肥强火鍋海鮮飯店 大角咀

肥强火鍋海鮮飯店 評價 相片

臥虎藏龍 隱世火鍋店由之前跟前輩黎同自己拉隊同朋友黎食野感覺係到食野 包羅萬有但格局相當低調。

靚雪花牛肉 靚刀工 入口即溶 價錢唔貴。

麻辣餃 黑松露餃 即包即出 好好食！鮑魚 元貝 大蝦 廚房另外再蒸靚上碟臘味煲仔飯 相信有人會忽略但絕對係火鍋後 「靈魂人物 」相信出面食唔到哩份 「有層次嘅好味」食物有時候未必需要太復雜但處理得好食同用料新鮮 其實已經令人食到滿足，覺得哩到絕對做到。

價錢經濟 食物唔新鮮唔介紹個人覺得 重點係保留到香港舊式情懷小店係絕對值得支持。

一直知道大角咀有好多野食...今次好想食火鍋朋友介紹之下去左呢間叫肥強..咁就試下啦...外表門口看似有點懷舊..入到去感覺同本餐牌都係懷舊feel...當大開餐牌...都有想食gei野手打蝦丸, 墨魚丸,牛肉,未見過既麻辣餃唐生菜...金菇話煲仔飯好出名 所以都叫埋試下沙嗲湯底好正 好夠味😮唔洗豉油都得牛好好食唔硬👍🏻麻辣餃第一次見 以為好辣但其實少少辣..好特別👍🏻有驚喜煲仔飯好香👍🏻d料分開上 但都好好食不過我本人整係食臘腸，所以其他朋友食曬唔錯唔錯😁不過好明顯即煲因為等左34分鐘 好彩一開頭即叫定....食住等🤣🤣睇落舊鋪..但估唔到好好食👍🏻👍🏻👍🏻意想不到的驚喜不過個廁所好窄...可一可再實會再黎👍🏻

牛肉好靚，係雪花牛餃子係親手包既，非常好味，隻隻都好多料！😋😋最新出既麻辣餃好大陣麻辣味，食完條利都麻，食辣既人一定要試😝😝四寶丸係手打既，非常滋味，唔會霉👍👍桶豪又大大隻原桶上，超好味👍👍仲有個煲仔飯，飯入面有好濃厚既臘腸味，一拎出黎已經好香！飯焦仲可以撈湯底咁食，正！服務都好好呀，會周不時問我地要唔要加水，又幫我地添茶水，要咩都係好快俾到我地🤗🤗仲要無收加一！抵到爛！！！總之overall就係好食兼抵食，最好5人以上去！

🤤🤤今次告別gimmick，返璞歸真😊雖然店舖冇勁華麗嘅裝修，無論餐牌同格局都有啲似打冷舖，但反而有返種親切感～以前嘅火鍋都係咁食㗎啦😬😬重點係佢啲嘢真係好抵食～（六個人又飲啤酒又怒食都係每人二百五有找）🌟🌟🌟🌟🌟🌟話說佢嘅手切肥牛大size 都係二百幾蚊，性價比高，每片都切得算平均，肉質嫩，夠牛味❤️另外值得一提桶蠔每隻都勁大隻，一人一隻已經好滿足🥰🥰我仲試左鵝腸，冇諗過佢又算幾爽同肥美喎🤣🤣🤣 同埋其實我幾欣賞佢啲麻辣湯底！有驚喜😆第一啖食落去已經覺得好香～鍾意食辣嘅你可以試吓👍不過個晚餐廳唔夠人手, 淨係落order 同等上菜都等左好耐🙈🙈🙈唔知點解近排我去親d餐廳都係咁😅😅😅

話說星期六晚想打下邊爐飲下啤，死黨推薦去「肥強」，出左奧運站行一陣就到，方便！😎先講湯底，點左「胡椒豬肚湯」，個湯好清，湯頭藏有大量胡椒，真係越滾越過癮！🤪叫左碟手切牛都幾靚仔、夠淋又有肉味 👌🏻特別推薦呢度既自製餃類！！菜肉餃既料預先炒過先再包，包得大隻又多汁，真係好食到不得了！😋而死黨極力推薦最後要喺度啪埋個爉味煲仔飯！！！煲仔飯製作，時間需要45分鐘左右；煲完啲爉味油滲哂落啲飯到，陣陣油香，好吸引！臘腸咬落口，咸甜適中，而潤腸就甘香味濃，送飯一流！最後個飯焦靚得黎又脆口。

真心大！滿！足！🤤最後講下呢度服務都唔錯 侍應姐姐會主動幫你加湯 唔洗自己叫，抵讚！💯肥強火鍋走親民貼地路線，食物新鮮又有特式，定價又唔貴，火鍋湯底都多選擇！🙌🏻 值得推介 👍🏻

肥强火鍋海鮮飯店餐單提供港式, 火鍋, 海鮮等推介美食位於大角咀區，餐廳座位數未知人均消費約$201-400，結賬可以用Visa,Master,支付寶,現金,銀聯,微信支付，Booking訂位可以電話致電 27891839 查詢。

您對於大角咀餐廳「肥强火鍋海鮮飯店」有何 comment？

肥强火鍋海鮮飯店餐廳詳細資料：

• 肥强火鍋海鮮飯店地址:
  大角咀埃華街72號地下
  Fat Strong Hotpot, G/ F,72 Ivy Street, Tai Kok Tsui
• 肥强火鍋海鮮飯店電話: 27891839
• 肥强火鍋海鮮飯店價錢: $201-400
• 分類: 港式, 火鍋, 海鮮
• 座位: 未知
• 付款: Visa,Master,支付寶,現金,銀聯,微信支付
• FB專頁: 肥强火鍋海鮮飯店 Facebook

更多肥强火鍋海鮮飯店相關資料:

• 肥强火鍋海鮮飯店分店
• Youtube
• Facebook
• Twitter
• Google