津津茶餐廳 北角

津津茶餐廳 評價 相片

菜遠肉片炒河裏面既菜遠係乜嘢意思呢？google一下 大多數都係講 煮到條菜心比較軟， 不過點都好， 真正意思都無從稽考， 最緊要好食。

呢間 係一間傳統地踎茶餐廳， 裏面裝修格局極為簡陋， 絕對係屋邨裏面極懷舊的一間茶餐廳， 但係因為附近有辦公室， 好多人食lunch就嚟呢一間餐廳食嘢， 變相食物應該唔會存放好耐性且較為新鮮。

叫咗個菜遠肉片炒河， 口感正， 唔好太濕亦唔會太乾， 肉片亦不會太少， 河粉及菜比例也適中，加埋杯嘢飲要$71， 咁嘅環境同裝修真係唔值得， 不過師傅炒得係的確好食， 回來再食機會高!

好鍾意津津懷舊嘅感覺🥑每次嚟食味道都一樣😋今次都係嚟食佢嘅招牌菜—鹽焗雞髀飯鹽焗雞髀好咸香、嫩滑、有雞味😋我覺得唔點沙薑都好夠味👌🏻點咗會too much~啲雞油滲哂落啲飯🤤啱哂我依啲飯桶🤤🍚P.S. 有分要一碟定一碗，記得講清楚😉識食惜食😉

執枱叔叔完全冇清潔嘅知識， 執完人客食完嘅碗碟，跟住就攞水同埋筷子畀新嘅客人。

完全冇洗手兼夾仲要整下啲食過嘅碗碟， 排好喺個膠桶入面。

呢啲小店呢一次就夠曬數， 請店主多多訓練員工。

污糟嘅碗 碟同乾淨嘅碗碟係零距離呀！

就係呢一隻鹽焗雞，令我間中就想老遠去一去鰂魚涌。

老實，佢嘅鹽焗雞真係好掂，夠香夠滑夠平，呢碟係一隻雞份量，可以睇到出面其他地方食扼咗你幾多。

另外，最正係入面仲有雞什，雞潤、雞腎、雞心、雞腸，真係引死人。

如果你地未試過，真心推介你地黎試一試。

老老實實，如果唔係有識途老馬，真係唔會知呢間原來係寶；講真，如果無人介紹我真係唔會入呢間咁嘅茶餐廳，就算入去，都肯定唔會叫佢個鹽焗雞。

呢間野，必食鹽焗雞，次選蝦仁炒蛋同咕嚕肉，三選凍奶茶。

鹽焗雞其實唔係好鹽焗，不過又真係堅好味，雞肉嫩滑，好香雞味，而且仲份量十足，仲會連埋雞什，認真難得，真係一試難忘；蝦仁炒蛋嘅蛋都夠嫩，蝦就中規中矩，好食；咕嚕肉嘅粉漿唔太厚，以茶餐廳黎講真係有驚喜；最後就係杯凍奶茶，奶同茶嘅份量好Balance，真係要呢d舊式茶餐廳先做得到。

津津茶餐廳餐單提供港式, 粉麵, 米線, 茶餐廳, 冰室等推介美食位於北角區，餐廳座位數40人均消費約$51-100，結賬可以用現金,八達通，Booking訂位可以電話致電 25648731 查詢。

您對於北角餐廳「津津茶餐廳」有何 comment？

津津茶餐廳餐廳詳細資料：

• 津津茶餐廳地址:
  北角英皇道774號模範村地下
  津津茶餐廳, G/ F., Model Housing Estate,774 King's Road, North Point
• 津津茶餐廳電話: 25648731
• 津津茶餐廳價錢: $51-100
• 分類: 港式, 粉麵, 米線, 茶餐廳, 冰室
• 座位: 40
• 付款: 現金,八達通
• FB專頁: 津津茶餐廳 Facebook

更多津津茶餐廳相關資料:

• 津津茶餐廳分店
• Youtube
• Facebook
• Twitter
• Google