嘉麗園潮州粉麵餐廳 元朗

嘉麗園潮州粉麵餐廳 評價 相片

路經此地方，週圍沒有其他餐廳，第一次嘗試這餐廳，對茶餐廳環境其實並沒有什麼要，食物一般但價錢偏貴。

食物沒有特別麵底不太好吃，牛肉汁味道太濃吃不出沙爹味，牛肉肉質也一般，咖啡也很淡。

食物質素水準一般，份量一般，整體評分一般。

係元朗幾廿年都唔明點解仲未執,價錢貴不特止而且份量少服務態度又差要境仲要好污糟,周不時見列烏蠅飛過,,湯底大殻大殻咁落味道,食完勁口乾,飲哂成枝水都係唔夠,食得多腎3都有份…

鍾意食牛雜麵嘅 唔可以錯過呢間😤❣️新鮮專家牛雜 配幼麵🐮 $42湯底濃郁〰️每款牛雜都煮到好入味🍲處理得非常乾淨無異味 牛肚有金錢肚同草肚兩款 牛腸煙煙韌韌 牛膀粉得黎香 我最中意呢一舊😍！最後牛肺有獨特既彈牙口感 配埋生麵既爽彈口感 成件事係一種享受💓PS：食得辣既朋友一定要落佢地自家制既辣椒油🌶香得黎辣度十足 我屋企長期放左樽黎看門口☺️新鮮泰國通菜 $22平凡既烚通菜加上秘制既腐乳醬就變得不平凡 腐乳醬香濃咸香 依附係通菜上面 會令人一啖接一啖 真係食菜身體好呀〰️😋鮮炸大腸 $28第一次嗌炸大腸 炸大腸當然佢都處理得非常好 但味道就同我想像中有些微出入 外皮揸得唔夠脆口🥺

以前嚟食嘉麗園，好痛苦，覺得湯底好濃味，好口渴（利申唔食牛）但當我知道原來可以轉清湯同唔落腩汁之後（勁大鄉里😅）我就好鍾意啦！❶ 清湯墨魚丸紫菜河粉(走青)/ BS100: 講起墨魚丸，相信住喺元朗嘅朋友都會同我一樣會諗起嘉麗園，燒嘢食/打邊爐必備🍢佢地嘅墨丸除咗出名手打，仲撈咗馬蹄，增加咗彈彈牙嘅墨丸口感。

但係作為一個小眾，我嘅心水係佢嘅紫菜，無沙係基本，食落好爽口唔係淨係腍吱吱👍🏻湯面仲鋪咗大量炸蒜🤤撈埋啲河粉食好香口😋❷ 肥肉頭腩米粉: 朋友通常嗌嘅麵，供圖作參考❸ 茶走少甜: 依度嘅奶茶好得，好香茶味

呢間嘉麗園好幾年前我ex 帶過我黎食，之後有時行山或過開元朗，我都必定幫襯，尤其佢果個腩什十寶真係堅正，一大碗粉入面有晒牛腩、牛什各個部位，可以話係一碗就滿足晒牛什控！因為次次都係食腩什十寶，上一次見到餐牌有個潮味十寶，所以一早已經諗定下次黎試試，恰巧今日過黎元朗買野，一於就試埋佢！十寶包括：紫菜、魚皮扎、魚皮餃、牛丸、魚蛋、水餃、雲吞、墨魚丸、豬肉丸、黑椒牛丸每樣都係潮州粉麵既精髓，基本上每款個質素都不錯，魚片、魚蛋比想像中爽口彈牙，最正我覺得係個墨魚丸，非常之新鮮爽口，而牛丸都係一貫潮州式既細細粒同爽口，至於雲吞同水餃就比較普通dd，不過湯底夠味加埋河粉薄得黎又夠滑，成碗粉個組合出嚟都係好好食😋，不過相比起腩什十寶都係被比下去既！同場加影，有牛鞭牛子牛春袋同牛開心，呢啲睇低俗喜劇就聽過，食就真係未食過，亦都冇膽量試，唔知會唔會有朋友想試試佢呢？哈哈

嘉麗園潮州粉麵餐廳餐單提供潮州菜, 粉麵, 米線, 中菜館等推介美食位於元朗區，餐廳座位數未知人均消費約$50以下，結賬可以用現金，Booking訂位可以電話致電 24766882 查詢。

您對於元朗餐廳「嘉麗園潮州粉麵餐廳」有何 comment？

嘉麗園潮州粉麵餐廳餐廳詳細資料：

• 嘉麗園潮州粉麵餐廳地址:
  元朗康景街利景樓5號地下
  Ka Lai Yuen Chiu Chow Restaurant, no.5 Li King House Hong King Street, Yuen Long
• 嘉麗園潮州粉麵餐廳電話: 24766882
• 嘉麗園潮州粉麵餐廳價錢: $50以下
• 分類: 潮州菜, 粉麵, 米線, 中菜館
• 座位: 未知
• 付款: 現金
• FB專頁: 嘉麗園潮州粉麵餐廳 Facebook

更多嘉麗園潮州粉麵餐廳相關資料:

• 嘉麗園潮州粉麵餐廳分店
• Youtube
• Facebook
• Twitter
• Google