魚木日台美食 九龍灣

魚木日台美食 評價 相片

見到間鋪開了一排未來過，適逢同事都想試，就入去食個lunch試下。

點餐時發現餐牌選擇比其他同類食店少，淨係有種類不多嘅特定野食。

我叫咗鹵肉飯，碗飯唔熱，差唔多可算係凍，似預先裝定太耐放咗一段時間，而啲鹵肉係硬既，水準真係失望！我個同事就食咖哩，但啲咖哩一睇落去仲簡單過我自己整嗰啲，同事話味道一般。

環境方面，以九龍灣商貿區而言可以接受嘅，畢竟呢區午飯時間真係好多人，不能夠要求太高，算ok吧。

總結: 食物質素有待提升。

如果對味道冇乜大要求，純粹諗住快趣食個午餐醫飽個還可以嘅，個人就暫時試過一次就算。

I like eating this restaurant for lunch so much especially for the Japanese sauce salmon rice. It looks and tastes so good. And the price is very affordable as well. The environment also nice that it’s clean and comfortable. It’s suitable for small and big group of people. I recommend this so much! 🤤

呢間餐廳睇落都好台式，餐牌食物幾吸引，一試佢既幔魚飯。

珍珠米較為乾身， 滑蛋半熟好滑，幔魚係幾好食，魚肉都幾厚身，加幔魚汁同埋紫菜碎味道夠惹味，應該日後會再幫襯。

九龍灣Eastmark可以話係香港人嘅黃店食堂💛🤣好多出名嘅黃店都喺入面搵到🤪e.g. 齊柏林🌭、蕃茄仔🍅、享樂烘焙🥯而呢間日台料理就喺蕃茄仔隔離～空間好大，超多位🤣每次lunch time嚟就會好似去咗canteen咁🤣呢次反而係放工去～就冇乜人😌舒舒服服食個靚din😗呢間食店主要係食日式丼飯同台式小食～每個餐都會跟麵豉湯、前菜(日式螺肉)、茶同甜品🥰幾抵㗎！🌟肉燥豬軟骨便當 配滷蛋 $58 (2.5/5)身為豬軟骨愛好者(🫡坐忘死忠粉)，嚟到必試豬軟骨啦😗便當有一堆沙律菜、一隻溏心蛋、肉燥同兩舊豬軟骨～豬軟骨唔算大舊，軟骨部分燜到半透明，食落都算幾淋，但就未去到膠質嘅感覺😗而且雖然佢啲骨係煮得夠淋，但肉嘅部份就好鞋口🥹感覺就好似食緊湯渣嘅肉😵‍💫肉燥偏向大粒，配合甜甜地嘅滷水汁都幾好送飯嘅😉而滷蛋做得幾好😋好濃醬油味，而且係溏心㗎😚🌟雜錦吉列海鮮丼 轉 咖哩撈烏冬 $62 (4/5)佢好多丼飯都可以免費轉咖哩撈烏冬☺️雜錦吉列海鮮包括兩件炸帶子、一件炸蠔、一件炸蟹鉗用一件炸蝦🍤全部即叫即炸，上枱全部都炸得金黃色，食落脆卜卜！炸帶子嘅炸皮好簿，食落唔算超juicy但都鮮甜😉炸蠔大大隻，食落都好肥美😋炸蟹鉗超有驚喜😍出面餐廳啲炸蟹鉗好多時都係假蟹肉😂但呢間係真蟹鉗！😍啲蟹肉一梳梳，而且都好鮮甜！反而炸蝦麻麻地，炸皮比較厚，但肉就好幼好細隻🙈而咖哩烏冬就正正常常～份量都好足夠😌overall嚟講呢個價錢食吉列海鮮係高汁！滿意呀💛每個餐加$15就有小食😍我哋都加咗兩份😚🌟日式玉子燒 +$15 (5/5😍)想講！呢個係我喺香港食過算係Top3嘅玉子燒！😍首先$15係超級抵，而且都大份㗎😋玉子燒上面擠滿沙律醬同放咗好多木魚絲，所以食落口已經好惹味🥰重點係佢個蛋係做得好滑好juicy🥹❤️出面大把貴嘅玉子燒係overcook咗舊蛋！但佢冇！仲要好夠高湯味～絕對唔會dry！大推！一定要加錢食🤣🌟台式鹽酥雞3件+$15 (5/5😍)呢個都大推呀😍鹽酥雞大大件，而且質素絕對唔係hea你！新鮮即炸起熱辣辣，炸粉係好簿😍仲要好脆！絕對係做到鹽酥嘅口感同味道，好食過大把台式餐廳🤷🏻‍♀️都係嗰句，一定要加錢食🤣最後跟餐有一件甜品送💛一件係抹茶紅豆嘅mochi，一件係粉紅色類似和菓子的東西🤣抹茶紅豆mochi好食！而粉紅色和菓子係豆沙+話梅味！鹹甜鹹甜咁幾得意🤪另外仲包咗一杯玄米茶同麥茶☺️係好完滿嘅晚餐🥣總括而言，覺得經過九龍灣附近諗唔到食咩嘅，不妨一試！質素真心唔錯😍推介吉列系列😗不過同男朋友一致覺得佢啲小食仲好食過主食🤣🤣大家一定要加！而且職員好好人，態度好好👍🏻呢個價錢性價比都高哦～加一服務費：❎回頭率：❤️❤️❤️❤️ (5個❤️為滿分)📍地址：魚木日台美食 (九龍灣)九龍灣常悅道21號The Eastmark 1樓106號舖

星期五放工後係附近食埋晚飯先走。

唔駛等位直接入座。

店員雖然忙於整理外賣，但見到我哋坐低都即刻去印QR code 俾我哋落單，上菜時有禮，唔錯。

叫兩個： 鹽酥豬扒飯，同慢煮牛肉飯，另外加咗個章魚燒。

1/ 鹽酥豬扒飯份量唔少，鹽酥豬扒唔會太油，幾好味，隨餐附送嘅甜品，芝麻紅豆球，味道都唔錯。

2/ 章魚燒正常發揮，醬汁略嫌鹹咗啲。

3/ 慢煮牛肉飯牛味濃，但但但，好韌。

細心望吓件牛肉，我哋都懷疑係因為順左紋切嘅關係，令到件牛太過韌。

有啲浪費左件牛。

魚木日台美食餐單提供台灣菜, 日本菜, 日式西餐等推介美食位於九龍灣區，餐廳座位數66人均消費約$51-100，結賬可以用現金，Booking訂位可以電話致電 23639389 查詢。

您對於九龍灣餐廳「魚木日台美食」有何 comment？

魚木日台美食餐廳詳細資料：

• 魚木日台美食地址:
  九龍灣常悅道21號TheEastmark1樓106號舖
  魚木日台美食, Shop106,1/ F, The Eastmark,21 Sheung Yuet Road, Kowloon Bay
• 魚木日台美食電話: 23639389
• 魚木日台美食價錢: $51-100
• 分類: 台灣菜, 日本菜, 日式西餐
• 座位: 66
• 付款: 現金
• FB專頁: 魚木日台美食 Facebook

更多魚木日台美食相關資料:

• 魚木日台美食分店
• Youtube
• Facebook
• Twitter
• Google