燚火鍋專門店 九龍城

燚火鍋專門店 評價 相片

今晚即興好友聚頭，想打邊爐好耐！之前試過呢間燚火鍋，想再encore!本身想叫咖哩湯底，但因為想食海鮮關係選擇咗個清清地嘅蕃茄薯仔湯底，估唔到有驚喜！海鮮都算新鮮(最低消費要叫兩份)今次最主要想介紹返個牛，好好味之餘佢仲有package，好抵，我地選擇左牛加刺身！另外普通午餐肉同炸午餐肉係同價錢，所以我地選擇左炸午餐肉，非常香口因為佢加左炸蒜粒令人食唔停口，除左呢樣佢仲有個88蚊啤酒任飲，好適合愛酒之人！

今日同事約埋我地兩公婆慶祝自己生日，哈哈 !! 我地睇左好耐，選左呢間 ~~ 我地叫左個清酒蜆鍋，個湯底酒味唔夠多，反正似海帶牛油湯，蜆既量都唔少 !! 都係細細隻，但肉都算肥 !! 入面仲有唔少金菇，都幾好味 !!之後我地梗係有叫個好邪惡既 炸午餐肉啦，呢個要壇一壇佢 ... 點解會切到咁碎 ... 太細粒 !! $42 我諗 ... 呢道都唔知有冇半罐手切牛頸脊，牛味好濃，但細碟左Ｄ，呢個份量已經係大 !! 我地3個人最後唔夠食 ... 又叫多碟...豬潤基本上都會叫 ... 呢間既太薄，好易會過熟響鈴唔錯，夠厚 !! 但呢個湯有少少唔夾 ... 早知叫魚皮 ! 哈 ~~呢個海鮮盤抵食，有龍蝦 / 海蝦 / 鮑魚 / 生蠔 / 大蟶子 同埋一堆蜆，都只係 198，呢個係 2人份，3個人我覺得都夠 !!當然唔少得我老婆一定會叫既西洋菜，都算嫩 !! 唔老 ~~5寶丸最尾再補多碟牛

圍內老友聚會，還以為所有谷中朋友會到齊 15 位盛宴，完後只得 10 位食家出場。

每次都係我最早到場打點一切，自來支啤酒濕濕口預備一下，自酙自飲，飲勝﹗自攜白酒貝多芬，對我來說實在太甜，飲朝日啤酒夠喇﹗巴西蜜蜂龍蝦刺身，游水巨龍氣勢兇猛 ﹗蜜龍刺身雪白的肉質綿綿少少爽，濕潤微微清甜，堅係彷似食得到蜂蜜味道，十分奇怪﹗索價只係$1000 蚊，抵食好味道﹗蜜龍巨頭有膏也有肉，拖一拖椰子雞湯更添姿彩﹗鮮龍蝦味帶海水咸鮮，肉爽彈牙，蝦膏甘香，甜而不澀。

活花金古刺身，跨區用膳都撞到賢總理及其夫人還送贈花金古一條，實在受寵若驚，滾動萬分 ﹗游水活魚即捕即處理，新鮮度無從置疑，看得見的鮮氣﹗白裡透紅的鮮魚片，師傅刀功神乎奇技，厚薄每片一模一樣，半透明火透光使得晶瑩亮麗﹗忍不住急急拖點山葵豉油即入﹗嚥韌勁彈的肉質，陣陣清甜純天然魚甜味，活活的在舌尖上跳動，那有不好吃的理由。

活象拔蚌刺身，非食不可，鮮甜到升仙，脆口冰涼多汁滑嘟嘟，沒有更好的形容詞，自己試啦 ﹗活石蚌刺生，較為少食的游水活魚，嚥韌滑溜勁有嚼勁，天然鮮魚甜味超級強烈，比海金古更美味，拍爛手掌搶住食。

花竹蝦刺身，活捉生劏鮮味最強，不過蝦味微乎其微，只食其爽爽滑溜的質感。

南非鮑刺身，刀功非凡奧義每片幾乎厚薄一樣，半透明若隱若現，中間軟滑帶輕輕的甜，粗條邊位脆卜卜就超甜美。

和牛刺身，顏值高到無可挑剔，靚仔都無話可說 ﹗富光澤的鮮肉嫩紅，霜降的油脂密密麻麻，平均美麗，真心讚口不絕﹗捲著蘿蔔蓉果醋享用，乾綿綿滑嘟嘟使得牛跟她們一齊溶化﹗清爽牛甜味散發溫柔乳香，停不了地塞入口，質素直迫日本餐廳啊﹗炸鮮蝦雲吞，蝦鮮肉甜，包得結實飽滿，餡料無得彈得滿分 ﹗奇怪地雲吞皮勁韌難趙不香脆，估計因為油溫不夠滾所做成。

雷式混醬，無敵的調配，金銀蒜蔥花指天椒撈豉油，任何食材都夾到，提味升鮮。

四川麻辣鍋大辣，認真淺嚐幾口湯汁，我就係要依隻味喇 ﹗惹味辛辣麻香甜美，百味交錯不單調，香料多變多層次 ﹗辣到額頭冒汗，額頭汗珠串串最過癮﹗鍋底已有味濃彈滑豬紅、爽爽脆脆吸湯大豆芽、香口嚥韌勁索辣湯豆腐卜，開心滿足的頭盤。

 多種香料混集其中，惹味致極 ﹗大辣都不太嗆太辣太過份，先辣後甜帶少少麻，仍然可以散發原汁原味。

湯底已送埋豆卜及豬紅，老闆非常貼心。

豆卜索辣一流，正到痺啊﹗豬紅有點腥，如先浸浸鹽水再用花雕煮煮就較為好味。

如果係鴨紅、鵝紅就會更加高興。

椰子雞湯，未落雞先試頭啖湯，雞味已極為強勁霸道，椰子味道清甜醒神，色香味兼備。

立即將走地雞半隻掉到滾湯裡浮沉跌盪，重手大肥雞來的﹗好明顯食瞓疴多過走地通山走啦。

耐心餚製十幾二十分鐘，立即起動﹗搶隻髀自私嘆，客氣生疏食少好多﹗走得黎朋友聚餐當然要盡情啦。

天然雞甜味突出，真材實料無欺場。

皮厚肉嫩滑滑滑，汁液不停滴滴滴，肥膏震震油油油﹗加入靚雞後湯汁更香更濃更黏，無鳳脂那會香那會甜啊﹗怕就唔好飲喇。

花膠鮮雞湯，每人先來兩碗靚湯嘆嘆先 ﹗膠黏味濃甜甜雞味，連隻雞都好有味道，花膠微爽微黏有海味鮮甜，無可挑剔的美饌。

海鮮併盤，活海蝦生猛紮紮跳，最緊要時間拿待準，不要烚過火，灼一灼看準時幾不用 1 分鐘即起 ﹗豐富甘甜蝦膏，蝦肉爽彈滑溜超多汁。

美國桶蠔不是一味死大隻就好食架，越大隻就越淡越多渣越多沙，兩三吋夠晒肥美剛剛好。

依幾隻都合格，陣陣清淡獨特美國蠔味，脹卜卜蠔一咬爆汁，蠔閃令令，浸埋蒜蓉辣辣豉油齊齊啜十分美妙﹗有幾隻體形過份巨大，絕對不是越大就越好食 ﹗起渣乾鞋韌到死的裙邊及帶子位不合口味，全部棄掉 ﹗只食最肥美最飽滿的蠔肚腩。

滾埋蒜蓉辣椒豉油熱燙燙塞入，爆汁鮮甜地品嚐。

鮮魷魚勁咸過份，用鹽醃過受不了 ﹗九孔鮑，非常活躍搖擺不定，升仙前跳隻死亡之舞 ﹗齊齊落湯一鑊熟，五六分鐘甩殼即可食用。

內臟飽滿肥嘟嘟，甘甜彈滑，肉汁兇湧﹗鮑身甜甜清香，充滿彈性好味道。

脆鯇魚腩，沒有泥味沒有草青味，只有甜美濃郁的魚甜味及魚脂味，爽脆無比魚汁處處很喜歡 ﹗手切鮮牛頸脊，分佈平均脂肪紋特別吸引，油潤的油肪鋪在鮮牛表面亮晶晶，溫柔夾著一小塊在滾湯中來回拖行數秒，粉紅色禮成﹗出晒熱騰騰享用，特上牛肉甜味加嚼勁肉質，每啖都充滿肉汁，美味到暈得一陣陣。

牛挽腩，即牛坑腩與牛爽腩間的嫩肉，即前腿連着牛胸位置是也，供應量極少。

親臨幾次都無緣碰頭，終於都食到您喇﹗拖兩拖粉紅色，牛味奇濃極為香甜富咬口，白肉爽、紅肉彈﹗鬆軟綿滑，牛脂牛汁甜美滿意。

甜甜醇美牛脂，餘韻久久不散，齒陝留香。

涮涮椰雞湯清甜原汁原味，涮涮麻辣湯惹味麻香有勁﹗可以多次添食，食極唔厭，比多幾片我唔該晒﹗雞子，沒有本地新鮮雞子，雪藏火雞子都照食啦 ﹗天生微腥配麻辣湯或蒜蓉辣椒豉油都算合格的，最緊要趁熱食﹗睇準時機，不可以烚過火，爆開就會乾爭爭喇。

保持完整無缺，外脆內嫩一咬噴汁，舒服晒。

鮮鵝肥腸，屬難於煮理的美味食材，要烚得夠嫩夠熟，但要保存的甘甜油脂，烚過火會使到所有油脂溶掉，那不如食普通已加工既鵝腸啦﹗用筷子夾實，前後涮涮，半縮即起，得左﹗油潤無比，滑滑的跣到齒舌間，爽彈質感滲出無限鮮甜肉汁，好好味呀﹗韮菜餃，掉到湯底中自生自滅，忘記要救她們上來啊 ﹗發現既時候已經返魂乏術，烚得太耐喇 ﹗厚厚餃皮微溶黏濕，幸好韮菜仍然爽甜到不得了，連食幾粒方肯罷休。

鮮蝦雲吞，完全失準 ﹗雖然蝦仁保持爽爽的身軀，不過咸味強烈不夠新鮮，可能都包好段長時間咯。

掛住同班老友暴飲暴食，還有大量食材無照相留念的呢 ﹗炸午餐肉、米網脆蝦卷、爽脆牛白肉、豬粉腸滑、炸響鈴、桂花蚌、蟹棒、萵筍、娃娃菜、黑椒牛筋丸、芝心手打牛丸、墨魚滑、野生竹笙，全部蠻喜歡，非常有質素。

大家飲飽食醉，各自各楂車的楂車、搭的士的就搭的士，我就讓那條濕滑既司機送回領地吧 ﹗

好姊妹生日去到九龍城搵好野食，估唔到又幾好食，此火鍋店細細間，但食物好新鮮，就以叫了海鮮拼盆最為吸引，$98/1 已有 半隻龍蝦，勝子，鮑魚，蝦，生蠔。

每樣都好新鮮。

九龍城區有好多間火鍋海鮮刺身餐館 , 尋晚就去左呢間喺南角道嘅燚火鍋試吓 , 明碼實價嘅刺身套餐同海鮮盤就吸引到我地成班朋友去幫趁 , 適逢尋晚星期三仲係特價$10蚊隻嘅生𧐢之夜, 美國同愛爾蘭𧐢我哋先每款來一打 , 加拿大象拔蚌刺身好鮮甜加埋花膠雞鍋套餐就最爽 , 跟埋碟頂級手切肥牛都只係$1288 , 我地四個人去食叫左兩位$98嘅海鮮盤(最少两位起但係又唔需要人頭數咁叫嗰吓夠貼心) , 個XO餃同黑松露墨魚滑又新鮮又抵食一定要向大家推介。

燚火鍋專門店餐單提供港式, 火鍋等推介美食位於九龍城區，餐廳座位數未知人均消費約$201-400，結賬可以用Visa,Master,現金，Booking訂位可以電話致電 28828582 查詢。

您對於九龍城餐廳「燚火鍋專門店」有何 comment？

燚火鍋專門店餐廳詳細資料：

• 燚火鍋專門店地址:
  九龍城南角道44號地舖
  燚火鍋專門店, G/ F,44 Nam Kok Road, Kowloon City
• 燚火鍋專門店電話: 28828582
• 燚火鍋專門店價錢: $201-400
• 分類: 港式, 火鍋
• 座位: 未知
• 付款: Visa,Master,現金
• FB專頁: 燚火鍋專門店 Facebook

更多燚火鍋專門店相關資料:

• 燚火鍋專門店分店
• Youtube
• Facebook
• Twitter
• Google