優豪方火鍋料理 元朗

優豪方火鍋料理 評價 相片

lee間火鍋店最好就係個湯底，飲嗰個湯底感覺好似阿媽煲嘅湯咁，另外個湯底雖然有少少貴要三百幾蚊一個湯底，但係非常足料有雞、花膠、粟米、豬骨、蘿蔔....其實如果兩個人去食完個湯底都真係飽曬，但好在我有一班朋友一齊去可以再試吓其他嘢，佢共享名係即炸，牛肉都非常好食，仲有其他啲嘢食都只可以講比一般火鍋店性價比高！但佢最大嘅缺點就係要行樓梯上樓食，另外廁所係要行都非常之入🤨其實如果一個女仔去廁所真係有少少驚嘅，但可以講佢廁所都叫乾淨只係沿路有啲恐怖姐

黎左咁多次，本來都幾欣賞呢間野，點知今次令我大失所望。

今次叫左個頂級手切牛，d肉又硬又無味，同經理講d肉好差，佢話係咁，下次可以食極品，我提議下次同客講聲，等人知道。

佢立即話佢d牛係咁硬，因為平野。

我話貴野同平野都係差50,你早講我食貴野，無捻過200幾概牛會差成咁。

佢強行解釋話你不如叫多碟極品囉。

我好無奈同無語，下次唔會再黎。

呢個經理概態度比其他員工差好多，仲一路講電話一路兇你，希望老細注意下，唔好越做越差。

家庭聚會！老爸想打邊爐，妹妹想唱歌仔，我好想食龍蝦刺身！一行十人就選擇元朗優豪火鍋，訂咗房享受一餐美味火煱！6:00去到員工第一時間開卡拉OK比我們唱歌！今晚叫咗2個煱！魽魚海鮮煱！味道鮮甜鉗魚肉滑👍🏻👍🏻胡椒豬骨煱！足料胡椒味十足👍🏻龍蝦刺身！😋😋象蛂蚌！新鮮再叫兩款牛肉，一款本地牛肉牛味重，另一款安格斯牛，另加一些貢丸、魚皮餃、午餐肉、墨魚滑、炸魚皮等食材尚算新鮮!最值得一讚新鮮肥鵝長、三式鬼馬油炸鬼👍🏻👍🏻整體材料新鮮,價錢尚算抵食!

冬天火鍋係至愛,位置近西鐵站,好易搵湯底揀左3.6牛奶豬骨湯底,十分濃郁既牛奶味加上豬骨既味,絕對令食材更入味,不過牛奶湯底會燶底,所以要keep住細火,食材方面全部好新鮮,餃子皮薄餡料多,也煮不爛,手打墨魚丸夠彈牙，新鮮既雞腸用牛奶湯底煮過後好食到好快KO左一碟😋

天氣轉涼又係時候去拾下拾下啦，今次係由雞地地膽帶我地去搵食，佢話去間價錢大眾化d既。

一入到去，d姐姐好歡迎我地，仲問我地包唔包間房一邊拾一邊唱k咁，我地話齋拾就拒絕左佢地。

之後點野食，選擇都算多，我地點左個沙巴龍躉孖寶湯底，湯底揀左YOHO海鮮豬骨鍋，另外再叫左個日本A4和牛同A級安格斯肥牛，加d邊爐必嗌野食咁。

先講下個湯底，我覺得比較重胡椒粉味，不過打打下加左上湯溝稀左好d，而d海鮮都算新鮮既，仲要分量都多，個龍躉就真係幾滑同好食，好值得👍🏻👍🏻👍🏻至於d牛，其實個賣相好，但食落冇咩特別，同普通肥牛應該差唔遠，而其他野食都係一般啦，但係有窩筍嗌就比較少，而佢食落好爽口。

總括黎講都係ok既。

優豪方火鍋料理餐單提供港式, 日本菜, 火鍋, 壽司, 刺身等推介美食位於元朗區，餐廳座位數200人均消費約$101-200，結賬可以用Visa,Master,現金，Booking訂位可以電話致電 24768818 查詢。

您對於元朗餐廳「優豪方火鍋料理」有何 comment？

優豪方火鍋料理餐廳詳細資料：

• 優豪方火鍋料理地址:
  元朗鳳攸南街9號好順利大廈2座商場1樓2-3號舖
  Yoho Fong, Unit2&3,1/ F, Shopping Centre, Block2, Ho Shun Lee Building,9 Fung Yau Street South, Yuen Long
• 優豪方火鍋料理電話: 24768818
• 優豪方火鍋料理價錢: $101-200
• 分類: 港式, 日本菜, 火鍋, 壽司, 刺身
• 座位: 200
• 付款: Visa,Master,現金
• FB專頁: 優豪方火鍋料理 Facebook

更多優豪方火鍋料理相關資料:

• 優豪方火鍋料理分店
• Youtube
• Facebook
• Twitter
• Google