澳洲牛奶公司 佐敦

澳洲牛奶公司 評價 相片

好多年冇黎食啦，咁啱睇完醫生係依度經過，而又未去到食飯時間，咁梗係唔使排隊啦。

✌🏻✌🏻之前黎親呢度都要排長龍，又唔知等咗成粒鐘先可以入得去，所以經過呢度梗係要入去食返個常餐啦。

😌😌澳牛嘅賣點仍然係炒蛋，坐低唔使1分鐘，就可以即刻落order la😜😜(速度係好重要的😎😎)落咗order唔使2分鐘，啲嘢食就到。

個炒蛋又滑又香，無論食幾多次都係咁鍾意食。

叉燒意粉又係一樣，好滑，好好味。

有冇人同我一樣連個湯都會飲埋㗎🤩🤩

好多年冇黎食, 今日經開就突然想去食!我個時12點都未到, 但門口已經有around 30人排緊隊, 好crazy不過雖然佢咁多人, 但其實佢個turnround time 都快, 最後其實只係排左15mins 到就入得去入到去個感覺真係好特別, 雖然佢成個感覺都好趕急, 好chur, 但又唔會覺得好唔舒服, 反而覺得好得意叫左最出名GE 常餐, 通粉既湯底好濃味, 有小小鹹.炒蛋就超滑溜，食得出有超多牛油，蛋味好足！食到差唔多最後， 佢都會自動自覺幫你點餐飲，時間岩岩好奶茶好飲，佢茶味好濃，真係抵佢咁多人食

話說小弟都已經係附近番工幾年以前澳牛日日都排長龍想慢慢嘆番個澳牛名物炒滑蛋的話最方便一定係買外賣蛋治🍳🍞近一年半載因為疫情關係長龍情況已經無之前咁誇張但唔知係咪因為生意少左食物質素不變但係份量大不如前😟今日又再懷住滿滿期望買左個蛋治烘底番到去一打開～ 咦😳點解啲炒蛋好似咁薄咁？記憶中既蛋治明明係要張大口都未必咬得晒😵個包仲厚過啲蛋⋯事實上食落去都真係——個 包 好 厚😑烘底唔脆我無意見，因為係外賣可能淋左至於啲蛋仲係好味既但係基本上都係比個包塞住個口多過feel到蛋既香滑🥺係咪回憶總係好味啲？我決定搵番幾年前驚為天人既蛋治睇過！有圖有真相：就是咁～ 希望有朝一日可以有機會再食到咁完美既澳牛蛋治

侍應服務差已經不在話下，我們二人叫了一份茶餐（$46)+花生醬多士($14)+蛋白燉蛋($30),上了一份茶餐但多了杯檸水仲以為肥仔侍應咁好送的，雖然d野吃都唔錯，但係到買單的時候另外一位侍應走過來係威係勢咁數左數碟數（但吃的時候已經收走左個碟），居然收152！然後再同他講就寫146，之後搵另外一個侍應過來解釋只叫了份茶餐，最後收112，當中杯檸水收22。

非常之唔道德囉！特登用「快快快」搞到你好緊張好急然之後就趁你唔留意亂寫銀碼！其實我地點了餐按道理要有單放在檯面但係唔，靠數碟數計分分鐘就比他呃錢。

好吃出名好巴閉咩！所以以後都唔想再去

之前唔係好明，點解早餐都咁多人排隊，仲要食d普通快餐店都食到既野食。

$38全日供應，包蛋、多士、通粉、野飲。

通粉既湯底濃味，通粉滑，輕易滑到喉嚨底。

識食嘅梗係多加胡椒粉，不過小心隔離個位既客人。

炒蛋超滑溜，我諗有超多既牛油，不過真係完全唔老，而且蛋味十足！咁真係抵佢串得起，在外面排隊15分鐘，點菜後1分鐘就開始上桌。

侍應超唔耐煩，諗耐d都唔得咁，不過食物味道勝於一切，我會接受呢啲唔完美㗎。

因為我係新客，所以要諗耐啲，我諗下次我再嚟就可以變熟客即刻叫得，反正九成客我諗都係叫常餐。

澳洲牛奶公司餐單提供港式, 甜品, 糖水, 茶餐廳, 冰室, 糖水舖, 懷舊老店等推介美食位於佐敦區，餐廳座位數106人均消費約$50以下，結賬可以用現金，Booking訂位可以電話致電 27301356 查詢。

您對於佐敦餐廳「澳洲牛奶公司」有何 comment？

澳洲牛奶公司餐廳詳細資料：

• 澳洲牛奶公司地址:
  佐敦白加士街47-49號地下
  Australia Dairy Company, G/ F,47-49 Parkes Street, Jordan
• 澳洲牛奶公司電話: 27301356
• 澳洲牛奶公司價錢: $50以下
• 分類: 港式, 甜品, 糖水, 茶餐廳, 冰室, 糖水舖, 懷舊老店
• 座位: 106
• 付款: 現金
• FB專頁: 澳洲牛奶公司 Facebook

更多澳洲牛奶公司相關資料:

• 澳洲牛奶公司分店
• Youtube
• Facebook
• Twitter
• Google