大圍小館 大圍

大圍小館 評價 相片

工人放假, 夜晚出街食, 去開大圍都知喺積福街li間掛滿紅燈籠嘅中菜館, 入到去空間感非常好, 每張枱之間以大塊透明膠隔住, 既做到”抗疫”效果亦唔影響觀感, 餐具好乾淨梳化櫈舒服,🥢一坐低會serve茶&水各一壺, 我地飲”菊花”, 經理仲拎左大圍小館自家製嘅琥珀合桃, 甜甜地好好味, 仲有話梅苦瓜, 老公話兩樣一齊食唔覺苦仲好清爽開胃添. (茶水HKD20@)🥢第一次黎就遇到li位nice又健談嘅女經理👍🏻, 我地4個人無咩idea食咩, 佢推介左幾款店家嘅名物俾我地.🥢京葱爆牛仔肉 (HKD138)牛肉一食就知係靚貨, 睇下牛仔肉嘅紋路鎖住好味嘅汁料, 加上勁多爆香斜切嘅京葱, 肉質新鮮無得彈👍🏻, 一人一碗飯連京葱都清埋😛.🥢柚子胡椒鮮魷 (HKD138)menu有四種styles揀(金沙,蝦醬,椒鹽). 椒鹽鮮魷食得多, 加入柚子鹽嘅鮮魷仲要咁好食就第一次, 炸粉漿超鬆脆, 白雪雪嘅魷魚新鮮口感軟腍, 係坊間炸鮮魷嘅高level版, 加上柚子鹽味道更加清新, 碟醬都無掂過已經夠哂好食.🥢沙薑鮮雞•半隻 (HKD228) 經理特別推介本地農場飼養嘅無激素雞, 食過真係唔想再食坐車過關黎香港嗰啲雞!! 我地怕食唔哂, 就嗌半隻, 點知都好大碟, li個農場出品嘅雞肉咁嫩滑其中一個原因係佢地生長期around 90100日. 最矜貴莫過於香港飼養+無激素, 唔係好多地方食到ga, 大人細路都食得超放心❤️.🥢啫啫唐生菜煲 (HKD118)滾熱辣嘅唐生菜煲黎到時仲係啫啫聲呢, 唐生菜大大棵沾滿蒜, 椒, 蝦醬嘅惹味, 蝦醬醎香非常突出, 平時唔多食菜嘅老公竟主動勁食.🥢嘩....多謝經理請我地食渣咋呢!! 豆多到爆勁足料, 甜味適中, 飯後糖水都製作認真, 一定有下次啊, 我仲想食店家嘅”第一叉”同”炸鮮奶”架👍🏻.

遲黎的母親節慶祝，我哋約咗喺大圍小館度食好彩一早book定位，晚市勁多人，餐廳防疫意識好高，要做嘅嘢都做足，枱與枱之間都有大型膠片隔住👍🏻門口有好多中國特色嘅大紅燈籠，非常搶眼坐低之後，店員送上兩款小食琥珀合桃：聽店員講係餐廳獨家秘製，合桃外層有麥芽糖，甜而不膩，非常開胃麻辣木耳：凍食，辣度剛好，好味道！柚子胡椒鮮魷：呢個10分推介，鮮魷新鮮彈牙十足, 配上柚子鹽，完美無瑕第一叉：其實即係叉燒，但一上枱就知道佢點解叫自己做第一叉，每塊叉燒都係超厚切嘅，叉燒側邊仲有微微嘅燶邊，肉質軟硬適中炸瑤柱絲蛋白炒飯：呢個炒飯會跟一個湯上嘅，店員話可以有兩種嘅食法，一種就係就咁食，你會食到炸過既瑤柱絲，好香口嘅口感；另一種食法可以係浸少少湯，湯飯嘅食法，別有一番風味黑松露滑蛋炒蝦球：黑松露鋪滿咗係蛋嘅上面，蝦球好爽脆，三種食材配合得好好最後仲有甜品同糖水食，飽飽呢👍🏻不得不提，店員有禮貌又好服務，我哋一家都食得好滿足，多謝住係大圍既朋友介紹

食完之後，真係要寫篇文讚一讚呢一間鋪頭，不論用料、食材、管理餐廳的理念、服務態度，都係我食過中菜餐廳裏面的數一數二。

這一間餐廳，在大圍站是兩個街口以外，步行距離大約3分鐘，所以是非常方便。

我特別喜歡這一間餐廳的招牌，非常光鮮，而且裏面環境寬敞，讓人有一種非常舒適的感覺。

大大間的餐廳，其實只是放了13張枱。

即使在這一段時間，如果你特別注意衛生，在這一間餐廳，你也是可以完全放心的。

這間餐廳還特別安排了搓手液供顧客使用。

這一餐飯，我食了差不多兩個半小時，但服務員的服務態度非常好，還不時跟我和朋友聊天，講解他們營運這一間餐廳的理念。

令人非常欣賞。

這一間餐廳聞名的是雞，因為他們堅持使用活雞，每天早上新鮮的從元朗農場訂製雞隻，在自己揸車把雞運回食肆。

非常用心。

這裏的雞，叫做「農舍雞」。

我特別點了這裏的砂礓雞來吃，半隻來說，要200多元，價錢可能稍高於外面，但當吃過後，便發現，是真的值這一個價錢。

砂礓並不是採用外面研製的砂礓醬，而是師傅巧妙地把砂礓設成粒狀，然後放在雞的表面，讓人每一下都食到新鮮砂礓的味道，誠意十足。

其次就係這裏的叉燒，這裏的叉燒可以說，肥瘦比例非常勻稱，而且大大份，香甜的蜜糖汁灑在表面，非常甜，非常好食。

而且這樣也令叉燒不油膩，令人想一吃再吃。

我在中餐廳，一定會點一款生炒骨，因為生炒骨是我的至愛。

但平時在外面食生炒骨，都可能會遇上一個問題，就是他們的生炒骨炸粉太多，令人感覺不新鮮。

但這裏的生炒骨就沒有這一個問題，新鮮整，而且並沒有用很多的炸粉，並沒有把整碟菜搞得很上火，反而平平淡淡，回歸真材實料，令人感覺非常好。

食飯之餘，當然要整碟菜，他這裏的上湯金銀蛋時蔬，可謂一定要試。

因為鹹蛋配搭着其他配料，加上非常新鮮的蔬菜，令人非常滿意。

老火湯也令人感到這一間餐廳的誠意，他一個老火湯，背後用料十足。

就咁望這一舊豬肉，已經知道成本不菲，但他也堅持收取合理的價錢，這令人非常欣賞餐廳的誠意。

這一個赤小豆粉葛湯，並沒有落味精，喝完後，也不會令人有一種很口渴的感覺，大大碗，用料足。

最後，糖水，是這裏的秘製糖水，當中用了紅棗、冰糖、髮菜，同埋其他用料，餐廳略為大膽的做一嘗試，不用傳統的紅豆沙，令人感覺到這裏的創意。

食評有點長，因為這間餐廳，我是真心欣賞。

與數年前跟旅行團而認識的朋友聚舊，在他工作的有機店附近訂枱吃晚飯，順道幫襯他購物。

食店距大圍車站只一分鐘脚程，門外侍應先為我們電子探熱，確保在這非常時期，食客不會互相感染。

搓手液當然也少不了。

因現在是待客人到來，知道人數才擺位，減低食具被污染機會，故需在門外稍等。

門內還有一抗疫加油站，看到這些安排，感覺安心良好。

先來兩碟餐前小吃，自家製的❮話梅涼瓜❯ 微酸帶甜，很輕微的甘苦，話梅味頗出，解膩開胃不錯。

❮琥珀合桃❯ 鬆，脆，微甜，新鮮，好味，我們把全數伴菜也吃光！真想外賣回家再享用第一叉❮叉燒❯ 免費每枱均送上半份，當食物端上枱時，我們才知道這份驚喜！侍應姐姐說，公司想回饋給在疫情下來幫襯的客人第一叉原來是這裡的signature。

叉燒厚切，燶邊，外香；蜜清；微脆，雖然是厚切，梅肉入口腍鬆少肥，新鮮熱吃好味。

鮮雞亦是這裡另一著名的，選上❮沙薑鮮雞❯ 半隻 $238因侍應姐姐告知，是用新鮮沙薑醃製蒸煮，而且雞隻來自元朗農場100天鮮雞，絕對不含激素 雖原沒計劃吃雞，聽後也被打動，嘻嘻！雞皮又爽又薄又彈牙，最欣賞它沒j有一層膏，雞胸肉嫩滑，可想而知其他部位就更嫩囗。

雞皮上舖了小粒的鮮沙薑與蔥粒，薑香蔥清微鹹有雞味，好味又吃得放心。

❮黑松露滑蛋炒蝦球❯ $148有蛋汁的嫩蛋包覆著大隻蝦仁，蝦肉Q彈，黑松露微香，讓口腔加多了一份香氣，單吃蝦仁也頗好味。

❮黑松露炒雜菌❯ $128為何又是黑松露？皆因配雜菌很夾味，朋友想吃呢！這碟的黑松露汁很濃香，配合軟爽雜菌的味道，夾到呢 ...!如加上意大利粉，真是可做出一碟美味西菜。

最後一味是❮拌水芹香❯ $128蓮藕爽，荷芹香，萵筍甜，淮山粉，雲耳翠，百合鮮，很清新的一碟上素，鹹度適中又不會油膩。

敬送(懷舊糖水) 免費❮紅棗眉豆髮菜花生陳皮糖水❯ 紅棗切薄片，眉豆粉，花生腍，還有髮菜，用上很香的15年陳皮，少甜，很有兒時媽媽經常煮的糖水感覺，不過當時好像沒下紅棗。

現時能找到性價比高，優質，無激素食材的食店比較困難，原來大圍也有卧虎藏龍的。

雖然家陣周圍都好多病菌，但飯始終都係要食嘅！之前聽講大圍小館呢度有味餸好得，個個嚟親都必嗌，所以點都好都一定要嚟試吓！一坐低，店員就上咗個前菜俾我哋，心諗「苦瓜嚟喎⋯⋯」點知一放入口，好味到震！同店員八卦吓問吓佢個苦瓜酸酸甜甜又冇苦味點整，店員話係用咗話梅同甘草整成，唔怪知得碟苦瓜完全冇苦味，仲帶有微酸嘅甘甜味啦！呢碟就係一味驚人嘅鼓油皇鮮鵝腸！！真係好食到暈低～出面好少會真係有咁大碟鵝腸食，通常都係鴫腸嚟～呢個鴒腸嘅醬汁唔單止調教得啱啱好，而鵝腸亦係十分之爽脆，再加埋秘製嘅大媽辣椒油，惹味！刺激！好好食呀！！！！呢度嘅沙薑鮮雞係由元朗本地農場每日新鮮運到架～而且店員仲強調絕無激素！！啲雞又真係好滑同好有雞味～最後我哋再叫多個蒜香薑米籠仔蒸蟹飯，大大隻蟹不在話下，仲要超多蟹膏！！！啲飯仲用咗蛋白去炒架～濃郁嘅蟹味配上清淡嘅蛋白飯，真係一流！！！另外仲有呢個送嘅桂花馬碲，桂花味好香好香～～～馬碲又夠爽口～連送嘅小食都咁質，呢間食店果然名不虛傳！！

大圍小館餐單提供粵菜, 廣東, 港式等推介美食位於大圍區，餐廳座位數120人均消費約$101-200，結賬可以用Visa,Master,現金,銀聯，Booking訂位可以電話致電 23391319 查詢。

您對於大圍餐廳「大圍小館」有何 comment？

大圍小館餐廳詳細資料：

• 大圍小館地址:
  大圍積福街92號地舖
  Taiwai Dining Room, G/ F,92 Chik Fuk Street, Tai Wai
• 大圍小館電話: 23391319
• 大圍小館價錢: $101-200
• 分類: 粵菜, 廣東, 港式
• 座位: 120
• 付款: Visa,Master,現金,銀聯
• FB專頁: 大圍小館 Facebook

更多大圍小館相關資料:

• 大圍小館分店
• Youtube
• Facebook
• Twitter
• Google