雞屋 大埔

雞屋 評價 相片

原計劃放工操泰拳，是關昨晚飲酒太多爬不到起床，都係休息下吧。

大埔有雞食，那麼有緣撞到趙學兒黎食雞，黑色鬆身長裙加白色眼鏡框，應該無認錯掛，而且大廚親自招呼喎。

到訪才知道舖面真係真係非常迷你細細，見到時使我呆一呆，四張窄身長檯，如果身形龐大就坐得十分辛苦，就算我地幾個中等身材大男人都覺坐得迫夾，尤其貼牆位置。

妹妹侍應們都落力服務有衝勁，值得一讚啊。

要限時 90 分鐘？時間正常都足夠有餘既。

菜色被刪掉一部份，幸好主力佳餚仍然保留著。

次次都大魚大肉，來個普通平民廣東菜賀賀生日吧。

聽到全場已訂滿，有幾檯客不願坐露天門口位而雙雙離去，熱辣辣加多蚊蟲，我都不肯坐啦。

電話訂位時已查詢有否啤酒供應，只有青島或藍妹，有啤酒飲已經好好喇，無所謂。

本來不打算飲酒，但只得汽水及加多寶供應，茶都無支飲下，最怕甜的我最終都係啤酒。

青島啤酒，比飲開的有點苦澀。

生力啤，阿叔梗係飲土炮生力啦！應該有十年以上未飲過，夠冰凍時還可以，甘苦味強烈，放涼後直頭覺得嗅囉。

蒜香雞翼尖，肥美滑嘟嘟，醃味清淡不辣，咸香蒜味可口啜得舒暢。

人家都寫明蒜香，不是蒜辣，就算唔辣都正常不過既，有辣就更添風味啦。

蒜辣雞腳，出色的烹調，最愛炆到雞皮黏黏膠膠漿住我的櫻桃小嘴。

蒜味完全滲入，辛中散發甜味，損得開心過足癮。

越食越辣，一隻比一隻辣，美味刺激興奮出晒水。

涼拌豬耳，芫茜味濃，酸醋味弱，辣味幾乎感覺不到，室溫口感麻麻地不夠清涼。

豬耳半爽半脆，即叫即撈那會夠入味呢。

汁還汁、耳還耳，攤半個鐘後再食，味道才強烈一點點。

涼拌青瓜，溫度免強夠清涼，微酸不辣的，爽脆而偏淡。

可以用鹽醃耐一點，醃過夜就更好。

涼拌雲耳，彈彈索索聲，本身不索汁的雲耳比青瓜味道更加淡，要比多少醃料及陳醋的啊。

涼拌蓮藕，薄薄的片爽脆依舊，散發蓮藕獨特出於污泥而不染的清甜味道。

涼拌皮蛋，四款前菜小食酸汁齊齊淡茂茂又沒半點辣味，單調貧乏，最濃郁只有皮蛋。

蛋黃黏黏軟棉，甘香無比食得滋味，親托著勁彈外皮，較為滿意的一道。

明爐燒雞，不要斬不要讓肉汁流失，保持絕對的原汁原味。

滾熱辣熱力迫人地送上，燒烤香氣強烈吸引，口水流！帶上手套自撕雞，熱到燙手要渾功使出鐵砂掌才能免強應付！自行扯下整隻雞髀給壽星女享用，剩下雞胸雞脊雞屁屁讓我處理掉。

皮脆肉嫩，鳳肪油潤甘甜，髀彈胸綿。

手撕不會破壞天然味道與肉質，原始粗礦舔舔脷。

必須趁熱食，醃味稍濃，放涼會感到略咸。

新鮮出爐，熱力澎湃，忍住高溫手撕品嚐，一扭一扯雞髀飛脫，雞汁激射，香氣突襲攻擊，狠狠地咬落薄脆雞皮，索一聲十分悅耳，皮香肉嫩超多汁，雞甜味非凡，穩守招牌菜首位。

手撕最高興，但同學們似乎不太習慣，想以刀叉對付，唯有讓我來啦！帶套即埋牙開波，勁燙手呀！扯甩兩隻髀兩隻翼已經要停低，讓手指們降降溫，不能一氣呵成呢。

扯開雙腿，大量雞汁雞油噴射，燒雞氣味芳香輕飄！朋友們就算無刀叉都堅持要用絞剪，大叔們無啦啦變得怕醜加斯文，我就頭都痕！我就最愛手撕原汁原味，間中燒味店買隻雞或鵝都要免切，原隻直接咬，不知幾鬼狂野美味！靚雞身材適中，皮光肉滑不肥膩無肥膏，雞皮燒得薄薄脆脆，裂的一聲撕開，非常悅耳，聽得興奮開胃，全力殺呀﹗雞肉滑溜溜水潤無比，髀彈胸綿，肉汁不停流出，啖啖 juicy 極和味。

雖然某些部位有點咸，不過整體都高質美味，食得過舔舔嘴。

雞籮友肥美油香皮脆充滿彈性，只甜不羶，愛不釋手。

鮮魷炒芥蘭，重咸魷魚只咸不鮮，多汁爽爽的。

高質芥蘭爽甜無比，翠綠嫩嫩沒半點渣，不苦澀不生水。

隔離檯班大叔大嬸還在討論芥蘭不是時令不是季節味道不會好，您地唔食就笨喇，真係懶醒。

韮菜花炒豬頸肉，翠綠爽甜，而墨綠有點渣。

豬頸肉彈爽滑香口不油膩，大注大注韮菜花夾住豬頸肉，油香美極齊齊食就最正喇。

酸菜炒大腸，酸菜大大塊，要切絲架麻？成塊咸菜咬，淡口爽脆，甜酸都不夠濃。

腍腍微彈大腸皮，一試無妨，好悶的小炒。

茄角雙燴，乾乾豆角，爽脆茄子，腍腍百合，油淋淋清淡的味道。

薑汁倉魚煲，噴住煙吱吱聲出場，開呀！二四六切件倉魚芳香無比香噴噴口水流，菜牌張相係原條架喎。

薑味微弱不太感受到，反而咸味十分突出。

魚肉嫩滑多汁，魚味濃郁，最愛啜魚頭肉，膠黏彈彈，色香味兼備。

奇味雞煲 1 隻，取消左半隻。

黃昏的早餐，終於有朋友陪我食雞煲。

甜醬油味濃濃，油油甜甜的微辣無麻，整體味道單調，連雞都沒什麼味道。

除雞髀外，其他都偏乾鞋。

家鄉炆鴨煲細，好采訂位時要求預留，否則就無得食喇。

米鴨仔都尚算肥美有肉食，有髀有胸也有翼，真材實料無欺場。

噴煙起泡吱吱聲上檯，香氣撲面而來，口水分秘異常，我唔客氣喇﹗濃稠可口的醃汁，緊緊包著鴨肉，髀肉滑滑，胸肉實實，鴨皮彈彈，味道得宜。

不過只有薑蔥作伴有點單調，加入菇菌及鮮筍會更開心美妙。

至尊燒排骨，最怕肉質霉鞋鬆散，這排至尊不會呢，太興奮咯﹗製作需時 20 分鐘，慢燒請耐心等候，溫柔地暖暖的到來。

肉彈滴汁，輕輕的調味非常恰當，食得到豬肉原始香甜味道，啜得暢快舒服啖啖肉，不錯的選擇。

脆香骨，至尊燒排骨的進化版。

炸得非常乾爽完全不油不膩，外層香脆無比包著嬌嫩豬肉，帶汁嚥韌有趙口，食得過。

豉椒炒花蛤，轉眼到尾聲。

花蛤被烚到乾乾淨淨，無泥無沙亦無晒味，肉汁完全流失變得乾瘦韌韌。

豆豉蒜蓉辣椒落味平凡單調，青椒低水平不爽甜，紅椒直程起渣即吐。

豉汁蒸倉魚，沒有半點煙的，暖暖不燙嘴，油浸一樣，感覺肥膩。

魚肉有點霉，新鮮度強差人意，鮮味欠奉，還配上單調乏味的豉醬。

免強下嚥，不想浪費。

我自家調配有蒜蓉、豆豉、辣椒、青椒、洋蔥、砂糖、蠔油，味道豐富吊出鮮魚氣質。

燒雞肉咸菜炒飯，大大碟重份量，足夠完全餵飽兩位食家。

鑊氣非凡，索一索舒筋活骼，聞一聞精神爽利。

炒功了得，燒雞味芬芳，趙落蛋味出眾。

蛋香肉香環繞四周，乾爽嚥韌的飯粒配上咸菜燒雞肉，十分可口醒神。

溫柔的動人咸香，咸菜味夠醒胃。

其實已經好飽，都要食返碗先肯收手呢﹗食完一啖又一啖，不經意連食兩三碗呢！罪過罪過，無可挑剔得滿分。

如果吳係朋友介紹有一間甘正既鋪頭，一定吳會入去食，吳好諗住一入去一定有位，你吳卜枱可能比人包左場就摸門釘😂真係估吳到大埔有間甘出色既燒🐔，嘩，好味到吳識講，你吳試過係吳知原來好食到甘🔥🐔—熱辣辣，熱到辣咀，皮脆玉嫩，真係好食到一個人都食得曬一隻，已經叫左兩隻，不過同一班朋友一齊食，吳可以甘失禮😬😬😬😬😬佢吳單只係燒🐔好食，係每様都甘好食😂🐷頸肉——肉嫩，味道適中皮蛋——糖❤️皮蛋，又係必食炸大腸——皮脆吳會硬，咬落口感一流，仲———吳會好似出面D染左橙色，全天然，———食得健康，廚師又做得出色🦐——炒得夠曬惹味👍👍😋😋😋😋火腩豆付干炒菜—吳使講就更係一樣甘好味樣樣都煮得甘出色👍👍👍👍👍服務又係一流，老闆超好人👍👍👍✌️✌️✌️

全部野都好有水準😋😋 最緊要試吓隻要自己撕又食過返尋味嘅燒雞！皮好趣肉好滑😋😋啱啱出爐嘅燒排骨都好香！再可以嗌多幾個小菜🥢 例如香腩炒包菜 都可以試試😋一家大細食餐飯正 獨獨黎食宵夜都咁掂唔講咁多 你地都試下就知🤤！！❤️

老闆很好人,因為即叫即整太熱,剛剛出爐,佢幫我地手撕兩隻雞脾，雞好滑，皮好脆，連平時食開D雞胸都好滑,因為我們兩人去食一隻雞已經好飽，好想試埋其他小食,但好飽了

講到呢間雞屋，已經第二次幫襯～佢店如其名，係一間只有屋咁大嘅店，主角就緊係雞啦😄上次幫襯一行5人叫左1隻雞，每人只係試到少少，所以今次同老公2人撐枱腳🤭2個人KO成隻雞～主角燒雞原隻上～呢個係店員推介嘅，但唔想整污糟手嘅朋友都可選擇切件上。

我地2次都原隻上，由於店員會提供手套，所有用自己手撕開好似原汁原味d😄不過隻燒雞熱辣辣咁上，都幾難撕㗎～好在店員又有提供胶剪😀結果老公好輕鬆就將隻雞解左體，我再用手拎泥食～隻燒雞果然外趣內嫩！咬落去d皮仲趣卜卜，d雞油同汁好自然向下滴🙊d雞肉一d都唔”鞋”！而且好入味，夠哂咸！但個人覺得有d汁點會更吸引～不過2個人食一隻雞真係幾多🤣攪到隔離枱嗰一家七口竊竊私語🤨唔知係咪笑我地大食呢～除左食隻雞，我地仲叫左碟大腸炒芥蘭～賣相同份量都值8分，大腸算洗得乾淨，芥蘭夠鑊氣，唔會過淋或過硬～除左拼大腸，仲可以簡咸肉嗰d～食到飽飽，叫左罐出面好少有嘅加多寶！其實我未飲過🤭原來超級甜！中和翻餸菜d咸都唔錯👍🏻燒雞～～～～我會再泥的！🤪

雞屋餐單提供粵菜, 廣東, 港式, 海鮮, 中菜館等推介美食位於大埔區，餐廳座位數未知人均消費約$101-200，結賬可以用AlipayHK,支付寶,現金，Booking訂位可以電話致電 93457252 查詢。

您對於大埔餐廳「雞屋」有何 comment？

雞屋餐廳詳細資料：

• 雞屋地址:
  大埔翠怡街3號翠怡花園C座地下7A號舖
  Chicken Shop, Shop7 A, G/ F, Block C, Greenery Plaza,3 Chui Yi Street, Tai Po
• 雞屋電話: 93457252
• 雞屋價錢: $101-200
• 分類: 粵菜, 廣東, 港式, 海鮮, 中菜館
• 座位: 未知
• 付款: AlipayHK,支付寶,現金
• FB專頁: 雞屋 Facebook

更多雞屋相關資料:

• 雞屋分店
• Youtube
• Facebook
• Twitter
• Google