德寶海鮮火鍋 九龍城

德寶海鮮火鍋 評價 相片

本人至愛打邊爐,見到Li間食評唔差,叫埋D friends去試吓,Li 度唔係豪裝,但夠光猛,環境都OK.至於食物就由熱情嘅老闆娘介紹,我哋點咗雪花肥牛、桂花蚌、日本帶子、蟹籽墨魚滑、魚下巴、韮菜餃等等………,湯底就要蕃茄牛尾湯,真係好似之前嗰位朋友咁,未開始先飲2碗;材料真係好新鮮,尤其魚下巴,真係真係very good,好滑啖啖肉,其他火鍋店未試過,我哋都有點傳說中嘅沙冰啤酒,但係老闆娘話Li個唔係経常做得到,因為要雪到好凍而又要唔爆樽好難,咁唯有等下次啦.大家都覺得差唔多,但又好似未盡興,老闆娘提議嚟份日本烏冬作結尾,真係同高檔日本餐廳一樣彈牙,總括全晚無論食物及招呼都very good,唔似同區以豪裝、明星作招睞嘅火鍋店~~~~~貴& 名過於實.一定再幫襯.

成日出街同唔同fd食野,終於同屋企人食下野=]以下係我對各種食物ge意見:蕃茄牛尾湯底 唔係話絕頂好味,但幾特別,有味得黎唔會掩蓋\晒食物本身ge味道.日本手打烏冬 雖然係比一般ge爽口彈牙,但向沙田食過d更加好口感ge~可叫可唔叫~墨魚滑 蟹子好足料,又新鮮,而且同墨魚丸味道有所不同.鮮蝦滑 冇乜特別,同蝦丸冇乜分別,失望.牛肉粒 正常水準,記得一開始就落落去,放耐d先食.手切肥牛 一般水準,唔UN,但建議叫雪花肥牛.雪花肥牛 價錢仲平過前者,一樣唔UN,肥瘦適中,更美味.帶子 幾新鮮,當刺身食用也很不錯.其他 至少有中等水平,冇出現特別差ge情況.順帶一提,建議唔好叫4寶丸,想食邊種直接叫果種.食方大細一般,算整潔,服務一般,應做ge做,冇特別殷勤.

睇完咁多人讚，一心去試下結果都唔覺得有幾好食叫左個香茜皮蛋湯，大大個鍋裡面有幾棵香茜+ 一隻皮蛋，原隻皮蛋掉落湯度，好慳功夫另外一個蕃茄湯，用茄膏煲的，無乜料，味道OK 啦，好過香茜皮蛋配料份量好細，$20 魚皮餃得6 粒，$48 墨魚滑都唔夠一個網球大，$38 墨魚仔有3 小隻材料都算新鮮，但並不特別啤酒都唔算好凍，一般啦；全晚問了幾次，都沒有遇上沙冰啤7 個人吃了$970，埋單時先黎話冇得簽卡，好彩有帶現金，否則真係尷尬死這個價錢，我覺得去厚福館會吃得好些

因看見這裡的食評不錯,於是昨天由我提議來這裡吃,7點去到沒有人, 我們點了蕃茄牛尾湯拚莞西皮蛋,雙拚要58蚊, 牛尾湯很香濃,不錯, 叫了碟例牌$88本地手切肥牛, 由於太薄沒有口感吃不到牛肉味, 所以全晚只吃了一碟, 有點失望, 於是叫了一碟牛肉粒,牛肉粒比較有肉味,不過其他朋友還是覺得小肥牛較好, 其他食物算是新鮮, 但沒有什麼突出, 最好味的是蟹子墨魚滑,另外魚下巴較特別, 脆肉鯇魚腩很爽口, 我們還走過隔離店買了熱辣辣的油炸鬼過來吃, 全晚不得不試的是日本烏冬,真的和其他不同,很煙勒, 還有這裡的啤酒其實不便直,只有百威和藍妹兩種, 我們要二3枝大百威,每枝也要20蚊枝,藍妹當然更貴, 這是比期待中更失望的原因,埋單每人150蚊,以喝了這樣少酒水來說不算便宜…..

不知前身是否叫玉姐海鮮火鍋, 公司同事介紹的!天氣凍了, 吃火鍋最岩, 但二人吃就是非常難叫菜, 我們叫了芫茜皮蛋湯底, 無手切牛肉, 叫左肥牛例牌, 都幾大碟, $88, 幾多, 肥瘦適中! 跟住海蔘, $48, 麻麻地, 雞骴菇, $20, 一般, 唐萵, $20, 娃娃菜, $20, 粉絲, $38, 老公話係米粉唔係粉絲!　間鋪岩岩裝修過，叫海蔘送錯左花膠, 又漏單...服務要改善下! 同埋個老闆娘係門口食煙, 吹哂煙入黎, 又要扣分! 除左肥牛...其他都麻麻啦!

德寶海鮮火鍋餐單提供港式, 火鍋, 點心, 酒樓等推介美食位於九龍城區，餐廳座位數未知人均消費約$51-100，結賬可以用現金。

您對於九龍城餐廳「德寶海鮮火鍋」有何 comment？

德寶海鮮火鍋餐廳詳細資料：

• 德寶海鮮火鍋地址:
  九龍城福佬村道37號地下
  Tak Bo Restaurant,  
• 德寶海鮮火鍋電話:  
• 德寶海鮮火鍋價錢: $51-100
• 分類: 港式, 火鍋, 點心, 酒樓
• 座位: 未知
• 付款: 現金
• FB專頁: 德寶海鮮火鍋 Facebook

更多德寶海鮮火鍋相關資料:

• 德寶海鮮火鍋分店
• Youtube
• Facebook
• Twitter
• Google