靚靚車仔麵小廚 佐敦

靚靚車仔麵小廚 評價 相片

上次行過見佢一個客都冇,唔通好差,今朝行過專程入去試吓.今次终於有客,連埋我共有3個客.早餐都有好多嘢揀,叫咗個芝士牛肉飽同奶茶($19).奶茶先到,一飲,嘩!咁正嘅,入口好滑,茶奶比例均勻,好耐唔飲過咁正嘅奶茶,希望唔係撞手神.至於個飽就煱到脆皮,D饀都唔差.整體水準算高,成條街食晒都係呢間最靚.講嘅係食品唔係佢老板娘.食完走出嚟,有個真嘅靚女坐响門口因為要食煙,真係卿本佳人,奈何坐街!

終於到左師傅第三百個食評, 但今次呢個食評係令師傅要鬧架!呢間都唔知係咩車仔麵黎嘅, 又話車仔麵, 師傅早一排去呢度就係諗住食個車仔麵, 點知入到去先知車仔麵係去到下午六點定七點; 咁再問下佢有冇公仔麵之類嘅食物, 又話冇, 但係個伙計就硬係好想要師傅柯打個炒飯或炒粉咁, 再唔係叫餸; 但係師傅又唔係話好肚餓, 再加上如果食炒粉麵飯又未必黎呢度啦; 所以師傅始終覺得你係整車仔麵就做番好車仔麵先啦, 咁攪咁多花臣啦, 莫非d車仔麵唔見得人? 師傅條氣唔係好順, 結果都係選擇做粒星, 閃呀!總言之師傅對黎呢度食唔到車仔麵係幾失望架! 不過如果佢咁做生意, 就倒不如改過個名啦, 至少個感覺會好d囉! 如果你話你係茶餐廳, 師傅就一定吹你唔漲, 有本事咪做到好似極之好咁出名囉, 所以呢一野真係未食先比個喊臉, 不過有機會的話師傅一定黎會一會, 睇下佢d車仔麵有幾靚!

因工作關係在恆豐中心所以間唔中都會堂食or call 外賣. 堂食味道及價錢效率都很好, 而且招乎唔錯添.但試過好幾次打電話落order 叫車仔麵外賣, 就感覺呃錢囉.... 因為佢外賣係有熱飲送的, 凍飲就加2蚊, 但5次內有3次都送錯熱飲變凍飲, 即係變相加左2蚊喇.... 而且冬天我緊係想飲熱野喇.... 但你送到黎發現錯即場同外賣仔講自己是熱飲佢又無反應.. 好似好無奈咁, 又話唔清楚又話照公司order 送... 即示意叫我喇喇聲比錢喇...係咁架喇...現在我已無再call 外賣了, 因覺得老屈... 堂食亦盡量唔去, 因為覺得做生意做到咁... 附近又唔係無食市, 做咩咁屈錢都要幫襯.

我和家人之前已光顧此店幾次, 發覺此店的小菜有水準, 上星期日再來一次。

我們叫了三道菜：1. 清蒸紅鮪─每次來必叫蒸魚, 可算是此店招牌菜之一。

今次叫了清蒸紅鮪。

紅鮪新鮮及大條, 四人吃也夠飽。

只用蔥和豉油清蒸已很入味。

2. 無錫骨─肉質鬆軟,不黏牙。

醋味甜味適中, 不太油膩，很好吃。

3. 西芹炒雞柳─西芹爽脆, 但此菜略嫌味道較淡。

每個菜可配搭一個燉湯, 以前試過花旗參燉雞, 今次試了花生燉雞腳, 兩個湯都無味精, 值得一讚!!!

剪完髮, 去了Salon後街揾嘢食。

看看Menu, 炖湯套餐$58, 抵! 一於叫個試試. 叫了沙拉骨+雞骨草炖猪横脷.Well, 驚喜不斷。

第一, 發覺原來這餐廳是幾出名嗰間靚靚車仔麵的(新)分店。

好多明星合照。

第二, 原來老板娘靚靚座陣此店，好好招呼, 同成場客打成一片, 似乎熟客很多。

店內裝修也掂, 全木, 中間張大枱一舊樹根車出來的, 可坐十二人, 老板娘話有人叫價三十多萬叫她出讓. Ha, 咁大個仔都未座過咁貴的枱!!講返Food先, 我真係未食過有沙拉(Salad)的沙拉骨!! 碟沙拉骨有鮮果沙律鋪底(係鮮果, 唔係Del Monte), 份量夠一個大食男人如本人，明顯用鮮肉(不是凍肉), 過兩次油炸埋"硯"立刻上枱。

外脆但咬落有肉汁, 甜酸"硯"味濃, 啱哂胃口。

店標明全無味精(MSG), TRUE, 我都食唔出。

再貴的沙拉骨我都食過但this is the best!!!到個炖湯, 依然無味精, 湯清但鮮甜, 難怪,因料很多。

湯料明顯完整, 所以這個是真炖湯, 唔係煲完再"睹"返入盅果D流嘢。

冇試佢地出名的車仔麵, 但此店一定會係我活動佐敦區時的飯堂。

誠意推介, 必試!!

靚靚車仔麵小廚餐單提供港式, 車仔麵, 中菜館, 快餐店等推介美食位於佐敦區，餐廳座位數80人均消費約$50以下，結賬可以用現金。

您對於佐敦餐廳「靚靚車仔麵小廚」有何 comment？

靚靚車仔麵小廚餐廳詳細資料：

• 靚靚車仔麵小廚地址:
  佐敦德興街7A-7B地舖
  Liang Liang Noodle Shop,  
• 靚靚車仔麵小廚電話:  
• 靚靚車仔麵小廚價錢: $50以下
• 分類: 港式, 車仔麵, 中菜館, 快餐店
• 座位: 80
• 付款: 現金
• FB專頁: 靚靚車仔麵小廚 Facebook

更多靚靚車仔麵小廚相關資料:

• 靚靚車仔麵小廚分店
• Youtube
• Facebook
• Twitter
• Google