廚房相關資料:

• 快樂廚房分店
• Youtube
• Facebook
• Twitter
• Google