B家닭갈비 大角咀

B家닭갈비 評價 相片

世界盃睇韓國隊，唔係唔食炸雞配啤酒同soju呀？見到哩間大角咀近近地有炸雞食，雖然ooenrice嘅人都好似係食佢嘅鐵板雞多，但我目標明確一定要食炸雞，就打咗電話去叫外賣。

打去十五分鐘後到，都仲企咗十分鐘，但明明得兩三枱客。

唔緊要，因為啲外賣比我嗰時隔住袋都辣手。

唔知店家嘅特辣雞係咪汁另上，因為雞就見到一半原味一半甜辣，但就有個幾辣嘅辣醬跟埋，不過哩個醬好緊要，因為咸辣可以遮蓋很多缺點。

先食原味，薄薄的雞皮，皮脆是必需的，雞件本身調味不多，隱約的咸味，滴上檸檬汁本應完美。

可惜，雞肉又乾又鞋已經無哂癮。

甜辣因爲有濃濃的醬汁包裹著，所以暫時忘記雞肉個部分。

但當注意力集中响味道上，我叫哩個做咕嚕肉炸雞，個醬嘅味道七成似，只係多小小辣。

乾嘅唔止係雞肉，仲有午餐肉飯卷。

韓式飯卷來說，欠麻油嘅油潤，飯粒又僱乾。

好嘅地方係小啲人放兩層午餐肉餡。

有朋友向我同友人推薦呢一間韓食, 所以我同友人放工就諗住去試一試~ 去到太子地鐵站落車, 跟住Google Map 行, 行左大約十分鐘左右就行到呢間餐廳XD (其實唔止十分鐘. 因為行過入左間鞋店, 買左對好靚想買好耐嘅鞋先繼續出發! 所以多除少補就大約十分鐘XD)主要叫左三樣菜式, 韓風炒牛肉(二人份), 部隊鍋 (二人份) 同埋韓式雞肉壽司~雞肉壽司就正常野, 無咩特別 XD首先係韓風炒牛肉(二人份), 一黎佢會比左一份生牛同菜係中間, 之後會有職員幫手炒~ 不過其實個下我會希望自己炒會開心D~味道上係有D失望, 一來牛肉有D老, 二來無咩味道, 整體上就係一個菜炒牛肉, 無咩特別也無咩味道,,,反而部隊鍋味道就不錯, 入面有雞、泡菜、午餐肉、冬菇、年糕、腸仔、芝士腸、野菜同茄汁豆, 湯的味道都不錯~ 惹味濃郁, 最後加多個公仔麵就真係無得輸!!不過個服務員不停調戲女友人, 讓我地都有D唔好感受...只係為左食部隊鍋, 我諗我就唔會再試呢間啦>< 

今日又黎到愛回家醒哥開嘅舖頭，一點幾黎到，唔算好多人，好快就有位。

叫左番茄濃湯牛肉拉麵，入面有新鮮嘅番茄，湯底好濃郁，但又唔會濃到「確喉」拉麵唔會太淋，芽菜都好爽口，但牛肉就比較「鞋」，整體黎講唔錯！會繼續支持醒哥

今日同一班朋友一行六人慶祝生日， 睇到附近有呢間韓國餐廳食一啲熱辣辣嘅鍋物， 即刻走入嚟試下， 入到嚟返咗好舒服好靚， 有八成入座率到， 差唔多每一台 都嗌啲韓式火鍋， 我哋又嗌嚟試下，先試咗部隊鍋， 二人份量嘅， 試過之後覺得ok，湯底 又香又濃， 一定要加個韓國拉麵，正。

即刻再試下其他嘢， 炒年糕炸雞， 都覺得幾好食。

之後服務員再推介新出嘅一人一個火鍋， 88蚊超抵超飽， 尤其個湯底正，我哋嗌咗泡菜辣湯， 好地道韓國風味， 唔使用醬油都好夠味。

雖然好飽再見到隔離個蛋捲好靚， 我哋又嗌咗， 賣相又靚又好食， 服務都算ok， 切蛋糕冇切餅費， 冇限時間， 好難得嘅韓國餐廳，值得再試。

收到餐廳嘅傳單即管入嚟一試呢個韓式火鍋，ok喎， 份量啱啱好，有肉有菜有啲丸， 仲有個面， 不過最特別係個湯底, 韓式湯底好特別, 我叫咗個泡菜辣湯, 辣得好過癮, 我朋友叫咗個招牌嘅豆腐牛肉湯底, 非常之正, 送白飯一流。

我覺得最正係佢哋啲湯底夠濃，同埋夠創新。

不過講到呢間店炸雞一定係最出名， 係好食嘅， 小食蛋捲亦都好精緻同埋好正。

佢哋仲有韓牛賣， 不過今次食唔到因為好多人訂咗， 定咗下次一定要食， 因為香港唔係好多地方食到韓牛。

下次會再食其他嘢。

B家닭갈비餐單提供韓國菜, 韓式炸雞等推介美食位於大角咀區，餐廳座位數未知人均消費約$101-200，結賬可以用現金。

您對於大角咀餐廳「B家닭갈비」有何 comment？

B家닭갈비餐廳詳細資料：

• B家닭갈비地址:
  大角咀洋松街34-44號地下1-2號舖
  Dakgalbi, Shop1-2, G/ F,34-44 Larch Street, Tai Kok Tsui
• B家닭갈비電話:  
• B家닭갈비價錢: $101-200
• 分類: 韓國菜, 韓式炸雞
• 座位: 未知
• 付款: 現金
• FB專頁: B家닭갈비 Facebook

更多B家닭갈비相關資料:

• B家닭갈비分店
• Youtube
• Facebook
• Twitter
• Google