烤吧 九龍灣

烤吧 評價 相片

入到去有個女侍應同我地講歡迎光臨， 我哋自己搵位坐低左，等左一陣冇餐牌，又冇人招呼，過多一陣，同一個女侍應走埋嚟同我地講，佢哋已經截左單，即時o左咀，截左單但會同你講歡迎光臨，分明係唔想再煮野，嗰時距離佢哋收工時間仲有半個鐘，真係截咗單就佢應該一早就同我地講，而唔係等我哋坐低先講， 不知所謂

去開九展諗住係到食埋晚飯先走，見到有間裝修不錯的餐廳就試下啦！點知中左伏。

個湯係普普通通既例湯，叫左個炸洋蔥圈，不予置評，個水牛芝士配番茄一般，肉醬意粉先激氣，諗住叫個穩穩陣陣，意粉用水煮完就上碟，再加小小肉醬係上面，自問唔係食多醬濃味既人，我食左兩啖就忍唔住問佢有無其他汁可以比我撈下黎食，最後肉醬意粉變左茄汁意粉。

最後一個菜就係燒雞，毫無賣相，燒完隻雞放上白碟，唔講唔知以為自己食緊大排擋，因為價錢完全不值得在此消費。

但侍應服務態度好好，經常為客人加水。

餐廳環境佈置都不錯，唯一要改善食物質素。

今日去EMAX睇戲,下午茶時間黎諗住食個LIGHT LUNCH,係水牌見到呢間餐廳好似都OK喎,就入去試下~平日既下午唔多人,隔離兩三枱人都係食緊好似HIGH TEA果D TEA SET,我就叫左個LUNCH~美式雞卷意大利粉雞卷無咩味,好似真係拆左骨,就咁焗熟佢就上碟咁,意粉份量好小,兩三注就食完,又係無咩味,個茄醬真係好純粹既酸味份量小,又無咩味….算係一個健康午餐???

睇完戲順便食埋飯，三個人食。

個場夜晚本身少人，入面有兩枱客。

見到menu唔係好吸引，叫個算係平嘅pasta算。

芝士雞肉長通粉，最快上，一般，個味正常，不過唔會想再食，七十幾蚊正常。

香腸拼盤，屋企人叫嘅，我差唔多食完個粉先到。

睇得出嗰六條腸(唔同味嘅六條)係用水烚熟再好輕手煎左下。

見到烚腸都唔係好想試。

屋企人話似超市一pack嗰啲腸。

180蚊烚到比你，你話值唔值。

仲有成舊蒜頭，係成舊，唔係一粒，未meet皮，個頂切左，切左嗰面烤過，成舊硬同生？唔敢食，成舊放喺放無掂(我唔識野)。

比喊樣係主要因為屋企人返到去肚疴。

(無乜客所以食材唔新鮮？)燒春雞餐最後到，半邊雞，kfc舊雞都多過佢。

明白春雞係細啲。

但係好鞋。

88蚊。

真心唔值，都係放到入口頂下肚算數。

至於店員，有個女仔禮貌正常啲(比起其他人)，其他人唔會greet你又或者講野有咁短得咁短，"食乜呀", (用手指指你)"你個餐飲咩"，仲要唔係我叫餐。

得我地落單啫，留心少少都無，明白純粹過時間等收工。

自己喺餐廳打過工，比個建議，上野食，一係記住邊個叫乜，一係問/等人示意話你知碟野係邊個食，唔好粒聲唔出放低喺個空位就走。

比多少少互動，唔好好似大家當大家透明咁，講句野唔係難。

講真我寧願澳牛啲伙記同我落單。

裝修好，但其他方面都配合唔到，除左價錢。

本身展貿都算隔攝，仲要係4樓，真係………會少啲人流！不過反然配合到佢地個格局同設計，靜得黎幾好feel，似寧靜版既outbreak，加上佢仲有個露天位，真係唔錯！裝修上好落本！老公本來叫兩個晚餐～烤春雞 & 燒豬扒！嘩一睇就知食唔哂啦最後叫左燒豬扒set dinner 同 辣肉比薩！講左個set dinner先～湯係正既，飲得出係用好多種蔬菜整出黎，蕃茄，蘿蔔，南瓜等等，而且比例岩岩好，好蓉好飲豬扒真係即燒既，好香，鬆化，有肉汁！係好食既豬扒之但係………配個飯，係暖既，其實算係凍添今次真係食冷飯啦！配菜個燒茄子，真心好食，可惜一樣是凍的到個pizza好正，味道同口咸都一流，我一個人食左4件！仲要揀大件食，多芝士得黎唔“流”，pizza中間位係軟熟既，到外圈1.5吋左右，就開始脆口啦，正啊，禁樣食多件都唔會覺得乾！全部配料都好夾，唔咸！pizza一定要試甜品我無試，不過應該ok既

烤吧餐單提供西式, 美國菜等推介美食位於九龍灣區，餐廳座位數未知人均消費約$201-400，結賬可以用現金。

您對於九龍灣餐廳「烤吧」有何 comment？

烤吧餐廳詳細資料：

• 烤吧地址:
  九龍灣展貿徑1號國際展貿中心E-MAX4樓421至425號舖
  Griller Spot, Shop421-425,4/ F, E- M A X, K I T E C,1 Trademart Drive, Kowloon Bay
• 烤吧電話:  
• 烤吧價錢: $201-400
• 分類: 西式, 美國菜
• 座位: 未知
• 付款: 現金
• FB專頁: 烤吧 Facebook

更多烤吧相關資料:

• 烤吧分店
• Youtube
• Facebook
• Twitter
• Google