The Grove 大圍

The Grove 評價 相片

已經尼過呢間隱世台灣餐廳幾次，位置隱藏於民居裡面，唔係住呢頭附近都要花少少時間搵吓。

餐廳坐位分左室內室外既，加埋大概20個位左右，唔太多。

室外可以比大家帶埋小動物尼食野，都幾好既。

之前幾次我都係尼食飯既，不過今日早左少少食唔落，所以叫左芝士煙肉BAGEL(藍莓味)BAGEL 好韌，好難切之餘用牙都撕左好耐。

藍莓味其實淨係D JAM，甜甜地同芝士煙肉餡都幾唔match男朋友點左鹽酥雞肉燥飯，鹽酥雞份量多，調味落得岩岩好唔會過鹹，肉燥唔會太油，撈飯好正。

抹茶珍珠奶綠，珍珠夠煙韌，可惜抹茶味比較淡，奶味比較多。

下次都係食返主食穩陣D。

放假時間最岩小妹去尋找美食，放狗之餘又可以拍拖，於是搵到呢隱世台式餐廳，叫左滷水小食，樣樣都好入味，仲有濃烈花椒八角，必試，之後再叫炸雞粒，一啖咬落去，好juicy！滷肉飯肉碎非常入味，值得一試。

炸洋蔥圈炸得爽脆，送酒一流。

今日去開大圍做嘢，行過見到呢間餐廳好似幾靚咁，就入去食個晏。

原來係間走文青風嘅小清新台式料理店。

叫左個肉燥飯，本身一黎到嘅時候，都覺得好似無乜汁咁，唔知會唔會太乾。

但食落又覺得肉燥嘅鹹香已經好足夠，亦都好濕潤，用黎送飯絕對唔會乾。

喺大圍嘅朋友可以試下！

原本想搵啲文青cafe hea下，點知個朋友仔睇醫生成朝都未食野，就早啲出黎同佢食個brunch。

早到都幾好無乜人，得一枱客。

其實想座室外位但因為呢兩日落雨怕多蚊就座室內，但轉個頭lunch時間就兩邊門打開晒啲飛晒入黎😐。

講返食，見到個menu，除左4號比較破格，其他三個好穩陣（因爲一早盤算好一陣間過隔離嗰間Cafe食下午茶hea）所以呢個就係我哋叫咗1號仔同2號仔。

配左侍應妹妹推介既藍莓奶綠（轉飲品每杯減$16）野食野飲好快就黎，可能未有太多客。

藍莓奶綠，杯野本身都幾甜，起晒奶泡，滑口但無乜奶同茶味。

牛肉麵啲麵質彈牙，感覺有啲似食緊韓國拉麵既感覺。

湯頭濃郁唔油。

牛肉係我大愛既牛筋腩😻好軟入味但唔鹹。

又話辣既😂肉操飯個汁好多夠餸晒成碗飯，飯係珍珠米😻醬油味濃得來帶甜，肉操唔鞋口亦都唔肥膩。

不過都唔夠屯門某肉燥飯咁令人回味。

今次又比我發現一間比較隱世既文青影相cafe,其實去之前都係靠上網搵資料見到大圍既呢間cafe,主要貪佢有露天茶座，咁樣可以慢慢影相又吾驚騷擾到其他人，但如果去既朋友建議搭巴士或小巴會比較近，因為第一次吾識路搭左地鐵再轉火車，再步行左接近20分鐘有多先到，而且cafe既附近係草叢同村屋，加上本人今日去既時候岩岩落完雨，特別多蚊，就係咁我比蚊針到一身都係好彩最後問職員佢地提供左蚊怕水比我先頂得住，所以大家如果要去影相想坐出面記得做好防蚊措施，吾好好似我咁餵飽晒啲蚊。

***今次點左兩個餐，都係覺得佢地既飯比較好食，麵包就一般，但價錢合理，而且份量都正常。

The Grove餐單提供台灣菜, 咖啡店等推介美食位於大圍區，餐廳座位數未知人均消費約$50以下，結賬可以用現金。

您對於大圍餐廳「The Grove」有何 comment？

The Grove餐廳詳細資料：

• The Grove地址:
  大圍下徑口村30號地舖
  The Grove, G/ F,30 Ha Keng Hau Village, Tai Wai
• The Grove電話:  
• The Grove價錢: $50以下
• 分類: 台灣菜, 咖啡店
• 座位: 未知
• 付款: 現金
• FB專頁: The Grove Facebook

更多The Grove相關資料:

• The Grove分店
• Youtube
• Facebook
• Twitter
• Google