Vivant TKR 土瓜灣

Vivant TKR 評價 相片

過黎vivant TKR食飯，放心交比老闆發板食咩、飲咩都唔會失望淨係睇間餐廳用嘅玻璃杯，都知道老闆對食，同埋飲酒嘅追求👍🏻🙂沙律濃濃既蕃茄湯Main d肉生熟程度啱啱好，肉質👍🏻DessertApple crumble加雪糕 都係出奇地驚喜而且好鍾意呢幅牆🤩🤩🤩🤗 成個牆都係用酒樽既menu ，睇得出老闆將每一個細節都認真做好不過，呢間餐廳唯一比較麻煩，就係交通唔係咁方便，每次黎食飯要專登入嚟土瓜灣

我仲記得第一次入呢間餐廳嗰陣時嘅情景。

我有一日行過呢間餐廳嘅門口，見到佢有好多酒樽放咗喺牆嗰度，我又想飲酒，就膽粗粗一個人行咗入去。

入到去，見到嗰塊牆除咗有好多酒樽之外，仲用咗一啲出名嘅酒嘅OWC original wood case 切成。

酒亦都有包括一啲波爾多一級酒莊。

坐低之後，老闆就二話不說斟咗一杯香檳俾我，佢話：「請你飲㗎！」飲完果杯香檳之後，我就睇吓個酒牌，發現嗰度有得買香檳新貴Jacques Selosse 嘅香檳，而且價錢非常接近網購價，令我非常驚訝。

不經不覺，已經係一年半之前發生嘅事。

係呢一段期間，我都不時有幫襯哩一間小店。

我帶過我好多朋友，同事，舊同學甚至家人去一哩間餐室。

點解我咁鍾意呢一間小店？因為呢度無論服務，食物、酒嘅質素，裝修，清潔度，同埋性價比，我都覺得值得俾五粒星。

服務老闆會喺度親自招呼所有啲客人。

由於佢除咗營運餐廳以外，佢仲有賣酒，亦都有自己品牌嘅香檳，所以佢對香檳、紅白酒嘅嘢都基本上無所不知。

老闆亦都教咗我好多關於香檳同埋我之前好少接觸嘅 burgundy (布根地) 紅白酒嘅嘢。

講返今餐，由於有未去過呢間餐廳嘅朋友喺度，所以老闆向我哋解釋 DRC Domaine Romanee Conti 同埋「菜刀」Domaine Prieure Roch、Leroy 嘅故事；又講咗俾我哋聽佢同香檳三個酒莊莊主嘅認識過程、等。

食物、酒嘅質素雖然小店係一間餐廳，但係如果冇預約，小店只會提供一啲送酒嘅小食 canapes。

但係如果你早一兩日通知佢哋，佢哋可以安排晚餐。

我就有預先通知佢哋安排晚餐。

首先有帶子，佢煎到個面竉竉地，但係又唔會過熟，配上一啲豆溶，幾好食。

南瓜湯我其實唔係好鍾意飲，因為我覺得西式湯應該係咸嘅，但係南瓜湯就通常都會帶甜味。

不過呢度做嘅南瓜湯係質感、濃度同埋味道都做得幾好。

跟住就到蜆，呢個真係好好食，佢同一啲湯一齊煮同上碟，所以濕濕地，就算慢慢食都唔會令到啲蜆變乾。

味道亦都做得非常之好。

羊排都係呢度出名嘅菜式，呢度個羊排同第二啲餐室唔同，出邊會切到一舊羊排得一條肋骨，但係呢度會切得大舊一啲，一舊有兩三條肋骨，食落去感覺上好似有多啲肉。

不過味道好似同之前有啲唔同，因為之前孜然味比較重，今日就冇乜孜然味。

不過就算冇孜然味個羊都好好食。

最後就嚟到甜品，佢哋準備咗一個用鴨蛋做嘅crème brûlée，比起一般嘅crème brûlée質地好似有body一啲，但係唔會覺得鞋咗，蛋味道亦都濃一啲。

酒嗰方面，香港比較少餐廳可以俾你揀到咁多高質素嘅香檳同burgundy。

而mark up都唔係太多。

我成日同啲人講，呢度餐廳酒嘅價錢比起某某大型連鎖酒鋪仲要低，甚至乎有啲酒同出面嘅網購價都係差唔多。

老闆好多時仲會請你飲啲唔同嘅酒，俾你試試唔同酒嘅味道。

呢度有好多好靚嘅香檳同埋 burgundy 賣，如果你鍾意飲 quality fine wine，呢度簡直係你嘅天堂。

可能你會問：「我鍾意飲波爾多㗎喎，呢度係咪冇㗎？」答案係有波爾多酒賣。

我哋之前都係呢度搞咗一個波爾多一級酒莊嘅晚宴。

我哋飲咗同一個年份嘅所有波爾多一級酒莊加埋一支白馬。

不過平時呢一度嘅現貨波爾多酒唔係好多，但係都有幾支飲得嘅波爾多例如小白馬，La Mission HautBrion （修道院），Hosanna。

講番我哋開咗啲咩酒，因為朋友比較鍾意飲白酒，所以我哋開咗一支比較靚嘅 burgundy 白酒：1990 Batard Montrachet。

之後又開咗一支2014 Les Petits Monts 同埋老闆自己品牌嘅 demisec 香檳。

其實我從未飲過咁舊嘅白酒，支 Montrachet 飲落有啲檸蜜味，幾厚身，酸度唔會太高，非常好飲。

Les Petits Monts，我之前都飲過呢塊田嘅酒，覺得性價比都幾高，我好鍾意。

老闆嘅香檳，我都試過幾次，都係一支好酒。

依家係某五星級酒店都買緊老闆嘅香檳。

裝修除咗之前講過嗰一幅佈滿酒樽嘅主題牆之外，餐廳內仲掛咗一盞好靚嘅水晶燈，令到餐廳內嘅感覺都grand 咗。

餐廳樓底好高，所以雖然餐廳唔係好大，但係都唔會覺得好逼夾。

店內仲放咗一啲 DRC Domaine Romanee Conti 嘅酒樽。

你可能都見過其他餐室都有放一啲DRC嘅酒樽，但係呢度唔同，因為佢係真係有DRC嘅酒賣。

餐廳後邊仲有個好大嘅天井，方便一啲需要食煙嘅人。

總結 一年半之前第一次嚟呢間餐室 帶過我好多朋友，同事，舊同學甚至家人嚟 老闆會喺度親自招呼所有啲客人 老闆教咗我好多關於香檳同埋 burgundy (布根地) 紅白酒嘅嘢 如果冇預約，小店只會提供一啲送酒嘅小食 canapes 早一兩日通知可以安排晚餐 推介：香檳、burgundy 酒、帶子、蜆、羊排、crème brûlée 酒嘅價錢比起酒鋪仲要低，同出面嘅網購價都係差唔多 有好多好靚嘅香檳同 burgundy 酒賣，係鍾意飲 quality fine wine 嘅人嘅天堂 呢度有波爾多嘅酒 有一幅佈滿酒樽同用OWC 切成嘅主題牆 掛咗一盞好靚嘅水晶燈，令到餐廳內嘅感覺都grand咗 餐廳後邊仲有個好大嘅天井，方便一啲需要食煙嘅人

The restaurant owner has a great passion on wines and present them with nice food . I especially like the appetiser which is really exquisite. For the wines, feel free to ask for advices from the owner. He will suggest some wines which can be paired with the food.

Very nice place for dinner with wine...if you like champagne or wine, you should give a try. Very reasonable champagne price either dine in or buy out

Interesting fusion of eastern ingredients with western style of preparation. A wide range of different dishes from the tapas style entree to the meaty mains (lamb and beef). But the champagnes and wines are what makes the difference, great selection at a very reasonable price! Have a been a few times for just after dinner drinks with an intimate drinks with friends.

Vivant TKR餐單提供多國菜, 酒, 私房菜等推介美食位於土瓜灣區，餐廳座位數12人均消費約$401-800，結賬可以用Visa,Master,AlipayHK,支付寶,現金,AE。

您對於土瓜灣餐廳「Vivant TKR」有何 comment？

Vivant TKR餐廳詳細資料：

• Vivant TKR地址:
  土瓜灣天光道44號地舖
  Vivant TKR, G/ F,44 Tin Kwong Road, To Kwa Wan
• Vivant TKR電話:  
• Vivant TKR價錢: $401-800
• 分類: 多國菜, 酒, 私房菜
• 座位: 12
• 付款: Visa,Master,AlipayHK,支付寶,現金,AE
• FB專頁: Vivant TKR Facebook

更多Vivant TKR相關資料:

• Vivant TKR分店
• Youtube
• Facebook
• Twitter
• Google