Oasis BBQ 土瓜灣

Oasis BBQ 評價 相片

正值18號係小妹的生日，一大班朋友同我去左朋友介紹嘅呢間餐廳到搞生日。

因為一早訂左位嘅關係，所以一入到去就已經坐得低啦~~~我地包左上層派對，仲join左佢地個$288任飲任食嘅plan，我就覺得幾抵啦~~因為佢地個menu入面包嘅野食都係靚料，好似美國安格斯肥牛啦、桂花蚌、桶蠔、花膠，連燒羊架都有添！一般出面任食都好似冇咁多種類比較好的材料。

佢地除左打邊爐外，仲有串燒。

所以首先我地叫左個麻辣湯底拼蕃茄薯仔鍋，少不免叫返碟打邊爐少不免的安格斯肥牛啦～～佢地個湯底真係好濃喎，麻辣果邊真係愈滾愈辣，蕃茄湯底亦都好濃，一d都唔似出面咁淡．．．仲有佢地嘅無骨口水雞好值得一試！認真夠麻辣．．．因為我好鍾意食辣，所以我覺得真係very good！加上，我都幾喜歡食海鮮類，呢到果個黃金燒扇貝都唔錯！新鮮扇貝配上蛋黃醬，食起上來蛋黃醬的醱味同帶子的鮮甜味真係岩岩好，加上佢地的賣相十分好。

Pretty good~~ 可惜我唔記得左影相啦~~ 大家食到咁上下飽，就係全晚最開心嘅時候啦~~哈哈，因為佢地係任飲，所以大家食飽左之後，就開始飲酒猜妹啦~~佢地仲有埋骰盎同埋啤牌比我地玩，真係perfect！好過去酒吧，又有好野食、又有酒飲、又有得玩，都係約$300一個人，去酒吧都要呢d價錢。

果晚真係玩得好開心，好滿意，所以真心想介紹比大家試下 ！

尋晚放工後帶隻猫咪到土瓜灣的寵物店做美容後，同男友逛逛附近有咩好食。

男友本身提議到紅茶館食晚餐，貪氣氛比較好。

行到附近發現原來隔離有間係串燒 + 火鍋合一的餐廳，所以我地決定試下。

雖然尋晚係星期五，原來佢地係接受預約訂位的，但好在有位唔洗等咋。

我地聞到隔離台打緊邊爐個湯底好香，所以我地又試下佢地嘅湯底先。

我地揀左個雙併湯底($68 + $38)，沙嗲湯底 + 香茜皮蛋豆腐湯底，湯底材料十足！ 我地仲點左小小串燒試下，只係點左2個。

因為怕食唔哂．．．加上呢到個女服務員的服務都幾好，而我同男友對呢到嘅食物質素都相當滿意！以呢個價錢食到咁嘅質素，我覺得係值得嘅，下次一定會再泥過。

^^ 今次得2個人試嘅種類唔多，下次同埋班朋友一齊泥試多d唔同野先。

七月一。

Oasis。

生日派對。

非常後悔。

話說小弟七月生日，朋友安排咗响呢間燒烤任飲任食大派對…一連串嘅不幸，由七點鐘開始…1~朋友們七點坐下，去到七點半都係只供應水，其他飲料則因為未涷而暫不供應…當時都叫做可以原諒，因只到三分二人(總人數24人)...2~大概8點鐘啲飲品"開始凍"，亦都開始送飲品…好可惜，店主無好安排入定多D貨，所以啲啤酒來得雜七雜八，頭round 麒麟啤…大概只有打半+少量藍妹+大量生力…在場有女性朋友唔嗜杯中物，咁痾打可樂啦…對唔住，成間舖頭只有7冠可樂，我朋友要自己…睇清楚係"自已"行過對面七仔買上去飲…飲品安排不當…第一宗罪！3~8點半到11點係食野時間…你以為係响呢段時間食哂？錯了，佢送餐速度响呢段時間只來了四樣食物:一。

剌身4碟，三文魚唔肥。

吞拿魚有骨。

魷魚粒幾爽。

劍魚都可以嘅！二。

雞泡魚乾兩碟，夠乾身，送啤一流！三。

沙拉4盤，蔬菜夠新鮮，無需要加任何嘢無好食！但，可惜食品上枱時間分配失控…第二宗罪！4~好！你唔準時送食物上去招呼又無人解釋點解咁錯，我呢個壽星仔落樓問老細睇下發生咩事？一落去聽埋解釋我就更加無名火起三億仗！佢話:係慢咗啲，因為今晚好多街客，所以就遲咗小小，嗱…裡面燒緊嗰D全部都係你地架！大佬，我夠知你忙你多客好叻好威，但係我係訂左架，你係咪應該預左有專門一個爐去燒野食去服務我地，並唔係我訂完去就你啲街客呀？咁試問我訂黎做乜呢？無解釋加安排失當…第三宗罪！5~落去了解完再返去玩，去到11點(切完旦糕、燒豬)其他野食開始上樓，完全唔特別…普通燒烤貨色~一。

焗鮑魚，只有一個港幣一元咁大，食唔出有咩鮮味！二。

其他肉類同你哋去D任食燒烤差不多。

出品普普通通…第四宗罪！6~服務非常一般，三催四請都無人理會… 我自己就覺得呢間餐廳無專重過訂枱客人;再者，令我一年一度嘅生日濛上污點…結案陳詞…呢間餐廳，我有生之年都唔會再幫襯！亦都唔會同其他人推介！dislike！希望大家引以為監！

由於好友一早book左位包左場, 去到好快就已經比左2樓兩圍檯我地...坐低頭半個鐘都係得個坐字, 水都要叫幾次先比... 電視機做緊有畫冇聲既西片, 問有冇得轉睇毛記, 冇. 咁一係開大聲d喇, 又話廢事嘈到地下果層既客人所以唔得.... 真係熄左佢冇咁嬲...。

。

但竟然要我地坐呀坐, 話要等齊人先比野我地食... 咁飲住野先啦, waitress話啤酒氣水全部未雪, 唔凍, 咁就拎左d自家制菊花茶... 老實唔凍都係幾難飲...終於拎左d頭盤黎食, 係冰鎮西芹條, 白+紅蘿蔔條配麵鼓醬, oh, 好難食的組合, 上左2盤都清唔晒仲打算再拎多盤上黎... 惟有好客氣地叫waitress 拎返走啦.咁又坐多半個鐘, 終於拎左2碟日式生蕃茄, 呢個味道的確唔錯, 個汁好好味, 尢其係大家都餓左接近一個鐘後覺得零舍好食.食完個蕃茄, 又等多半個鐘...終於有刺身船, 份量其實唔夠, 只需2分鐘就掃清, 每樣野食每人只有一件!!!!!食完個刺身船, 諗住應該到熟食啦... 大家都餓到暈, 再3催問幾時有野食, waitress 都係話:"燒緊燒緊..." 我地係等食期間, 廿幾人都仲有食過一碟燒雞泡魚干同一人一隻迷你版燒雞中亦冇乜醃過, 冇味既.其實冇野食都唔緊要啦, 飲野都得掛? 終於d啤酒夠凍喇... 又到可樂冇貨! total 只係叫左7罐可樂, waitress 姐姐就話冇晒喇, 又冇講有冇其他氣水揀... 放低最後一罐就走開. 結果我地係自己去格離間7仔買左4罐. 如是者再等.... waitress 姐姐重複話:"燒緊燒緊..." 我地坐到近11點, 見到樓下d客都開始走喇... 終於有d熱野食喇... 冇錯, 係11點幾, 我地7:30 左右就到達... 飲左幾粒鐘啤酒同自費氣水都飽啦! 但竟然到12點幾仲上緊燒粟米, 芝士年糕(難食), 燒菠蘿, 豬頸肉, 鴨胸(好難食)... 總之樣樣野食都好似冇乜醃過, 冇味既到左差唔多1點埋單, 盛惠$7500.... 抵唔抵真係大家自己諗下喇.

又走來Oasis BBQ 開大餐,上次來過一次, 今次來到當然常嚐下其他食品,有點意猶未盡, 再來夜燒 我和妹妹又再到此食宵夜, 今次用了傳單上的coupon, 所以我選擇了原隻鹽燒大蝦, 每人送一隻, 而且之後order的食物更是全單有9折優惠, 都抵食wo , 天氣真是好熱, 一坐下來order了兩罐soft drink , 分別是fanta orange及cream soda, 之後relax下看電視, 環境都好舒適, 開放式廚房,可以睇住廚師燒野食, 更是一種樂趣沙律菜條 一坐下來就送過來, 其實我沒有order, 而且收了我$18, 沙律菜條咬下爽脆而且都夠凍又新鮮半殼廣島蠔(半打)$98廣島蠔好肥美, 入口細滑, 焗完之後再燒, 好香牛油蒜蓉味, 惹味香口, 不可錯過的選擇蒜蓉牛油大蝦(1 隻)$38不過都幾細隻, 加上牛油蒜蓉開邊, 十分惹味而且蝦都好鮮味原隻鹽燒大蝦(2隻)$56送, 蝦肉都好新鮮, 灑上一些調味更帶出無窮鮮味, 蝦肉都好彈牙,鹽燒效果亦不錯雞骨豬肉腸$24雞骨腸主要是用豬肉製成的. 由於有條雞脾骨放入其中而且用鍚紙包住雞骨方便食用,肉質好juicy, 好有咬口皮脆焗牛油帆立貝$48上面灑上蒜蓉入口非常惹味, 而且份量又足又大粒, 用牛油煮焗的帆立貝非常香滑又不膩希靈魚刺身$48醃製的醋青魚不夠香醋味,而且切得薄身沒有口感可言, 魚籽於口腔的牙齒中連珠爆發的口感幾特別三文魚刺身$48好新鮮魚味濃, 厚切的三文魚更有入口即溶的口感而且好肥美燒日本甜蕃薯$28都燒得剛好而且好平均, 而且不會油膩, 微甜而脆口整體上食物質素不錯, 不過我都是嫌食物及飲品款式不夠多, 最欣賞是服務好殷勤, 而且常幫我們斟水收碟, 而且更與客人傾計又nice,環境都好舒適不過空調開得不夠大, 有點熱的感覺

Oasis BBQ餐單提供港式, 串燒, 串燒店等推介美食位於土瓜灣區，餐廳座位數50人均消費約$101-200，結賬可以用Visa,Master,現金。

您對於土瓜灣餐廳「Oasis BBQ」有何 comment？

Oasis BBQ餐廳詳細資料：

• Oasis BBQ地址:
  土瓜灣譚公道146號
  Oasis BBQ, 146 Tam Kung Road, To Kwa Wan
• Oasis BBQ電話:  
• Oasis BBQ價錢: $101-200
• 分類: 港式, 串燒, 串燒店
• 座位: 50
• 付款: Visa,Master,現金
• FB專頁: Oasis BBQ Facebook

更多Oasis BBQ相關資料:

• Oasis BBQ分店
• Youtube
• Facebook
• Twitter
• Google