香港地道小食 佐敦

香港地道小食 評價 相片

係吳松街中間有一間小食店，餐店名字已經清楚話俾你聽距係賣啲咩野餐店既名就已經係叫做香港地道小食小食店有室內坐位，但係去幫襯距既時候已經係宵夜時間，室內坐位都收哂，影唔到相基本上港式地道小食，好似魚蛋，燒賣，碗仔翅，牛丸，豬大腸依類港式地道小食你都可以係度搵到亦有一啲鹵水小食，好似生腸，魷魚鬚等等都一應俱全同朋友都唔太肚餓，志坐食小小野吹下水嗌左一隻雞脾，幾串串燒就夠了雞脾幫你剪開埋，食得幾方便豬大腸都係炸既比燒來得好味其他野都燒得唔太差，但係調味唔夠香

今日喺佐敦收工，見有少少肚餓，就同老公兩個人一齊去睇下有咩食，見到前面有一間串燒，咁就去試下啦😝，佢有得係入面坐既，但因為客滿啦，所以我地就坐出邊，環境就麻麻地，因為我見到佢入面個環境都唔係好大，更何況出面😝，但服務都接受到既，1）雞髀，唔會燒到好干，都幾好味2）臭豆腐，都幾好既，但唔臭囉😂，3）雞軟骨，燒到好脆，但又唔太燶👍🏻4）燒冬菇，好好食，通常都會燒到好乾身，但佢又唔係，仲好juicy👍🏻👍🏻,5)咖喱魚蛋同燒賣，不太建議叫，唔係太好食😂，總括嚟講，燒物係可以一試

週二喺附近食晚飯，由於唔係幾夠飽，於是行左過黎吳松街呢邊。

呢間小食店之前都已經幫襯過，覺得燒雞脾都幾好食，所以決定食番三幾串先走，費事番到屋企先黎餓。

哥仔好有禮貌，先落單後俾錢，見我地點幾串野都問我地即食定拎走。

坐外面又得，坐裡面都得。

我只係點左燒雞脾、燒冬菇、蟹籽丸，冇之前黎果次燒得咁juicy，雞脾都少咁啲蜜糖，肉有啲鞋口。

不過價錢都唔算好貴，只係冇之前咁好食。

燒冬菇加左少少辣粉，幾香口，至於蟹籽丸外皮燒到微脆，裡面啲蟹籽餡流出，都係好食。

雖然附近都有唔少燒烤店，不過都係新式，我諗如果我點3串野，哈哈，唔知會唔會俾人眼望望呢。

雞以我都係鐘意黎番呢間，味道冇咁好，但彈性高啲。

話說我地已經預約左附近嘅鍋心粥底火鍋，但由於未到預定時間，未入得。

加上我地下晝唱K冇啖好食，所以有啲肚餓。

明明講好一人一隻雞脾，加兩串魚蛋就算。

點知最後都係忍唔住再加多幾串串燒。

燒雞脾 $20/隻雞脾唔係變種咁大隻，正常size，加左蜜糖燒，冇得唔好食，雞肉仲係好嫩！魚蛋 $20/15粒冇咖喱味，魚蛋唔彈牙，普通貨色燒冬菇  $10/串冬菇燒得好好食，唔乾柴，仲有菇汁燒蟹籽丸、燒海膽丸 $10/串蟹籽丸同海膽丸皮燒得好脆口！坐街邊囉，我就冇乜所謂。

香港地道小食餐單提供港式, 串燒, 外賣店等推介美食位於佐敦區，餐廳座位數未知人均消費約$50以下，結賬可以用現金。

您對於佐敦餐廳「香港地道小食」有何 comment？

香港地道小食餐廳詳細資料：

• 香港地道小食地址:
  佐敦吳松街79號地舖
  Hong Kong Local Snacks, G/ F,79 Woo Sung Street, Jordan
• 香港地道小食電話:  
• 香港地道小食價錢: $50以下
• 分類: 港式, 串燒, 外賣店
• 座位: 未知
• 付款: 現金
• FB專頁: 香港地道小食 Facebook

更多香港地道小食相關資料:

• 香港地道小食分店
• Youtube
• Facebook
• Twitter
• Google