康和車仔麵茶餐廳 大圍

康和車仔麵茶餐廳 評價 相片

個人認為要數大圍好吃的車仔麵，康和都係一個很不錯的選擇！康和喺大圍已經開咗好多年，差唔多樣樣野都比我試食了，不過我嘅至愛都係呢一碗豬紅：入味而無臊同腥味，亦不會一咬就散酸齋:口感煙韌，味道不會太酸，吃後也不會因酸醋太多而喉嚨唔舒服紅腸：煎過後皮脆，正麻辣豬耳：不會切得太幼，口感又爽又煙韌！而且不會太辣，應該譚仔五小辣的人也可嘗試幼麵也不會淥得太耐，能保持口感爽彈最正嘅係佢嘅麻辣汁，又香又麻，而且夠辣，食得好過癮老闆也很Nice，有禮貌，做咗咁多年實屬難得

下午5點過尼叫左個芝士雞翼煎蛋撈公仔麵 隻蛋煎到濃哂 個芝士汁勁淡 又小，得份量多有3隻雞翼，算大隻 ，中意頹食冇咩要求既人岩哂另外我老公叫左碗車仔麵，要麻辣汁 又係淡過水勁似清水就咁落小小麻辣落去 可能店長都知自己間時冇乜味，所以每枱都會放個調味架係到，有齊哂調味咁制。

全場最好味我諗係佢調味架上面個辣椒油唔會有下次

成日大圍出沒，麵未試過呢間車仔麵，我車仔麵控，食車仔麵來講心中都有個排名。

我覺得有時出名既唔一定好食。

今次試左大圍呢間康和車仔麵，數數餐牌，成50幾個選擇，我今次選了：豬紅、牛柏業、墨魚條和麻辣豬肚。

豬紅：above average, 好食的豬紅是有湯汁味的，呢間做到。

牛柏業：係爽脆透白、大大塊果款，食開車仔麵都知唔係間間牛柏業都爽脆，有些霉霉地顏色偏黃，通常果款係無咁脆，脆的這款壞處是鹼水味會重少少。

我個人偏愛脆的呢款，如果湯底夠濃和入味，鹼水味就冇咁出。

墨魚條：呢一間嘅墨魚條絕對推薦，雖然佢切到薄薄地得兩片，但係味道真係好爽甜，同埋有墨魚嘅鮮味。

麻辣豬肚：呢間嘅豬肚正正常常，因為係麻辣汁所以都算入味，不過下次食我未必會再揀。

偷聽到隔離枱嘅食客，話呢間嘅酒豆漿好好飲，好可惜我食嘅時候已經賣晒。

最後，睇返之前嘅食評，好多都話呢一間優勢係大碗抵食，但係個人又唔覺得好大碗，每款餸大約得兩至三份，我食完一碗都未夠飽，好有衝動想叫多一碗。

整體來講，下次會encore，不過就唔係最鍾意嘅頭三位🙈🙈

話說住左大圍咁耐都無試過呢間店可能係位置問題吧今日屋企人想食車仔麵佢勁力推介呢間我就一齊試呀點左~粗麵, 豬紅, 生菜, 鮮腐竹, 尤魚 (腩汁)要讚下個鮮腐竹煲到好淋好怕硬崩崩果D好少見車仔麵店有呢隻鮮腐竹豬紅就夠入味唔會淡茂茂呀尤魚略嫌切到好細但其實質感幾好的菜同粗麵就正常呀試左屋企人點既炸海鮮球同蘿蔔真係好得呀蘿蔔堅好甜同無渣呢個都係比較少食到呀炸海鮮球應該係自家炸既咬落質感幾好唔會浸到淋晒總括黎講今餐好滿意呀

而家6點後無堂食搞到要四岀揾外賣食今次喺大圍見到有車仔麵就試下開頭叫完全無睇價錢點知原來都幾平$40/4餸+麵底再加熱飲/汽水都係$43炸墨魚條+豬紅+魷魚同時菜加左$6轉做手打魚麵墨魚條即炸 好好味豬紅都入味不過魷魚好爽 感覺唔多淋時菜就生菜🥬要咗辣汁係好惹味凍凍地好暖手另外朋友叫嘅係乾撈都唔錯而雞翼尖就好入味性價比幾高 所以可以encore 希望下次係黎堂食啦🤦🏻‍♀️🤦🏻‍♀️🤦🏻‍♀️

康和車仔麵茶餐廳餐單提供港式, 車仔麵, 小食店等推介美食位於大圍區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 26044455 查詢。

您對於大圍餐廳「康和車仔麵茶餐廳」有何 comment？

康和車仔麵茶餐廳餐廳詳細資料：

• 康和車仔麵茶餐廳地址:
  大圍積富街57-69C號地下C舖
  Hong Wo Noodles Shop, Shop C, G/ F,57-59 Chik Fu Street, Tai Wai
• 康和車仔麵茶餐廳電話: 26044455
• 康和車仔麵茶餐廳價錢: $50以下
• 分類: 港式, 車仔麵, 小食店
• 座位: 未知
• 付款: AlipayHK,支付寶,現金
• FB專頁: 康和車仔麵茶餐廳 Facebook

更多康和車仔麵茶餐廳相關資料:

• 康和車仔麵茶餐廳分店
• Youtube
• Facebook
• Twitter
• Google