滬滿堂 北角

滬滿堂 評價 相片

放左工, 約左朋友過北角晚飯心思思想食返D 中菜~~~就揀食依間晚飯時間好多人,上左2樓~座位好闊落, 每圍都有個LCD電視睇,正~!!睇d 菜單好吸引~~~ 點左口水雞, 小籠包, 水蟹粥.......etc雞絲粉皮: 賣相幾靚, 好清新感覺~~~加埋花生醬, good!!!口水雞:好多辣椒係上面, 好香~~~食完口水雞 , d 辣椒 用來撈飯好正~~小籠包:個饀夠鮮,熱辣辣,雖未至於噴湯汁, 但都夠湯~~水蟹花甲粥:好正啊~~夠鮮味既粥,蟹夠甜~~ 粥底仲有好多花甲, 清甜彈牙~~ 好足料!!

煙薰鴨胸正, 肉質竟然有驚喜醉豬手有D韌, 味ok, 唔夠酒水煮羊肉(本來團購冇架, 但靚仔哥哥知道我唔太好牛,朋友直情唔食, 我又好想試, 換俾我架,勁好人) 好味, 夠辣冇騷味, 細碗左D囉黑醋排骨我又唔好豬, 朋友話好味, D sauce ok栗米羹普通栗米羹小籠包唔錯, 嫌皮厚左D會有D迫, 做街坊生意果D鋪服務5分,因為親切囉

朋友同我講系北角渣華道有間京川滬。

味道唔錯，叫我去試下，前几日國慶約左幾個朋友落去食，或者因為國慶比較人多啦，等左10零分鍾，就有位啦，裝修一般，環境還可以叫左几個小才食，回鍋肉：材料一般，味道還可以，太多油 ，肉太少了，或者生意比較好，有點亂剁椒大魚頭：值得贊，頂呱呱，魚頭新鮮，好滑，加上的剁椒一切食，好好 味，水蟹花甲粥：值得推介大家試下，￥65 一個列牌，2個人食，小籠包：皮薄，汁多，唔錯。

信我滴朋友，不妨去試下，我唔會老點架

買團購嚟試，點知一肚氣，詳情：茶餐廳環境，落單後套餐叫嘅餸菜好似預先整好咁，唔駛一分鐘嚟哂！醉雞冷盤,無雞味得酒味；賽螃蟹暖都稱唔上，仲「鞋」、碎到亞媽唔認得；薰魚又係少少暖得個酸字；最離譜係個水蟹粥，跟本係將一少塊熟嘅蟹身連腳放入啲啲暖、無味嘅白粥，勁呃錢😡😡😡唯一勉強食得落肚嘅，只有黃金蝦同任食嘅小籠包😤全部細細碟，樓面啲亞姐行動緩慢、態度懶散，當中一個身裁瘦小，膚色黑蚊蚊，頭頂有個髻，成個印傭嘅亞嬸，仲向我講：「換購券寫明，要食曬嚟咗嘅小籠包先可以再叫，驚你食剩浪費呀！」嘩，嬲得我呀，我好快咁食曬自己嗰籠，咁啱個亞嬸行過，我話先叫一籠先，佢應咗我幫我收咗個籠。

跟住無耐，我老婆又食完，我同個亞嬸講要多一籠，我問佢嗰一籠落咗單未，點知佢大大聲講：「點知呀又唔係我落單」嘩，真係想「小」下佢，呢度仲衰過一啲呃錢團嘅團餐，所以小弟喺度呼籲，唔想俾人呃錢同滿肚氣、怒火嘅話~~~~~~~抵制佢，唔好幫襯佢，否則~~~~~~~後果~~~~自負🏥

上星期朋友生日，沒問原由之下就跟著去。

因為大家都未食過，所以味上＂開飯＂睇下有咩推介，睇完之後覺得死la,好似中招!因為評語好似好差，但呢個係朋友選擇，所以不便出聲..我地一行6行共點了8個菜，有炒花甲，花甲水蟹粥，小籠包，醉雞，茶香骨，砂窩雲吞雞，醬爆茄子，仲有個蛋白炒飯。

原本好擔心！但果然有驚喜wor ! 樣樣都好味！除咗個醬爆茄子咸咗少少，但果個花甲水蟹粥真係好甜好好味！讚！最後我忍唔住問個老板點解以前d人話佢地d野難食，老板話以前自己成日唔係店，舊底果班廚師唔生性，以家新既呢班師父好好有心機，所以唔同哂！明白晒，所以廚師真係靈魂所在！

滬滿堂餐單提供京川滬, 中菜館等推介美食位於北角區，餐廳座位數未知人均消費約$50以下，結賬可以用現金。

您對於北角餐廳「滬滿堂」有何 comment？

滬滿堂餐廳詳細資料：

• 滬滿堂地址:
  北角渣華道88號地下
  滬滿堂, G/ F,88 Java Road, North Point
• 滬滿堂電話:  
• 滬滿堂價錢: $50以下
• 分類: 京川滬, 中菜館
• 座位: 未知
• 付款: 現金
• FB專頁: 滬滿堂 Facebook

更多滬滿堂相關資料:

• 滬滿堂分店
• Youtube
• Facebook
• Twitter
• Google