浮生 大角咀

浮生 評價 相片

生逢亂世，偷得浮生，縱使浮生若夢，又何妨尋夢而去。

淨白的外牆、上白下綠的柱、透亮的玻璃、波浪的圖案，波浪下寫著「浮生」兩個黑色的字，正是這天我尋夢的所在。

簡潔的陳設、不多的裝飾，木造的桌椅、有禮的店員，讓人心生好感。

咖啡店內一面投映牆上，空靈地投映著與咖啡店名字相呼應的短詩。

一張小小的卡片，寫著「浮生孤寂 靈魂唯寄」八個小字，就說出了店主人開設這咖啡店的寄意。

一杯 Dirty，骯髒的名字與這咖啡店潔淨的白色成為強烈的反差，微苦的味道卻又有種埋藏在深處的回甘。

咖啡的味道在口腔中迴蕩，享受正由此而來。

一件「柚子芝士蛋糕」，輕柔而甜美，像夢。

柚子果占帶來的一點酸，芝士餅底帶來的實在感覺，又像把人從夢中輕輕喚醒。

在這個陽光遍灑，溫暖寧靜的早上，在做過當做的事後，偷取浮生中這悠閒恬靜的一刻，心靈就像喝過雞湯一樣，得到了一瞬間的滿足。

最近無得搭飛機去旅行，多了很多時間留港消費，剛好最近又有好多咖啡店開業喎，例如大角咀前幾日就開左間綠白色主調的簡約咖啡店，環境開揚舒服，除了飲咖啡和茶，還有日式飯糰輕食。

位置在晏架街紅茶館酒店地下，新九龍廣場同奧海城之間，都唔難搵既。

又其實大角咀呢頭都幾多精品咖啡店架，可以一次過飲幾間。

因為咖啡店只係剛開始試業幾日，所以連 openrice 同 google map 都未有資料，反而因為個門口幾靚，已經有人在 IG 上影相打卡。

原來除了飲咖啡之外，這裡也提供日式飯糰輕食，可以單點不同口味的飯糰或者揀套餐，飯糰的話也有無肉選擇可以俾素食者揀。

另外也有幾款烏冬麵可以食。

飲品由意式咖啡、朱古力到茶都幾吸引，今次先試咖啡，下次想飲下精品朱古力。

意式咖啡方面，如果唔想飲牛奶可以加錢轉豆奶或燕麥奶。

更講究一點的話，這裡也有手沖咖啡可以飲啊。

近門口處的白牆設有投影機，這天放的是一首詩。

店內約有十來個座位，都以兩人檯為主，另外也可以坐吧檯，這天兩點多過來還是坐滿吃午餐的客人，原來香港人都幾晏食飯。

咖啡店的地下是水泥地，點綴一些不規則的黑色線，又真係好似有浮遊生物(？)的感覺。

坐在角落位置飲咖啡，對面馬路係公園，綠綠的景觀都幾舒服。

Latte HK$40 (soymilk +HK$5)估唔到豆奶拉花都幾靚，第一啖入口帶甜，我諗係豆奶有糖的關係，希望咖啡店都可以用無糖的植物奶沖咖啡。

咖啡喝起來偏中淺焙，據說是台灣烘的豆子，入口都幾香幾順滑。

雖然大角咀呢頭行街無深水埗咁多野睇，不過都有唔少值得一試的精品咖啡，無得去台北曼谷的日子，香港都有好多優質咖啡店可以打卡既。

文青cafe癮發作💕大食仔次次都要半拉半哄先肯同我去🙃事關去親cafe都係食唔飽/唔好味🤣今次強逼左佢陪我試浮生😽·🍱定食（$78）配搭包括自選五目雞肉飯團🐥鹽飯團🍙豚肉角煮🐷骨附腸🍖和風豆腐✨睇落好似好多野食，但份量不多～勝在賣相吸引，打卡一流🤪豚肉角煮好軟腍入味，但真心有點肥膩～連大食仔都表示肥到唔食，女仔要諗諗🤣和風豆腐好普通地淋上麻醬，自己都做到🤗飯團就真係⋯淡而無味🙂我地拎左黎浸醬油蛋食，perfect🤣·🥢輕食（$48）加配七味吞拿魚飯團（+$12）配搭選擇了關冬煮（小）醬油蛋🥚柚子蓮藕🍋如果要簡，飯團首選吞拿魚口味🐟 柚子蓮藕絕對係整餐最驚喜最高質既食物！！口感爽脆～·🖤黑芝麻芝士蛋糕（$48）見到黑芝麻總係會忍唔住手點左🤤望一望電話姐，俾大食仔食左半份😦食落淡淡黑芝麻香，甜度如果低一點會更好😆不過伴上碟邊黑芝麻醬，好！好！味！·☕️Flat White ($42) 拉花好美啊！·📍浮生大角咀晏架街8號地鋪

▲浮生Cafe簡約裝修風格，無論係想Chill下或打卡都好適合。

大角咀日系Cafe「浮生」，相信Cafe精都耳熟能詳，前幾日我終於去了！一聽到浮生，就令我諗起名句：「偷得浮生半日閒」。

係繁忙都市生活中，捉緊放鬆一刻！店名真係勁有詩意！另外，店內仲會用播放器播不同嘅短詩，充滿文藝氣息，形象討好。

造訪當日，排隊嘅人相當多，排了約45分鐘才入座，不塊係人氣咖啡店。

值得一讚係，等待期間，店員攞咗杯冰水比我哋飲下，好體貼。

▲白、湖水綠、木傢俱，簡單設計反而令人受落。

▲店內投影機，經常播放唔同短詩，好文藝feel！▲透明餐牌，成件事都好文青。

打開Menu，浮生主要係供應日式輕食為主，好似不同口味飯團、關東煮、豚角肉煮、照燒雞肉、豆腐、骨附腸、烏冬.....等等，定食套餐除了飯團外，仲可以自選1款主食，2款配菜，具有一定自由度。

飲品方面，除大眾化嘅意式咖啡，又有特調嘅西西里咖啡、咖啡炸彈、滴漏咖啡等等，以Cafe嚟講，整體做得幾高質。

▲浮食食物主要簡單嘅日式輕食為主。

▲定食無論主食或配菜都可以自己揀，幾有自由度。

✦定食套餐 HK$78（＋1個飯團HK$12）呢個套餐組合如下：自選飯團1個＋鹽飯團1個＋主食1套＋配菜2款。

自選飯團我揀咗雞肉5代目，主食揀咗關東煮，配菜則是骨附腸同和風豆腐。

▲味道方面，我覺得整體一般。

雞肉5代目飯團夠味，不過餡料偏少。

鹽飯團真係一舊飯＋鹽＋紫菜，無咩味，齋食有啲Dry。

▲關東煮有白蘿蔔、炸魚肉餅及竹輪。

▲骨附腸味道唔錯，最愛佢脆脆嘅外層。

至於關東煮，入面嘅炸魚肉餅有芝士，我覺得都OK，至於配菜，骨附腸外層脆脆地，好好味，和風豆腐就正常發揮。

✦鮮奶抹茶 HK$48 (cool)▲呢個杯斜斜地，幾別緻。

味道方面，唔甜，但抹茶好香濃，香味好突出，感覺OK。

✦Flat White HK$42▲朋友order Flat White，佢覺得奶及咖啡嘅比例幾好，咖啡偏Nutty，帶有濃郁堅果香，少少嘅奶泡，令啡體更細滑，水準唔錯。

▲附上門口照，Cafe一面係全落地玻璃，採光度高，影相光線好靚。

咖啡店選址唔錯，剛好位於人多車多嘅旺角同熱鬧嘅大角咀小社區交界，有一份獨特嘅寧靜🎋。

樓上亦係頗有格調嘅服務式住宅公寓。

.喜歡綠白相間嘅設計，落地玻璃採光度高☀️；空間感比想像中大，唔計吧檯只有數檯，唔會有壓迫感。

.▨ 自選定食 (HK$78): 飯團揀左七味吞拿魚，另配一件鹽飯團🍙。

同配菜「醬油蛋」好夾，本身係日本米已經加分，沾一沾蛋汁更滑更軟熟。

想食清啲所以要左關東煮，大根夠腍，另有年糕魚餅同竹輪🍢。

.▨ 燒雞冷拌烏冬 (HK$68): 唔同口味所用嘅米飯同烏冬都各有不同，從細節可見店舖嘅用心。

扁身嘅冷烏冬🥢配特製微酸醬汁，幾有驚喜又開胃。

.主打日式輕食，份量唔太多。

其他選擇仲有吐司、蛋糕。

平日中午不妨一個人嚟坐下。

浮生餐單提供日本菜, 咖啡店等推介美食位於大角咀區，餐廳座位數未知人均消費約$51-100，結賬可以用現金，Booking訂位可以電話致電 54456004 查詢。

您對於大角咀餐廳「浮生」有何 comment？

浮生餐廳詳細資料：

• 浮生地址:
  大角咀晏架街8號地舖
  Cafe Wander, G/ F,8 Anchor Street, Tai Kok Tsui
• 浮生電話: 54456004
• 浮生價錢: $51-100
• 分類: 日本菜, 咖啡店
• 座位: 未知
• 付款: 現金
• FB專頁: 浮生 Facebook

更多浮生相關資料:

• 浮生分店
• Youtube
• Facebook
• Twitter
• Google