龍順軒海鮮酒家 大圍

龍順軒海鮮酒家 評價 相片

驚喜食 平日去食係因為近，費事諗費事行就會去呢度食，尋晚唔知點解咁好食。

第一次响呢度食北菇花膠扣鵝掌，花膠雖係碎膠咋咋地貨色，但焾得嚟不失少少爽脆口感，最重要佢掛到汁，鵝掌焾得嚟無茸茸爛爛，連底下埶煲嘅唐生菜🥬都係脆㗎。

片皮鴨一向有食，今晚熱騰騰，留兩髀免斬，皮脆肉瘦，手揸住噬落去，好正喔🤤瘦叉瀨更不得了，啲瀨粉係透明噶，滑嘟嘟又無斷開一截截，放耐咗都唔會索晒啲湯焾晒，單食齋瀨我都開心😃呀⋯⋯仲有係叉燒瘦得嚟都無柴口，不過我下次都係叫番齋瀨，大碗啲😝

入到去無人招呼無人帶位，自己搵枱坐仲要係張張枱走晒都無人執。

本身已經唔多客，啲紫色衫仲要黑口黑面，明知我叫佢仲要扮睇唔到。

完全無問過我幾多位就自把自為落咗三個茶錢，見到我寫單就大大聲講無呢樣無果樣。

到寫好晒要搵人落單又唔見晒人，真係咁大個人都未試過一間咁衰服務質素嘅酒樓！！！如果唔想做就摺埋啦⋯⋯成個商場得兩間食肆，唔係要陪老人家飲茶都唔會去呢間，唉.....下次寧願搭車都出大圍飲！！！呢間垃圾啲嘢又唔好食，下次咪洗再幫襯😡😡😡😡

今日去同大姨丈飲早茶，到了近佢屋企的茶樓！在商場2樓，有電梯直達。

環境唔係好寬敞，乾淨明亮；服務也不錯，友善有禮！點心有早晨優惠紙（有孖寶、抵食點心、雙拼）點了：1. 鮮蝦蒸腸粉蝦不是太大隻，但爽口，腸粉普通滑2. 生菜鯪魚球粥綿綿的粥，足料、鯪魚香滑配有陳皮，有薑絲去鯹3. 咸魚豬肉餅飯咸魚鹹香又大塊，飯的口感不錯，豬肉餅不會太咸，細細碗幾好4. 鮮蝦菜苗餃菜好滿滿，餃皮好軟，鮮蝦細細隻5. 煎三色糕點包了蘿蔔糕、芋頭糕、馬蹄糕，蘿蔔糕好咸，芋頭糕好脆好香、馬蹄糕軟香甜美6. 流沙包蛋黃香滑，流沙的，麵包香軟，比較膩7. 蒸雞絲粉卷粉卷的口感比較硬，包埋雞肉、木耳、紅蘿蔔絲8. 蒸滑雞扎雞扎包了腐竹、魚肚、火腿條、芋頭、豬肉、雞肉

中午叫左個c餐 餐包括一碟河粉，菜，腸粉，薄撐 其餘食物都還可以 唯獨是個乾炒肉片河 肉片就搵唔到喇 肥肉就搵到一大碟 個經理仲死都要同我講果d係肉片唔係肥肉 講大話岀色過689👍🏾

選擇屋邨酒樓，只因有老人家行動唔方便，咁只好揀屋邨中的唯一一間酒樓！沒有選擇指定套餐，單點小菜！服務態度一般！櫈的皮爛哂，著短褲短裙去係會刮腳！食物賣相正常，味道一般至中下！唯一好處係星期日去都唔駛等位！如果唔係要遷就老人家，我相信我唔會再幫襯....

龍順軒海鮮酒家餐單提供粵菜, 廣東, 海鮮, 點心, 海鮮酒家等推介美食位於大圍區，餐廳座位數未知人均消費約$101-200，結賬可以用Visa,Master,現金，Booking訂位可以電話致電 26345208 查詢。

您對於大圍餐廳「龍順軒海鮮酒家」有何 comment？

龍順軒海鮮酒家餐廳詳細資料：

• 龍順軒海鮮酒家地址:
  大圍香粉寮街美田商場2樓201室
  Lung Shun Hin Seafood Restaurant, Shop201, Mei Tin Shopping Centre, Heung Fan Liu Street, Tai Wai
• 龍順軒海鮮酒家電話: 26345208
• 龍順軒海鮮酒家價錢: $101-200
• 分類: 粵菜, 廣東, 海鮮, 點心, 海鮮酒家
• 座位: 未知
• 付款: Visa,Master,現金
• FB專頁: 龍順軒海鮮酒家 Facebook

更多龍順軒海鮮酒家相關資料:

• 龍順軒海鮮酒家分店
• Youtube
• Facebook
• Twitter
• Google