小店 九龍城

小店 評價 相片

去完食正餐黎左呢度食甜品叫左個朱古力布甸好軟心效果，同之前食過的心太軟算是很不錯了而且價錢便宜，只係三十五蚊！仲有個香蕉船，香蕉船外面脆不錯！仲有好鍾意個裝修=)

兩個人黎九龍城搵食, 唔想打邊爐, 所以黎左呢度試. 八點半到, 全場full house, 都幾旺. share左個煎鵝肝, 鵝肝煎得外脆內嫩, 加埋伴碟既蘋果食, 特別好食. 有少少沙律菜, 唯一要扣分既係醋唔夠香, 若果d醋再香d, 咁就一百分啦. 青口配粟米飽, 呢個配搭一流. 青口好嫩, 白汁味道夠creamy又夠味. 值得推介. 因為個青口汁實在太好味, 所以要求老闆用番個汁加d angel hair煮個pasta出黎. 老闆欣然答應, good service. 另外食左個waitress推介既大蝦墨汁麵, 鲜味十足, 而且d蝦仲好爽. 因為食得實在太飽, 就連此店最出色既甜品都試唔到啦. 唯有等下次啦. 仲有要提既係佢地既服務非常好, 上至老闆到所有伙記都好有禮貌, 又頻頻幫你加水. 小店既人情味果然係大舖頭追唔到既.

個frien之前試過小店d甜品話好正, 尋晚就同班friend去試下....一句講晒了... 好失望:環境方面1. 間餐廳好嘈﹐嘈到傾唔到計2. 入到去間餐廳有種"up" 味3. 個廁所好溼﹐又無紙服務方面4. 個戴大圈圈耳鐶女侍應d服務態度好差5. 其他侍應就成日”睇你唔到“, 叫極都無人應食物方面6. 個南瓜忌廉湯勁難飲﹐有怪味7. 牛排好韌8. 朱古力布甸d朱古力太希﹐蛋糕太薄Conclusion: No Next Time, there are a lot of restaurants better than this one.

我同朋友都成日去小店食野, 因為本人好鍾意食牛扒, 一般餐廳"淹"左既牛扒我就麻麻!小店有cafe deco既水準, 但山頂太遠啦, 一想食牛扒就會去小店!!佢d牛扒就算8成熟(而家大肚唔食得太生)都唔會硬, 仲好鬼好味, 有肉汁, 我次次都係落少少鹽就食, 原汁原味......一定要食!有次老闆攞碟牛扒出嚟話太熟, 即刻係我面前掉左落垃圾筒, 話整過俾我, 佢要個廚知道個客係唔會接受架!個老闆好pro!車厘蜆又係好好食, 我本身唔食生蠔, 呢個蜆唔鯹,又大隻, 唔係度度都有得食, 正!鵝肝煎得好好味, 加埋佢d栗米包一齊食, 好鬼正!焗大蘑姑有cheese同d肉一齊焗, 都係果句, 好味!茄乾parma ham意粉我每次去必食, 本身好鍾意食蕃茄, 但茄乾都幾濃幾酸, 我自己就好鍾意食, 佢會落d蒜片, oilver oil一齊整, 好香, 好好味!desert: 心太軟同香蕉船都好好味, 食心太軟唔好"duk"穿佢, 要慢慢介開個頂, 慢慢食落去!可以叫餐, 一個湯, 包包+main course, coffee/tea, 價錢係main course+$30就ok啦, 抵好多!

住0係呢頭咁耐都好少0黎, 今日同3 個同事0黎0左食lunch, 叫了個芝士焗吞拿魚腸仔意粉lunch set $30 一個, 凍飲唔洗加錢, 仲唔洗加一, 平到嚇0左一跳!先0黎野菌忌廉湯, 好香, 野菌味濃, 夠creamy 又唔會好漏, 非常唔錯!白汁芝士焗吞拿魚腸仔意粉... 賣相幾「港式」, 份量足夠.意粉比想像中有咬口, 汁又唔係咁漏, 不過芝士略嫌燶0左d.吞拿魚一般; 反而腸仔幾得, 甜甜0地有d 似BBQ 時塗0左蜜糖的脆皮腸0既味道, 好好食!同事們0既蒜蓉汁煎雞脾+ 火腿扒賣相一般, 聞落就好香, 不過同事們話兩塊火腿扒好鹹, 餐廳老闆(?) 走出0黎同我0地傾兩句, 就連佢都話鹹0左d @_@"環境一般, 幾迫, 果然係「小店」; service 幾好喎, 餐廳老闆(?) 好友善, 店員s 亦非常好好禮貌.唔錯的一間0野, 相信會再幫襯.好想試佢d 甜品!!!!!

小店餐單提供西式等推介美食位於九龍城區，餐廳座位數85人均消費約$101-200，結賬可以用Visa,Master,現金。

您對於九龍城餐廳「小店」有何 comment？

小店餐廳詳細資料：

• 小店地址:
  九龍城太子道東386號地下F-G舖
  Copacabana, Shop F- G, G/ F,386 Prince Edward Road East, Kowloon City, Kowloon City
• 小店電話:  
• 小店價錢: $101-200
• 分類: 西式
• 座位: 85
• 付款: Visa,Master,現金
• FB專頁: 小店 Facebook

更多小店相關資料:

• 小店分店
• Youtube
• Facebook
• Twitter
• Google