肯德基家鄉雞 (KFC) 九龍灣

肯德基家鄉雞 (KFC) 評價 相片

之前見到KFC出咗花生醬朱古力新地❤身為花生醬控嘅小編緊係要去食啦❤新地好大杯 花生味好香~食落係好濃好濃嘅花生醬味😆好似食緊花生醬😂😂朱古力反而係後勁先出😍兩樣野嘅交融真係好match！！推薦大家一試！❤

呢排見廣告推出個新嘅”薄餅雞”, 同事們都有興趣試下佢點食法, 今次我地又叫咗外賣喺公司度食.上網order要等1.5小時以上先送到公司, 所以要叫外賣真係要早少少落單, 送到過來要拿拿聲打開, 唔好再焗太耐就會林晒…今次主要試食廣告嘅”薄餅雞”, 一個細細個pizza 盒內由4件雞扒組成, 都收$98一份,說明白點都只不過4塊雞排炸好再加芝士, 粟米, 茄汁…等再去焗, 好似自己都可以DIY得到, 無乜嘢難度喎, 成本低, 無乜配料, 賺死佢囉….今次我地有叫香辣中翼, 及蜜糖全翼, 但送貨到來先講全線KFC 都無雞翼, 所以全部都改咗做炸雞, 但明明落order時有留電話架嘛, 做乜唔覆個電話俾我地, 問下我們仲想改乜嘢呢?  呢個服務方法就無某某比薩店做得好喇, 唔該去學下人啦….  而且佢話送咗相同份量嘅雞俾我地, 始終都唔同種類同size, 都最後都唔知有無蝕咗俾佢??

今朝起身特別肚餓，又醒起之前有張KFC早餐coupon,於是就打算去德福肯德基外賣個早餐反公司食。

由地鐵站出來上一樓，就會見到，平時好少特登過去，今天一見到，嘩！超級多人，排到店出面。

不過，員工都算快手，我唔使十分鐘就搞點份外賣。

早餐唔想食咁肥同埋食肉，叫咗一份多士加一個鬆餅，連一杯檸茶。

覺得鬆餅整得幾好，外面脆，入面軟。

仲有香香的牛油味，好味道！不過多士就好似硬咗少少，不過優惠價只係$12.5元，呢個價超值啦！早餐鬆餅＋多士

一大早出門去百萬行😬 都未得閒就早餐😩 係又攰又肚餓既情況下，又係差不多返到屋企既時候，我就建議不如去德福食KFC😆去左停車場仲咁岩有位，個位仲要勁近KFC，唔通連個天都知我好需要食物😆大家都知道KFC出名要排隊，無錯係間間都要排隊🌝見到有新野「XO醬炸雞」，幾港式既味道。

味道偏甜，唔太辣，因為人多，所以件雞真係炸得剛剛好，肉質柔嫩多汁，因為試過喺其他分店食，但係九龍灣呢間一定唔會令人失望。

就算炸薯格，葡撻都好好味，所有野熱辣辣，真係幾攰都唔記得啦😘

我在淘大影藝花了差不多四小時看完兩套電影，連本來要跟阿媽和細佬食晚飯都錯過了。

惟有一個人在德褔食完自己的晚飯。

德褔KFC晚上特別多人幫襯，有時人龍長得排出商場走廊。

人龍伸展到商場走廊，除了因為排隊人數太多之外，店舖面積不夠大才是真正原因。

晚上KFC人客眾多，不夠運的話隨時沒有座位可以坐，排隊等候之外還要同時東張西望，留意有沒有多餘座位。

其實上次想介紹那款芝味濃脆雞，但最後還是忘記了，直到今日改試這款加大碼雞髀皇套餐，另加$7換購巴辣雞粒連紫菜shake shake粉。

雞髀皇拿上手無疑真的很大件頭很巨型，不過雞髀沒有特別用調味料醃製，所以空有大件頭啖啖肉，雞肉卻沒有特別滋味的味道可言。

這樣的雞髀皇套餐，跟在KFC吃一般家鄉雞套餐沒有分別。

如果不是有辣汁蘑菇飯跟餐的話，這個雞髀皇是頗為令人失望。

跟餐追加的巴辣雞粒反而比雞髀皇更入味，因為巴辣雞粒還有調味粉，雞髀皇卻沒有。

最後建議KFC下次推出雞髀皇套餐可以追加附送調味粉或醬汁，或者在醃料下點新意或工夫補救。

肯德基家鄉雞 (KFC)餐單提供美國菜, 快餐店等推介美食位於九龍灣區，餐廳座位數85人均消費約$50以下，結賬可以用Visa,Master,現金,八達通,AE,銀聯,Apple,Pay,Google,Pay，Booking訂位可以電話致電 27560756 查詢。

您對於九龍灣餐廳「肯德基家鄉雞 (KFC)」有何 comment？

肯德基家鄉雞 (KFC)餐廳詳細資料：

• 肯德基家鄉雞 (KFC)地址:
  九龍灣偉業街33號德福廣場一期F28號舖
  Kentucky Fried Chicken, Shop F28, Phase1, Telford Plaza,33 Wai Yip Street, Kowloon Bay
• 肯德基家鄉雞 (KFC)電話: 27560756
• 肯德基家鄉雞 (KFC)價錢: $50以下
• 分類: 美國菜, 快餐店
• 座位: 85
• 付款: Visa,Master,現金,八達通,AE,銀聯,Apple,Pay,Google,Pay
• FB專頁: 肯德基家鄉雞 (KFC) Facebook

更多肯德基家鄉雞 (KFC)相關資料:

• 肯德基家鄉雞 (KFC)分店
• Youtube
• Facebook
• Twitter
• Google