碌鵝大皇 九龍灣

碌鵝大皇 評價 相片

去開啟業村打波，都唔會少得去大排檔食飯！ 呢d排檔買少見少，所以平時我同波友都比較鍾意光顧！今晚就去左碌鵝大皇！打完波9 點去到，都已經坐無虚席，室內室外都人流滿滿，大家都可以高談闊論，暢所欲言，相信都係大排檔受歡迎既原因！我哋落完單之後，咸蛋味濃郁的黃金魚皮熱辣辣嚟到！脆卜卜，極香口，用嚟送啤酒一流！招牌既碌鵝都好快送到，滷水汁味幾香！鵝肉幾有咬口，啖啖肉既部位令捨好食！ 鵝肉除左有滷水香外，仲有唔錯既肉汁，果然係呢度既招牌菜！跟住嚟到仲有賣相唔錯，而且幾有鑊氣既煎釀虎皮尖椒！ 鼓椒汁滿佈尖椒面，魚肉煎得香口，配上辣辣地既尖椒，非常惹味！呢3個就係我哋既頭盤小食組合，份量都唔錯，足夠我哋3個用！由於呢度d小食真係好惹味，忍唔住叫左支啤酒送小食！ 睇嚟今晚既運動量又白費左。

。

小食過後，就到另一個招牌咖哩脆皮牛腩出場！ 牛腩同咖哩汁分開上，非常特別，可能唔想影響到炸到脆卜卜既牛腩既口感，食嗰下先點咖哩汁，外皮炸得都幾香脆，外皮唔算薄，但牛腩都算稔，唔點咖哩汁都幾好食，加埋甜甜辣辣既咖哩汁仲好食！最後出場既係雙蛋娃娃菜，份量十足，大大碟，金銀蛋都鋪滿中間，咸蛋香味由湯汁滲左去d 娃娃菜度，娃娃菜都幾香甜爽口！呢度就係我哋3 個今晚既波後飯！份量十足，價錢又合理，而且選擇又多！下次打完波又有好地方食飯！

有朋友返九龍灣，知道附近有熟食中心，所以就嚟試下...見到openrice呢間嘅評分都幾高，雖然有啲隱蔽，但係食完就知道冇揀錯，值得再黎，同埋要推介畀多啲人知道 幫襯下！依家嘅大排檔好多都要成百蚊碟餸，不過呢間嘅價錢依然好實惠，兩個人叫咗四碟餸，諗住每碟嘅份量好少，點知每碟係好大份，食完係超級飽！點咗佢嘅招牌潮州咸雞半隻、豉椒炒大蜆、鯪魚肉浸小白菜同埋沙拉金沙骨，雖然點嘅都係一般大排檔有嘅菜式不過呢間做得真係好好食，而且經濟實惠！佢嘅招牌咸雞其實唔算好咸，反而鹹味啱啱好，帶得出雞嘅鮮味，雞肉亦都好嫩滑，雞骨位熟透冇血水滲出，煮得啱啱好，冇太老亦都冇太生！沙拉骨用嘅沙律唔係白色沙律汁而係千島醬，所以除咗甜酸味之外亦有香草嘅香味...至於沙拉骨肉質一啲都唔鞋反而好腍，軟骨位又夠咬口！鯪魚肉浸小白菜就幾特別，我鍾意佢鯪魚肉釀咗冬菜，帶有鹹香嘅味道同魚肉味好夾！至於豉椒炒大蜆就好夠鑊氣，蜆肉夠鮮甜而且份量多，最好食係個汁，配埋白飯食就一流！點咗四個份量咁大嘅小菜加埋白飯同嘢飲都只係三百幾蚊，仲要食得好飽同好好食！可能地理位置嘅問題，一嚟唔近地鐵站同埋舖位偏入，人流唔算好多，但我覺得呢間舖頭真係好值得再去，而且服務態度仲好好添！希望多啲人知道呢間舖頭幫襯下啦，下次會再去！

難得嚟到九龍灣嘅啟業邨一個咁貼地嘅地方就想食返啲地道啲嘅小炒店我哋只係喺出邊睇下食咩姐，已經分別俾人叫過兩次快啲過嚟食嘢，已經當左我哋係目標客人啦。

哈哈😄，太熱情添。

去到叫番幾個地道小炒先！我一定要食呢個豉椒炒大蜆啊！我最鍾意食蜆㗎啦。

仲要係是豉椒炒，夠晒重味同辣啦，我就最鍾意啦。

呢度個大蜆都幾大隻嘅！不過略嫌嗰個豉椒味唔係好夠，可以加返多啲豆豉同埋辣嘅元素咁會更加地道有風味！仲有個黃金大蝦🍤雖然而家到到都有鹹蛋做嘅小食啦主食都好。

全部都大受歡迎。

我自己都好鍾意鹹蛋個種鹹香味。

佢呢度真係做得幾好。

黃金嘅鹹蛋醬汁包滿晒成隻大蝦，又黃又橙，閃閃金輝，超級靚！我覺得餐廳好細心，佢仲用咗軟殼蝦去做。

好多時我哋食呢啲蝦嘅時候遇上嘅問題呢，就係想食出邊個醬料但係又要剝蝦殼，咁變咗兩頭唔到岸。

但係呢度呢用咗呢一種🦐就唔會啦！一食個醬料連埋蝦殼一齊食，黃金鹹蛋嘅味道完全唔會流失，直接同蝦肉融為一體。

仲有繼續一定要叫嘅椒鹽鮮魷呢～呢兩種嘢都係我非常之鍾意嘅味道。

椒鹽嘅食品係大排檔係非常之受歡迎同埋好普遍係招牌菜式。

而且鮮魷都係啦好似係小食檔叫嘅炸魷魚都係非常之吸引！呢度菜式我賣相都係好黃金好吸引。

不過就略為椒鹽味好淡，近年我發覺喺大排檔或者小炒店食椒鹽嘅菜式，大家都有出現呢個普遍嘅情況。

希望可以回復翻以前咁咁重椒鹽味啦！同埋鮮魷魚嘅質地如果可以結實返少少感覺好似更加新鮮。

仲有呢個我好鍾意嘅蠔仔泡飯，我覺得呢個係必叫嘅菜式！！佢用料非常之充足好新鮮勁多蠔仔同埋又有我最鍾意嘅鮮冬菇😍我其實自己呢就唔係太鍾意食泡飯嘅，但係佢呢一度呢令我呢個唔鍾意食嘅人都非常之鍾意食。

一嚟佢好鮮甜，二來佢用了真係好足，淡淡都有新鮮材料，味道好夠，非常值得讚許！仲有點少得呢度嘅招牌碌鵝啊。

喺網上面睇過佢例牌其實都夠食，果然係圖文相符！佢有好豐富嘅滷水汁啦佢嘅滷水汁又唔係好似普通滷水汁咁。

佢帶點鮮味。

仲有軟硬適中嘅鵝肉，配埋一齊味道剛好。

喺呢度食飯同屋企人聯誼下，家常便飯一餐都好開心🥳

舊式屋邨啟業邨, 仍然保留冬菇亭大排檔，一於約埋四個人去品嚐「碌鵝大王」的小菜。

街坊優惠價$328，可以食到四個菜式，即點碌鵝王、咖哩脆皮牛腩、豉椒炒大蜆及金銀蛋浸莧菜。

出名的碌鵝王係例牌份量，鵝味濃郁，伴有滋味醬汁，特別好食，一定要試。

咖喱脆皮牛腩這道菜嘅牛腩係大大件，蘸上薄薄炸粉，落鑊炸得香口脆皮，配合香濃惹味咖哩汁，送飯一流，值得推介。

然後有豉椒炒蜆，雖然味道略淡，但隻隻蜆 都好大，勁鮮味又嫩滑跟住必食金銀蛋浸莧菜，喺咁熱嘅天氣食莧菜，可以消消暑，加上皮蛋鹹蛋嘅雙重味道，簡直好享受。

另外點咗紅燒滑豆腐，用蠔汁勾芡炆煮出嚟嘅豆腐、加上鮮冬菇、草菇同菜心，味道啱啱好，係水準之作，而且份量夠大，能夠滿足口胃。

最後仲有蠔仔肉碎泡飯，不得不提，因為蠔仔肉極之鮮甜，又大粒又多，配合肉碎，令到整個泡飯鮮味十足，各人食完又添。

街坊小菜能夠做到價錢相宜，份量又夠食，下次一定再去幫襯，況且舊式飲食文化越嚟越少，要好好珍惜。

原來九龍灣都有冬菇亭的太餓了 先黎三個小食 黃金魚皮 新鮮製作 蛋黃味濃郁野椒豬手 豬手好彈牙 少少辣沙薑雞腳 唔會太韌 易咬開 入味 三個必食推介而碌鵝真心好一般 太淋 不過味道還可其他小菜都不過不失 大排擋地方亦不會太迫夾 坐得舒服

碌鵝大皇餐單提供潮州菜, 粵菜, 廣東, 中菜館, 大牌檔等推介美食位於九龍灣區，餐廳座位數未知人均消費約$101-200，結賬可以用現金，Booking訂位可以電話致電 51998484 查詢。

您對於九龍灣餐廳「碌鵝大皇」有何 comment？

碌鵝大皇餐廳詳細資料：

• 碌鵝大皇地址:
  九龍灣啟業村啟業熟食中心2-3號舖
  碌鵝大皇, Shop2-3, Kai Yip Cooked Food Plaza, Kai Yip Estate, Kowloon Bay
• 碌鵝大皇電話: 51998484
• 碌鵝大皇價錢: $101-200
• 分類: 潮州菜, 粵菜, 廣東, 中菜館, 大牌檔
• 座位: 未知
• 付款: 現金
• FB專頁: 碌鵝大皇 Facebook

更多碌鵝大皇相關資料:

• 碌鵝大皇分店
• Youtube
• Facebook
• Twitter
• Google