北海道十勝豚丼 大埔

北海道十勝豚丼 評價 相片

星期五晚餐時間見無人等位所以試下叫咗厚燒豬扒套餐同朱古力咖啡豚肉飯，先講厚燒豬扒，豬扒零脂肪燒到過晒時又老又柴皮，仲衰過隔夜燒肉番煎再番煎，成個餐最入得口只有白飯及麵鼓湯朱古力咖哩汁淡而無味，無朱古力味無咖哩味求其加幾片白烚豬肉就收四五十蚊，買包即食咖哩都有heart過佢食咗垃圾嘅一餐，呢d咁嘅質素真係遺害人間！

我地今日行超級城行到肚都餓啦，見到呢間個名好似唔錯咁，所以就入咗去食。

點知………………店內環境偏黑，而且menue也是黑色的底色，所以令本人睇起上嚟有啲困難。

首先，我地叫咗個叉燒麵豉湯拉麵，一個北海道辣味拉麵同一個薄燒豬扒。

講下個麵先，麵質好淋，湯又咸，令人覺得佢嘅湯係用味精做嘅。

此外，麵內嘅紫菜嚟到嘅時候已經跌咗入碗麵到，俾啲湯索哂，所以完全冇咬口。

辣味嘅湯底都好咸，但辣度就ok啦。

但個豬扒就真係哂掂啦。

首先，雖然係薄燒，但係因為肉質太hai，加上燒嘅時間有啲長(塊豬扒燒到long哂），所以好硬。

其次係個汁，個汁都幾好味，甜甜地咁。

喺大埔入面搵間所謂嘅日本餐廳，而價錢又平嘅，如果無任何要求，只為求填飽個肚嘅就去食啦。

這天一田購物節,一早來到大埔超級城,打算食飽再購物。

可能時間尚早,幾間食店都還有很多位。

來到這間十勝豚丼，見門面ＯＫ，也不考慮太多，食完先算。

我點了個朱古力咖喱吉列海鮮飯，為何賣相和我太太的烤豚肉飯相差咁遠？講返我個飯，咖喱ＯＫ，飯就有少少過淋，至於海鮮。

。

不提也罷。

總括來說，如果只求飽肚，一份定食＄５０有找，是可接受的。

不太差。

今日下午想食日式拉麵。

走到公司附近大埔超級城中的十勝。

點左叉燒拉麵同凍柚子蜜。

等左五分鐘就有得食。

碗麵好似半碗滿。

加上所謂叉燒只有五六片。

好薄切。

叉燒好食但太薄。

男人食完唔飽肚。

有兩片紙菜。

加入半只老水蛋。

D麵好彈牙，湯底好似中式鼓油味。

我好難食得出有日式醬油味。

杯凍柚子蜜好好飲，杯底有菓肉。

係鮮菓肉。

整體算好食但唔飽肚。

埋單$45。

門面是一貫日式食店格局，內裡木製椅桌與吊燈，是平民化和風小店設計，不拘謹也坐得舒適天時暑熱還是等待黃昏時份才出動吧，路經大埔區，各商場都是"搵食男女"，在沒有太多選擇下望見北海道十勝豚丼，就像曙光初現般興奮，日式丼飯也是討好的心水食物，二話不說就直奔舖內。

如店名所述，這裡主打就是網燒豚丼，單看餐牌的相片真不禁令我垂涎豚丼大致分薄烤、豬肩脥位置和厚燒三種，汁料和煮法有原味網燒汁、火地獄辣汁和海鹽白風燒肚子很餓啦，幸好店內售賣的就是清一式網燒豚肉，故不需花太多時間在菜式選擇上，選一份十勝烤豬肩脥飯套餐(海鹽白風燒) HK$45及十勝厚燒豬扒飯套餐 (原味網燒汁) HK$55，同時也點了南瓜沙律 HK$30 與巨峰梳打 HK$18。

在等候食物期間不時聞到陣陣肉香，的確令饑腸轆轆的筆者更心急如焚，幸好不是等得太久，兩客套餐和其他食品已陸續呈上，先來的是南瓜沙律，炎熱天氣吃一些清新的最適合不過。

沙律份量十足，以生菜片墊底，中層大堆頭鮮橙色南瓜蓉上再鋪上新鮮菜蔬和炸過的蓮藕片，是一道清新鮮爽又帶點點香口的前菜，南瓜蓉沒有下太多調味更能吃出清甜，因水份較多，質地是偏濕，惟筆者喜歡口感粉綿實在再加上日式BB沙律醬的酸香，這款沙律不是不好吃，朋友也說很滿意，只是不太合我口胃吧。

十勝烤豬肩脥飯套餐(海鹽白風燒) HK$45 (前者)套餐包括前菜與味噌湯要了兩客套餐，當中包括前菜與味噌湯，大豆芽醃汁微辣冰涼，質地爽脆，煮法與味道不媽虎，另外味噌湯味道亦算濃郁。

挑選海鹽白風燒是因為希望能吃到豚肉本身真味，面前成品烤得金黃，新鮮熱辣，油光亮麗，豬肩脥肉的脂肪部份少，走動位置比一般肉質來得爽口彈牙，卻並非又嚡又韌，微微鹹香更能突顯豚肉鮮味，配上蔥白絲與日本米飯，尤其是在餓透的情況下進餐，簡單味美，唯不能吃太濃烈肉味的人們可能要揀其他惹味汁料會適合一些 (我不認為豬臊味強勁)。

十勝厚燒豬扒飯套餐 (原味網燒汁) HK$55啖啖厚身豬扒滋味配上惹味濃甜網燒汁，相信會是大部份人受落的口味配搭啊，這款厚燒豬扒軟滑又略帶油脂與肉汁，肯定是食肉獸們的恩物，口感與烤豬肩脥截然不同，蔥白點點辛辣辟去豬扒些微肉臊，味道十分配合，無論白飯與豬扒份量均豐足，飯粒亦加入汁醬不會吃得滿口乾巴巴，同屬吃得飽的保證。

巨峰提子梳打 HK$18就是普遍日式食店以濃縮果汁沖泡的巨峰提子味道梳打，夠冰凍又夠氣，香甜度適中而不是淡而無味的，冰涼消暑，在炎熱天氣下來一杯實在透心涼兼順喉解渴，賣18元一杯是可以收貨的款式啊。

在一輪狂風數落葉後感到十分滿足，說這裡食材質素高班當然不算，以這個價位吃得飽又過得去算是不錯選擇啦。

**************************口味各有不同，食文只作參考。

希望facebook fans page能得到您的支持啊 ♡（*'∀'*）人（*'∀'*）♡ : https://www.facebook.com/LizsTaste

北海道十勝豚丼餐單提供日本菜等推介美食位於大埔區，餐廳座位數未知人均消費約$50以下，結賬可以用現金。

您對於大埔餐廳「北海道十勝豚丼」有何 comment？

北海道十勝豚丼餐廳詳細資料：

• 北海道十勝豚丼地址:
  大埔安邦路9號大埔超級城C區地下521-526號舖
  北海道十勝豚丼, Shop521-526, G/ F, Tai Po Mega Mall Zone C,9 On Pong Road, Tai Po
• 北海道十勝豚丼電話:  
• 北海道十勝豚丼價錢: $50以下
• 分類: 日本菜
• 座位: 未知
• 付款: 現金
• FB專頁: 北海道十勝豚丼 Facebook

更多北海道十勝豚丼相關資料:

• 北海道十勝豚丼分店
• Youtube
• Facebook
• Twitter
• Google