占士包點 九龍灣

占士包點 評價 相片

又係九龍灣覓食嘅時候，喺呢個food Court度兜咗個圈準備走，因為揀唔到想食乜嘢。

不過其實每一次其實都俾佢啲「造型蒸包包」吸引，今次企多陣睇吓，阿姐就話「呢個蒜香蝦蒸飯好食呀」咁就即管試吓啦，原來套餐可以揀一個點心，有鮑魚燒賣！咁我就揀咗呢個套餐，再加$5有埋檸檬薏米水～ 不過呢度都需要等1015分鐘左右，可能我嚟嘅時候唔係飯市，所以要時間蒸。

有得攞嘅時候，嚇咗一跳，原來有埋件紅棗糕！整體來講都好好味呀，好在飯嘅份量唔多，不過我都食唔晒。

蒸飯加啲豉油，然後嗰啲蒸蝦嘅汁跌咗落啲飯到，真係好好味呀。

鮑魚燒賣有三粒，分量十足！原來五點前下午茶時間，好似有八折！ 下次早啲過嚟食！呢個food court感覺都幾乾淨，有好足夠嘅員工喺度Standby清潔同埋執枱，我真係未見過food court會有咁多員工😅😅

今晚早咗小小收工，上左德褔Food court覓食，好多選擇，唔想食炸野，見到呢間幾得意，似唐記但就高級版茶樓點心蒸飯。

今次食呢個蟲草花雲耳蒸走地雞盅飯、鮑魚燒賣配可樂，等餐時原來送甜品—紅棗千層糕。

好正呀😆個飯唔少份量，幾好食，諗住應該食唔晒d飯，食食吓食晒，d米好香好食喇😆但蟲草可以多一點，雲耳未免太小而冇味，個走地雞都唔錯夠諗，加埋鮑魚燒賣，同呢個免費千層糕又幾好食唔太甜，最後飲埋罐可樂，簡直好飽，好抵食😋

嚟到德福廣場行街行到攰見到新開既food court好大好多位就諗住坐喺度唞吓 食個Dinner被占士包點 既可愛包點吸引不過朋友想食飯同春卷 ( 太耐無食過)佢有幾個SET 可以選擇鳳爪排骨飯+上海春卷+檸檬薏米水一攞起蓋 已經聞到香噴噴嘅飯香味，係茶樓既味排骨同鳳爪 加埋鼓油，令飯更加入味，而且份量亦都多，比茶樓食開嘅更加出色上海春卷外脆內軟，餡料有蝦仁 粉絲 菜, 而且熱辣辣，唔使點醬汁都好食一定要加$2蚊要杯自制檸檬薏米水有別於其他檸檬薏米水 佢用左雙色檸檬 青檸x檸檬 再加上薄荷葉好清爽 又好有得食下薏米 去濕 物超所值

第一次尼德福廣場嘅Food Court食飯，未幫襯過依間占士包點，所以都想試下，對嗰個籠仔饅魚飯好有興趣，睇落好大份咁，其實佢D飯都真係幾多下，至少有正常兩碗飯嘅份量，食完真係會有D飽。

籠仔鰻魚飯，採用荷葉包裹鰻魚飯，使用蒸籠盛裝，好足料，原條鰻魚口感厚肉，肉質嫩滑、肥瘦適中，食落啖啖肉；表面鋪滿蒲燒醬汁、香蔥、芝麻，蒲燒醬汁口感濃稠，味道正宗、濃郁；白飯口感軟硬適中，食落有咬口。

罐裝可樂，飲落好清爽。

占士包點📍九龍灣偉業街33號德福廣場二期5樓501B號舖Foodeli占士包點的門面吸引了我的眼睛，特別是五式點心拼盤，啱晒貪心嘅朋友😆不過最後掛住好耐無食的中式飯點：蒸排骨飯＋ 鮑魚糯米雞＋檸檬薏米水 $56 蒸排骨飯熱辣辣，加入豉油即時撈飯，排骨偏肥（鐘意瘦啲😂)，糯米雞好食，有鹹蛋黃，份量都夠！杯檸檬薏米水好大杯，個樽好靚，大量薏米，好健康☺️ 整體不錯，好暖有家的感覺，就快冬天可以保暖啊😉

占士包點餐單提供粵菜, 廣東, 點心等推介美食位於九龍灣區，餐廳座位數未知人均消費約$50以下，結賬可以用現金,八達通。

您對於九龍灣餐廳「占士包點」有何 comment？

占士包點餐廳詳細資料：

• 占士包點地址:
  九龍灣偉業街33號德福廣場二期5樓501B號舖Foodeli
  占士包點, Foodeli, Shop501 B,5/ F, Telford Plaza I I,33 Wai Yip Street, Kowloon Bay
• 占士包點電話:  
• 占士包點價錢: $50以下
• 分類: 粵菜, 廣東, 點心
• 座位: 未知
• 付款: 現金,八達通
• FB專頁: 占士包點 Facebook

更多占士包點相關資料:

• 占士包點分店
• Youtube
• Facebook
• Twitter
• Google