金裝燉奶佬餐廳 元朗

金裝燉奶佬餐廳 評價 相片

今次係第2次去呢度食lunch,上一次明明都幾好食,唔錯既..但係今次火都黎埋....叫左南爪雞肉白汁天使面,+3蚊有個糖水,我要左腐竹雞蛋糖水個面,我食落去都唔知自己食緊乜,淡都佢丫,好似無味咁,雞肉係冰鮮.."葉"都無"葉"過..又係無味..難食到喊天使面又勁淋........簡直難食= =腐竹雞蛋糖水......見到真係o左真係見識到..腐竹糖水原來唔係白色架!佢戈d腐竹都未容,整係得小小腐竹係d甜既水度,咁就係腐竹糖水.....真係好勁我以後唔會再食架啦!!!!!!!!!!

元朗0係新界區黎講都算係食市林立，半夜要搵野食都唔係難。

住左錦田２年（本人係遊牧民族）講到最鍾意食既飯堂都可以話係金裝燉奶佬。

我多數都會去食下午茶，因為佢地個羅宋湯豬扒意我超級鍾意食。

自己都有煮開野食，但係一講到豬扒就十次有九次都唔夠腍，而依到整得夠晒腍，羅宋湯唔太辣少少酸好入味。

雖然依到叫燉奶佬，但佢地燉蛋就實左ｄ。

裝潢以橙色為主，較多天花吊燈，門口是開放式但冷氣絕對足夠。

坐位是硬坐，坐得麻麻地舒服；服務亦比較普通，可能因為係part time 多。

每次入開元朗都總係好想再黎食～

寶寶一病就是個多星期，看著他可憐，爸爸媽媽其實更悲慘! 好不容易捱到週末，又再帶他看多次醫生，之後又是餓壞了急急找地方吃早餐而來了這裡。

　這裡早餐也是供應至11:30，爸爸為自己點了麥皮早餐($24)，媽媽則要了飽肚暖胃的豬扒湯麵早餐($26)。

飲品先上，媽媽的是熱檸茶，水準一般；爸爸加$3要了凍奶茶，味道平平份量也不算多，麻麻抵飲。

牛奶麥皮也很快上檯，甜度頗高，質感又幼滑，味道不錯，就是份量較小。

套餐還附腸仔方包一份，兩者都水準正常；搞笑是餐廳搭上兩片白烚椰菜上碟，是圖一個健康感覺吧?媽媽的豬扒湯麵等了頗久才來到，真可惜，豬扒又乾又瘦，與樓下開心小敘的出品真是差天共地；湯中雞蛋也煮得熟了些少，只得湯麵是中等水準，整體表現強差人意。

埋單$53，又是一個不太抵食的早餐，又或是寶寶的病對父母的心情也有著太不好的影響... 很慶幸，筆時寶寶已經完全康復，還鬼打咁精神!!

12月26日約左朋友燒嘢食,下午食個下午茶先去買嘢食.4點幾去到元朗千色廣場,就入左嚟食左個下午茶餐啦.都好多選擇喎,好難諗,好似好多嘢都好吸引咁.我叫左一個羅宋湯豬扒米粉,本來想食通粉的,因為冇晒所以轉做米粉,羅宋湯唔算好濃,但都多料的,有些甘笋,雜菜等.味道都ok,不過濃d梗係仲好啦,豬扒都好淋身入味的,ok呀!朋友分別都叫左雞脾,一個叫炸雞脾跟薯條,另一個叫油雞脾煎太陽蛋飯,賣相都ok,不過隻雞脾好似細左少少,可能食開果間的炸雞脾係好大隻的,所以即刻有比較,味道朋友都話淡左一點,唔夠入味呀!!假期食嘢周圍都係人呀!!

今晚媽咪話懶得煮飯,所以去左附近千色睇下有乜好食.難得見到呢間金裝燉奶佬咁啱有位,梗係快d入去坐底啦!睇睇餐牌...媽咪話多得滯,眼花潦亂.我反而覺得咁先好,選擇種類夠多元化麻,鰻魚芙蓉蛋飯 – 實物買相跟餐牌圖片相約,沒有太大差別. 煎蛋很大塊,配上茄蓉汁,小小酸,開謂又好食.海南雞飯 配 油菜及例湯 – 肉質滑嫩,有兩個漿汁,油飯看落色澤不錯,食落亦有雞的味道店舖裝修設計有些立體匙羹做裝飾,幾得意,幾有特色.衛生可以再改善一下,因為看到有些牙纖在地上,不過總括來說都可以接受.

金裝燉奶佬餐廳餐單提供港式, 甜品, 糖水, 茶餐廳, 冰室等推介美食位於元朗區，餐廳座位數未知人均消費約$51-100，結賬可以用現金,八達通。

您對於元朗餐廳「金裝燉奶佬餐廳」有何 comment？

金裝燉奶佬餐廳餐廳詳細資料：

• 金裝燉奶佬餐廳地址:
  元朗教育路1號千色廣場地下41-42號舖
  Daniel's Restaurant, Shop G41-42, G/ F, Citymall,1 Kau Yuk Road,, Yuen Long
• 金裝燉奶佬餐廳電話:  
• 金裝燉奶佬餐廳價錢: $51-100
• 分類: 港式, 甜品, 糖水, 茶餐廳, 冰室
• 座位: 未知
• 付款: 現金,八達通
• FB專頁: 金裝燉奶佬餐廳 Facebook

更多金裝燉奶佬餐廳相關資料:

• 金裝燉奶佬餐廳分店
• Youtube
• Facebook
• Twitter
• Google