泰肥牛海鮮火鍋菜館 佐敦

泰肥牛海鮮火鍋菜館 評價 相片

之前見倒有團購好似幾吸引未食過泰式火鍋就同貧友一齊買book左19:30準時來到已經可以攞位睇下有咩食先一般大路o既湯底同火鍋配料都有仲多左d泰式湯底同配料揀tim除左火鍋, 仲有串燒都係任食哈~仲有好多泰式醬料任加唔知邊樣打邊樣o既話可以睇哩度我自己就揀左薄荷海鮮醬, 蒜香海鮮醬同泰式甘辣牛汁個人覺得綠色o既薄荷海鮮醬最好味冬陰功海鮮湯酸酸辣辣咁, 正不過其實又唔算好辣因為唔食辣o既貧友都食得倒香草豬骨蟹煲因為個冬陰功湯底實在太惹味最後哩個煲竟然冇乜人食不過其實都唔差的但相比起冬陰功就一定係清淡d睇下哩個蟹煲有埋成隻蟹, 其實都幾足料因為人多, 所以我地可以每樣火鍋料都叫d以任食計, 火鍋料o既質素都算唔錯, 幾新鮮串燒係即叫即燒, 點埋d醬汁, 好好味見隔離枱叫d, 入面好似係蝦有師傅o係你面前炒, 著晒火咁, 好吸引

呢晚, 同幾位朋友仔歡聚一下~有位遠道回歸既朋友仔話好掛住香港既打邊爐, 所以我就提意咗呢間!!之前黎食過一次, 果次係食小菜既, 食味留咗唔錯既印象分~記得上次, 響我地食小菜既同時, 隔離枱就係響度打邊爐, 仲好似好吸引咁…終於!! 有機會再黎, 又咁啱朋友仔話想打邊邊, 一於就試佢呢個… 冬蔭公海鮮鍋!!!一共 5 位, 預早打咗電話黎 book, 準時到達~坐低之後, 就急不及待先落一個: 冬蔭公海鮮煱老闆話, 呢日無蟹, 所以會變咗龍蝦… 當然無問題啦~因為呢個煱本身已經有好多料, 包括: 龍蝦 1 隻, 海蝦 1 堆, 大蜆 67 隻, 花甲 1 少堆, 仲有就係番茄…紅蘿蔔……..等等~所以我地唔急於揀火煱配料…煱底會乾身上, 可以比你望清楚有咩料, 絕對對版!!然後先會響你面前落冬蔭公湯…..加湯之後, 賣相都好吸引… 先偷一啖湯試下, 味道唔算太濃郁, 只屬微辣, 但係夠味…味道啱啱好!!等咗一陣, 就已經滾起啦….好心急~ 好心急~ 等埋泊車果位朋友仔一到, 開餐!!!!!!!龍蝦鮮甜, 肉質彈牙唔鞋身, 新鮮貨, 而且仲有好多甘香既膏, 正!!海蝦 size 雖然無手掌咁大隻, 但係一D都唔細, 隻隻厚身彈牙又鮮味, 正!!至於火煱料, 我地揀咗:桶蠔 / 芥蘭 / 牛膀丸 / 鱔片 / 泰式肉碎餃 / 蝦膠釀油條 (唔記得個名) / 貴刁 / 手切本地牛 / 越式生牛肉 x2桶蠔 – 大大隻, 鮮甜…芥蘭 – 新鮮嫩綠…牛膀丸 – 牛膀味都幾重, 感覺新鮮又得意…鱔片 – 新鮮肉脆…泰式肉碎餃 – 其實應該係「生菜包」既餡料, 都幾好味…蝦膠釀油條 (唔記得個名) – 蝦味唔算突出, 不過幾彈牙…貴刁 – 就好似食緊冬蔭公湯粉咁, 哈哈…手切本地牛 – 有牛味, 不過唔濃, 肉質一般…越式生牛肉 x2 – 呢個牛味都唔算濃, 但係肉質比本地牛嫩…好滿足既一餐!!!

因為係朋友介紹, 對呢間野一無所知, 所以當日食之前專登去睇食評, 見到評語麻麻, 不過, 心諗係朋友介紹,差極都係食一次, 所以都照食~~一早訂咗位, 所以唔洗等位. 我地6個女仔去食, 佢比張大圓枱我地, 對於我地諗住傾計食嘢既真係好唔方便,間嘢比較細, 每枱都好近, 所以好嘈, 要大聲講嘢先可以.我地order咗個好似叫冬陰公海鮮鍋$288, 裡面有隻細細龍蝦, 大蜆, 蝦, 細蜆, 菇類少少,d蝦極唔新鮮, 隻隻都好"霉",大蜆一咬勁多沙! 另外order咗燒海鰻(唔記得記錢, 不過份量少), 仲有個set, 燒魚($138) + 炒大蜆($130)送生蝦12隻(原價$138), 個蝦一黎到就諗,點解唔同樣既?! 唔係兩食咩?! 我心諗, 可能係送既, 所以無炸蝦頭啦. 食到差唔多都唔係好飽, 就再order咗d牛肉, 響令,餃子...火鍋料, 碟碟份量少少, 再order炒通菜, 其間order咗d飲品, 有椰青, 荔枝沙冰, 青檸soda, 呢d都ok, 無問題,最後再order咗2個椰青雪糕, 個雪糕跟埋杯椰青水, 只係椰青+雪糕, 無咩特別, 其實我唔係好食得出雪糕係咩味!!係整個過程呢間野真係無咩服務可言, 好似得2個男仔+老闆做嘢, 仲要成日企係埋邊背住大家, 想叫一叫佢地都難,從來唔會望下大家有無咩需要, d垃圾成枱都係, 又唔執, 叫佢地執野都好似唔識執咁樣, d嘢又黎得好慢,特別係飲品!! 佢地對人既態度唔係差, 只係無咩服務, 一d都唔細心.食到咁上下聽到隔離枱同我一樣有一個疑問, 就係個生蝦點解無炸蝦頭?! 個老闆話"係呀! 唔係次次有架!!" 我再同我朋友講返,佢話之前係有架, 唔知點解今日無! 嘩.....即係鐘意有咩就整咩, 事前又唔同客解釋, 好唔老實囉!! 我地傻傻下唔問, 好在人地有問, 先知咩一回事!! 到埋單啦, 我朋友問可唔可以簽卡, 我就將我係食評睇到既講出黎...."係openrice到咩卡都得, 但實際上只收cash.....", 跟住我就再問下啦, 佢地話只收現金, 如果係咁, 做咩唔update返openrice既資料, 如果真係無cash咁點呢?專登出去襟錢都唔方便啦!!最後埋單$1228, 每人$2百鬆dddd, 呢個價錢唔係貴, 其實味道唔難食, 只係唔值, 大家食唔飽, 又無服務, 用料質素差,又無咩特色, 我唔會建議人去食, 我都唔會再去呢間食.....

真係不吐不快！型姐介紹來到呢間泰肥牛海鮮火鍋菜館食生日飯！不過我地原先訂左七點鐘六位，來到佢地話我地無訂位！因為佢地寫錯左電話！未有再confirm，所以無位！完全唔覺得佢地自己有問題！當時都有一張枱的，但佢地都叫我地等下先！等到無人來先比我地！睇下有乜食先？不過睇下好了，分分鐘叫時佢地會話無的！唔該六隻貴妃蚌啦！無喎！依家無喇喎！好耐之前寫的！黑板手寫字都話無？先來個海鮮鍋，快ｄ加自助調味料！加完佢地會拎走比第二枱架！前菜試個生蝦刺身，都幾貴$138得12隻海鮮鍋好快到了！冬陰功湯底！有一隻龍蝦，中蝦，蜆，少許什菇飲左好多碗冬陰功，晚上知錯了！口渴！叫左樣唔知乜野餃又話無，最後來了西洋菜餃另外叫了幾款熟食紅綠咖哩都話無，問佢敢係用乜野咖哩黃咖哩面包軟殼蟹最後有生日蛋糕做甜品添！原先侍應拎左碟來，後來見我地個蛋糕細ｄ就換來碗！唔通洗碗會開心ｄ？我真係覺得呢間泰肥牛真係好小家！好多時去ｄ餐廳都會幫你清理枱面後換來新碟啦！我叫佢抹枱就只係抹我前面果一部份！六個人埋單差不多$1500，又話無得簽咭！我地都問佢：你地open rice度話可以簽咭架喎！佢居然答我：剛開張果陣係有的，之後無了！喂！你地乜都話之前，又話open rice果度好耐架喇！老闆你都要更新下你......地既資料啦！最後都頂佢唔順，回贈左佢一句！唔該你update下你自己啦！

此店本來主打是泰式冬陰公肥牛火鍋, 可是我們卻進去來的個簡單小菜, 原因主要係我見到他們有燒白鱔。

哈哈...有時選擇一些東西, 原來就係咁簡單。

我跟友人都很喜愛泰式生蝦, 不怕生蟲 (生蟲那怕可減肥), 不怕肚痛, 只怕不好吃。

不過生蝦最緊要還是新鮮, 蝦霉了就不可吃。

這裡的泰式生蝦算是中規中矩, 汁醬亦不算突出。

不過就肯輕輕酥炸蝦頭, 脆口可吃。

令全隻蝦都吃下肚! 不過吃這蝦頭還是趁熱吃, 不然就不脆口而咬不斷。

冬陰公湯粉 算是可以. 不過可能是主打冬陰公火鍋的關係 (因為其他人會不停烚野), 如果做湯粉的話整個湯就比較淡, 用料也挺足的。

吸引我進來的是這個, 燒白鱔。

遁得多年前在佐敦老趙老店吃過燒白鱔。

白鱔肉厚而多汁, 底部的皮燒得乾脆, 入口還感覺到牙齒輕輕一揉而令底皮斷開的效果。

可惜自那次之後, 因白鱔來貨貴而少有便宜厚肉的, 餐廳就揚走了這項。

現在外邊很多港式, 湘式, 日式, 各混合式的串燒有時都有一串串的燒鱔, 可是感覺差得很遠。

燒的是白鱔因為白鱔夠肉地, 有嚼頭。

黃鱔太奀而有肉羶, 不燒。

燒白鱔得有心機慢燒, 也得原條燒, 一邊燒一邊加汁, 如串燒上, 肉質給破壞而且汁液流失。

這個燒白鱔算是可以, 不過有些細微的骨未起淨, 令口感大打折扣。

還是這個串燒, 看賣相都只屬一般。

不提, 省篇幅。

基本上, 這餐廳的水準是一般, 不過燒烤作料, 確是有可令人接受的效果。

除串燒外, 白鱔或魚等的烤味都算香濃, 生蝦也可接受。

無奈用料上的成本上升, 價錢也不算便宜。

餐廳收鋪較夜, 可供宵夜選擇。

泰肥牛海鮮火鍋菜館餐單提供泰國菜, 火鍋, 海鮮等推介美食位於佐敦區，餐廳座位數70人均消費約$51-100，結賬可以用現金。

您對於佐敦餐廳「泰肥牛海鮮火鍋菜館」有何 comment？

泰肥牛海鮮火鍋菜館餐廳詳細資料：

• 泰肥牛海鮮火鍋菜館地址:
  佐敦廟街294號地下
  Thai Beef Seafood Restaurant, G/ F,294 Temple Street, Jordan
• 泰肥牛海鮮火鍋菜館電話:  
• 泰肥牛海鮮火鍋菜館價錢: $51-100
• 分類: 泰國菜, 火鍋, 海鮮
• 座位: 70
• 付款: 現金
• FB專頁: 泰肥牛海鮮火鍋菜館 Facebook

更多泰肥牛海鮮火鍋菜館相關資料:

• 泰肥牛海鮮火鍋菜館分店
• Youtube
• Facebook
• Twitter
• Google