大邊爐火鍋店 九龍城

大邊爐火鍋店 評價 相片

近排番工好忙 終於可以出去好地地食飯😂今日揀左黎九龍城打邊爐 呢間係朋友推介既佢唔係一間地鋪黎既 需要上樓梯 如果有老人家就未必太方便了一坐低就有酸青木瓜 同行朋友好鍾意食😂我地叫左醉雞鍋底 一上枱就非常強勁既酒香雞大概有半隻 煮左大概6分鐘就可以食了！非常嫩滑既雞🥺 我地默默地食哂全部😂我地仲叫左炸魚角 呢個係即炸既 上枱熱辣辣食落啖啖魚肉 無諗過會係火鍋店食到甘高質既炸物😋牛魔王又點會放過叫牛既機會🤩我地叫左三色牛 我最鍾意就係中間既和牛粒牛味勁香濃 肥瘦適中😋另一個非常推薦既係佢地既四寶丸本身見佢到甘工整 以為係出邊叫貨食落就知道不得了 一定係手打 仲要係真材實料個種 全部丸調味都岩岩好 無搶到本身食材既鮮味 我最鍾意就係蝦丸 口感非常豐富 我地覺我有三層質感 有打左膠既 有切粒既 仲有原隻蝦仁 🍤最後叫埋魚麵 我同朋友都一致認為係魚肉碗仔翅既個陣味 好特別呀👍🏻我一定會番黎再encore🥰佢另外仲有好多推薦同埋有set可以叫 性價比都唔錯架

屯馬開通真的很興奮，可以直接坐到九龍城真係好開心嘅事，記住去九龍城係宋皇臺站B出口，有電梯同扶手電梯兩種選擇，唔好似我地以為得C出口先有電梯，結果行到隻屐咁!諗住食泰菜，結果行吓行吓見到呢間火鍋店寫住大邊爐，立即上OP睇吓食評，都好多好評喎，一行四人決定試吓佢!見到條長樓梯以為要搬部BB車上去之際，職員話地下隔離有電梯坐，同佢地講聲就會開門!坐低同職員傾咗幾句，原來呢度都開咗18年，18年仲屹立不倒真係唔簡單!湯底我地叫咗“海底椰青雞”一開蓋傳嚟陣陣椰子味，椰青水作底椰子肉一起煲，入面D雞先離譜，幾時食都咁滑咁入味，到我地食飽仍然會夾埋D雞嚟食就知有幾好味!“海鮮刺身拼盤”有象拔蚌、帶子同鱆紅魚，新鮮就乜都唔使講，正!見有問職員食邊款牛好味，靚姐推薦封門柳，餐牌上寫“傳說中的封門柳”，仲話唔好淥咁耐，一食果然係傳說，牛味十足，連奄尖大少我個仔都食到唔停!“手打四寶丸”牛丸、墨丸、豬肉丸同蝦丸，款款都咁好味咁彈牙，意想不到!最好笑係太座誤會咗以為係金菇拼蓮藕嘅火鍋配料，但其實人地寫明椒鹽都知係小菜啦傻瓜，但又惹味又炸得爽脆唔油，頂呱呱!總結太好食，四個人都係試唔哂，下次必……必須叫更多人一齊嚟食先得!

大邊爐火鍋店地址: 九龍城城南道12號電話: 27186000===================== 屯馬線開通，本身九龍城區主要是巴士小士，現今有MTR 方便好多，舊機場位置都起曬豪宅同商業大廈了。

難得出來九龍城會朋友，book 定去打邊爐。

湯底實惠，由$60起乍，要了椰子雞湯$96,入面有雞件，花膠同海低椰，椰肉片熟了蘸豉油好味。

$148 黑毛豬，佢係西班牙殼飼架，肉味濃郁！望落好像好多脂肪，滾熟後食入口又唔覺肥wor$四寶手打丸，粒粒都鮮極有咬口，肉味突出非機做的現成丸。

$42 時令雜菜同菇拼$15 茶芥 $12 一碟酸菜，幾爽口甜酸開胃埋單好抵，朋友都話叫咁多野食得豐富。

🔸蝦丸 $148🔸雞片 $168🔸魚皮餃 $60🔸山水豆腐 $24🔸和哥牛丸 $66🔸陝西馬尾牛 $98🔸安格斯肥牛（大） $308🔸竹蓆茅根水 $72同屋企人落九龍城食嘢，嚟到依間大邊爐地方闊落，座位唔多但係環境較清靜，唔似平時打邊爐咁嘈雜嘅環境，可以同屋企人傾下謁。

湯底揀咗鴛鴦鍋：四川麻辣拼冬瓜瑤柱，飲落清甜冇味精味。

冇叫到火鍋套餐，就散叫咗自己想食嘅材料，安格斯肥牛係必食之選，豐富嘅油花分佈均勻，食落有牛味。

雞片、馬尾牛都非常新鮮。

仲叫咗啲丸同餃，又食又傾好開心呢！

自從地鐵站開通左之後，過來呢邊搵嘢食都容易左，今次同fd過來食呢間開業左18年嘅火鍋店。

為慶祝🎉餐廳開業18週年和宋皇臺站開幕，只需要向店員暫時某兩個youtuber嘅影片，就可以享受折扣優惠！(24人，全單減200蚊，58人，全單減400蚊)✔️海底椰青雞肉鍋 $96鍋中雞肉份量都足，湯底微微甜，好好飲。

✔️本地肉眼邊肥牛 大 $388肥牛控必食！水滾放入等幾秒就可以撈出食得，入口嫩滑而且冇乜筋。

✔️蝦滑釀鮮冬菇 $148好特別嘅菜色，第一次嘗試。

鮮冬菇入面放入蝦滑，放入鍋中都唔會甩。

食落係菇同蝦滑嘅鮮味，搭配得幾好！✔️芋條配東洋金薯 $48打邊爐好少食蕃薯，但原來都幾好味😋芋條好香 打邊爐必點！✔️椰青 $32呢個椰青真係不得了，不止椰青水超多，入面嘅椰肉好似果凍咁，超好食。

✔️和哥滋味牛丸 $66估唔到呢個牛丸係新鮮牛丸，以為係平時食開個款。

呢款牛丸雖然唔Q彈，但牛味十足，好香滑✔️生菜🥬 $34✔️支竹$34

大邊爐火鍋店餐單提供港式, 火鍋等推介美食位於九龍城區，餐廳座位數未知人均消費約$201-400，結賬可以用Visa,Master,現金,銀聯，Booking訂位可以電話致電 27186000 查詢。

您對於九龍城餐廳「大邊爐火鍋店」有何 comment？

大邊爐火鍋店餐廳詳細資料：

• 大邊爐火鍋店地址:
  九龍城城南道12號
  da BINO, 12, Shing Nam Road, Kowloon City
• 大邊爐火鍋店電話: 27186000
• 大邊爐火鍋店價錢: $201-400
• 分類: 港式, 火鍋
• 座位: 未知
• 付款: Visa,Master,現金,銀聯
• FB專頁: 大邊爐火鍋店 Facebook

更多大邊爐火鍋店相關資料:

• 大邊爐火鍋店分店
• Youtube
• Facebook
• Twitter
• Google