輕時光 中環

輕時光 評價 相片

由天后開到中環的 「輕時光」，主打優格、果昔、水果茶……仲有咖啡飲，以健康輕盈的優格做賣點，其中優格蓋茶就以優格取代芝士奶蓋，味道同口感都很特別，又好飲。

外牆的粉藍色好搶眼，望落好舒服。

飲品店以簡單的裝潢，但都好多打卡位，透風的水泥矮牆間隔，帶點懷舊感。

等待飲品時，見到旁邊的可愛聖誕樹，氣氛很好，多份暖人聖誕氣氛。

落單位就有綠油油的幾個盆栽，令人感覺好悠閒。

點左兩款飲品，一款係生果與優格打成的果昔，一款係用優格做蓋茶的果茶，飲品外帶或堂飲都可以。

芒果紅火龍優格果昔 $40個人極為推介優格果昔，真係超好飲，有生果香甜同果香，配搭creamy 輕柔的優格，打成的果昔，口感細滑順綿，味道好似流質軟雪糕，用優格取代雪糕，又香又甜又健康，顏色仲好靚，分層入杯，仲飲到兩款生果口味，讚。

熱情果優格蓋茶 $38好特別的蓋茶，用優格取代芝士奶蓋，味道更有奶味，輕盈唔膩，有微酸的優格清新口感，茶底係桂花烏龍，好清香，酸酸甜甜的熱情果好開胃，果香誘人，配搭新穎味道又夾。

另一個打卡位係淺綠色磚的石台位，影相或坐下飲野都好適合。

🍓Take your time 全新分店✨l #中環由靚女店主打理的健康飲料店，由天后擴展至中環 各位OL有福了！想飲蓋茶又怕芝士會太肥😯 轉做Yogurt又健康又有營養！新分店更大，有小量座位供堂食🥭用上Pastel 色系，店外有店名的彩虹🌈牆，超吸晴 相信好快成為社交平台上的📸打卡熱點✨🔸<新口味>芒果熱情果優格蓋茶 $38蓋茶有兩款茶底，分別是black tea (桂花烏龍茶)/green tea (茉莉綠茶🍵）！今次選擇的是前者！店員推介先直接喝，可以飲到優格奶蓋，香濃幼滑，帶一點點酸不會太甜！ 再用吸管喝一口，先飲到水果的香甜 後勁桂花烏龍茶味突出😘❣️ 用新鮮水果即叫即打，飲到啖啖果肉是我迷戀Take your time的特色💕🔸雜莓優格果昔 $44新鮮草莓和藍莓配合優格即打的果昔，果味相比蓋茶更濃郁，優格入口乳酸味道舒服 不會過甜，而且飲完一杯足夠果腹，on diet的時候岩哂🤗✨_________________#hkfoodplanet #香港 #香港美食 #香港火鍋 #hkig #hkfoodie #foodporn #likeforlikes #followforfollowback #香港ディズニーランド #香港旅行 #香港好去處 #foodporn #ufoodphoto #topfoodnewshk #hongkongfood #香港加油 #bestfood #互粉 #foodie#中環美食#抗疫日常 #抗疫生活 #香港加油 #topcitybiteshk #central #smoothie #ufood #seenseenfood #中環咖啡店

繼之前以五種堅果製成的純素堅果奶製成的奶蓋，最近又找到一間的奶蓋是以yogurt製成 TAKE YOUR TIME 輕。

時光將水果和yogurt配成了茶飲，有幾種系列可以選擇 我選了的是優格蓋茶 Tea With Yogurt Top 系列的  菠蘿優格蓋茶 ($38) 有兩款茶底可選～桂花烏龍或茉莉綠茶。

店員說使用飲管之前，應先嘗試以45度角來飲，讓層次分明的yogurt和茶可以同時間飲用！奶蓋其實使用了低脂乳酪，口感順滑帶微微的酸味。

再加上清新的茉莉綠茶，整杯很解喝～還有吃到少少的菠蘿肉。

即使喝完整杯也沒有很大的罪惡感，算是輕盈的茶飲吧!?朋友點的是 熱情果優格蓋茶 ($38)看到她那杯有滿滿的熱情果籽呢！如果喜歡yogurt，其實可以選擇Yogurt Smoothie系列的。

又或是單純喜歡水果茶也有Supper Fruits Tea 系列。

另外在店旁的外牆有幅色調很美的 "TAKE YOUR TIME" 可以打卡喔！

晌友人嘅IG睇到呢一間主打乳酪（比起「優格」，小弟較喜歡本土嘅叫法「乳酪」）、健康、全水果製作嘅輕飲店「輕時光」，又位處中環，所以，趁出開街搞搞銀行嘢，就過嚟望望，反正順道而已。

嚟之前都睇過友人IG詳文，所以，都知道由「蓮香樓」側邊條大斜路轉上去，正正「九如坊」街口角落位，故此，唔難搵。

鋪面以粉色系為主調，兩邊卻有好多壁畫彩繪，明顯喺走小清新路線。

而走入店內，裝潢簡約，更晌唔同角落放置唔同嘅盆栽或乾花作點綴，洋溢出一份自然感。

而晌門口鋪上薄荷綠階紙皮石嘅石櫈，睇得見一組窗戶都可以打開，打開後感覺感覺會更感開揚，絕對喺一流嘅文青打卡位。

其實，餐廳嘅選址都有心思，因為「九如坊」條路闊落又唔算多車，再走入少少好有種類似「大坑」嘅小社區感覺。

上文就講過店家主打乳酪、鮮果飲品，依家就介紹吓有咩選擇，包括：優格果昔、優格蓋茶、水果乳酸飲料、超級水果茶、水果冰茶昔、咖啡、純茶、抹茶……等8大類飲品系列，以及鮮切水果嘅優格水果杯，所以，選擇嘅真不少。

 從啲單張所見，佢哋仲強調全水果製作，自家熬煮桂花冰糖，更不含化學添味劑，健康之餘，更多份安心。

晌等候期間，更見到佢哋有賣兩款自家製純手工嘅保健即沖飲品：「薑汁紅棗桂圓膏」及「陳皮川貝燉檸檬」，順便拎張單張睇睇，又幾多功效，問過店員，每樽賣$168，一向無賣開呢類產品唔知喺平定貴，但一來喺自家製、無添加，二來喺純手工製作，健康無價嘛！芒果紅火龍果優格果昔（中杯） $38小弟對佢哋嘅優格果昔特別興趣，而芒果喺我嘅「飛弗」口味，而且，其中一款更夾埋紅火龍果，更加吸引我。

淡黃色色調嘅果昔，泛起一片片粉紅、一片片鮮白，份外好睇。

以為只喺得少少紅火龍果，拎到返公司時，已經泛起得更具層次。

入口先喺濃郁嘅芒果清甜味，再嚟喺幽幽嘅乳酪酸香，而紅火龍果嘅味道會稍為隱約，整體口感非常之順滑，感覺好天然。

雜莓優格蓋茶（桂花烏龍）$38優格蓋茶可以自選茶底：桂花烏龍或茉莉綠茶，友人選前者，而以低脂乳酪代替鮮牛乳打成奶蓋，賣相同樣吸晴，而且，份量可不少，店員更溫提，拎返個膠杯嚟再光顧，有減$2優惠。

友人話先啜一啜面頭嘅乳酪奶蓋，質感綿密，微微酸香，好醒神；再向下啜一口雜莓桂花烏龍，既有雜莓嘅鮮果香味，又有陣陣桂花烏龍嘅清爽茶味，所以，好有驚喜，而最後再兩攪勻，味道更複雜多變，非常好飲。

再睇番啲單張，原來店家先晌天后開店，依家再擴展到中環，茶飲店開到成行成市，但加入健康嘅低脂乳酪，加上出品確喺有質素，相信晌依家咁困難嘅日子，一樣企得住。

喺歌賦街食完上海餛飩，友人提議去找個地方喝點飲品才回家。

記得早幾日有食友喺 facebook 報料，話天后嗰間人氣飲品店「輕時光」喺中環開咗新分店，反正店舖就在附近，一於帶朋友去試下。

原來呢間新店只係開咗個幾星期，位置雖然唔係喺大街，但其實一點也不難找，由「蓮香樓」旁邊鴨巴甸街直上再轉右入九如坊就會見到。

門面以 Baby Blue 為主調，外牆有兩幅好靚嘅壁畫，色彩繽紛奪目，嚟打卡真係一流！店內地方不大，裝潢走簡約清新路線，牆角放有盆栽及乾花作裝飾，帶出自然感覺。

先細看餐牌，飲品共有 9 個系列，包括：優格果昔、優格蓋茶、水果乳酸飲料、超級水果茶、水果冰茶昔、咖啡、純茶、抹茶及鮮切水果。

友人點了紅火龍優格蓋茶 ($38)  而我就揀咗超級水果茶。

蓋茶可以自選茶底，有桂花烏龍同茉莉綠茶兩款可供選擇。

飲品賣相非常鮮艷，面頭的奶蓋係以低脂乳酪打成，入口除了有好濃嘅乳酪味之外，仲有淡淡奶香，同清甜嘅火龍果味道好夾，而且亦無平時嘅奶蓋咁膩口。

至於我點的超級水果茶 ($38)  用料亦非常豐富，茶底同樣可以喺桂花烏龍同茉莉綠茶兩款當中，任擇其一。

杯內有多款新鮮現切時令水果，包括菠蘿、蘋果、香橙、檸檬、火龍果等，足足有 1000 cc，真係超級大杯，入口酸甜醒胃，茶味清香，飲落仲有淡淡水果香氣，加上甜度亦剛剛好，清新怡人。

輕時光餐單提供港式, 台灣菜, 台式飲品, 果汁, 咖啡店等推介美食位於中環區，餐廳座位數未知人均消費約$50以下，結賬可以用現金,八達通，Booking訂位可以電話致電 57227865 查詢。

您對於中環餐廳「輕時光」有何 comment？

輕時光餐廳詳細資料：

• 輕時光地址:
  中環威靈頓街166號地下後座
  Take Your Time, Rear Portion, G/ F,166 Wellington Street, Central
• 輕時光電話: 57227865
• 輕時光價錢: $50以下
• 分類: 港式, 台灣菜, 台式飲品, 果汁, 咖啡店
• 座位: 未知
• 付款: 現金,八達通
• FB專頁: 輕時光 Facebook

更多輕時光相關資料:

• 輕時光分店
• Youtube
• Facebook
• Twitter
• Google