避風塘海景酒家 北角

避風塘海景酒家 評價 相片

經朋友介紹本來諗住一家16人星期日去飲茶，咁咪一早打定電話去book檯，因為成16人咁多，又有老人家同BB，book檯時咪問清楚夠唔夠大同埋特登留定張BB椅。

點知去到張檯坐得10個人，又話D BB椅俾其他客拎晒，同個經理理論，我地book檯時已經講清楚晒，佢話喎︰「星期日係咁架啦，係得咁大張檯架啦，BB椅俾其他客拎晒都無辦法。

」跟住唔理我地走左去。

10個人張檯點坐得落，咪臨時臨急搵過第二間酒樓，搞到個family day幾唔開心。

仲話自己係「香港旅遊發展局 認可優質餐館」喎，真係整衰香港個名!!!!

叫得做避風塘海鮮酒家，但ｄ海鮮完全唔得！蒸條斑等左成個鐘，其他餸都食哂先出，條魚蒸出黎仲要係爆哂身，ｄ肉硬到不得了，擺明蒸過左頭！連蒸魚呢ｄ基本功都攪唔掂，其他海鮮都無謂講喇．咁既價錢我絕對係俾人搵左笨！

又係睇雜誌介紹..一行六人...食左:芝士龍蝦:龍蝦勁細隻..又唔太鮮...黃金蝦:好好味..D蝦勁大隻..妃蚌粥:一般..唔係雜誌介紹得咁好..避風塘炒蟹:都唔好食既...勁失望...蟶子:蟶子皇賣哂..唯有食普通蟶子..結果咪普普通通咁囉..炒蜆:幾惹味芒果糯米糍: 幾好...仲有其他小菜..不過都冇乜特別...唔值得專登去食囉...雖然佢有個大海景..不過俾東廊遮左上半截...而且入黑乜海景都睇唔清...坐正大玻璃前又如何???埋單每位$180...同雜誌講D價錢有出入..out budget...

睇到飲食男女介紹, 話呢到o既避風塘炒蟹好正宗, 咪o黎試o下囉... 可惜, 結果有d 失望~~~同男朋友兩個人, 叫o左......1. 避風塘炒蟹... 大概一斤多d, 蒜椒炒得幾香, 可能因為其中加o左蝦米, 所以特別香口... 用o黎送飯同粥都好好食~~但係, d 蟹可能煮得過火, 蟹肉黐住晒個蟹殼... 唔鮮味, 又唔有蒜味囉... 好似分開炒咁!! 2. 香蒜奇妙醬蒸蟶子叫o左兩隻, 兩隻都足八吋長o架... 肉質好爽, 好大隻... 不過都係冇乜鮮味... 同埋唔知係係落錯單, 我食o個碟只係用普通o既粉絲豉油同香葱蒸囉... 冇香蒜同奇妙醬喎~~3. 豉椒炒蜆普普通通... 有少少沙... 頗辣! 但係只係$28一碟, 好抵囉!!4. 粥水什菰浸勝瓜勝瓜用粥水浸過, 真係特別清新... 食完以上咁辣o既海鮮, 除o左啤酒之外, 呢個選擇真係唔錯!!不得不提o既係個海景... 雖然佢o向橋下面, 睇唔到個天... 但係望過對面海, 又真係幾靚!!近聖誕去應該會睇到燈飾喎~~~總括o黎講, 海鮮真係一般啦!!可能小菜會好少少... 決定下次再去試過~~

明明無乜人食煙(除員工外),偏偏就大廳係吸煙區.細房係非吸煙區食物OK有次crab 粥有好多泥門口reception short ga,一有人等位就入面趕客走,有次對couple 野都未食就比張單人,個男人勁嬲

避風塘海景酒家餐單提供港式, 點心, 酒樓等推介美食位於北角區，餐廳座位數未知人均消費約$51-100，結賬可以用現金。

您對於北角餐廳「避風塘海景酒家」有何 comment？

避風塘海景酒家餐廳詳細資料：

• 避風塘海景酒家地址:
  北角電氣道233號城市花園8-9座商場地下26號舖
  避風塘海景酒家, Shop26, G/ F, City Garden Block8-9, No.233 Electric Road, North Point
• 避風塘海景酒家電話:  
• 避風塘海景酒家價錢: $51-100
• 分類: 港式, 點心, 酒樓
• 座位: 未知
• 付款: 現金
• FB專頁: 避風塘海景酒家 Facebook

更多避風塘海景酒家相關資料:

• 避風塘海景酒家分店
• Youtube
• Facebook
• Twitter
• Google