角落火鍋 中環

角落火鍋 評價 相片

今日約咗朋友去食lunch，於是朋友就介紹咗我去呢一間喺中環嘅角落火鍋食飯！本身都冇為意呢間餐廳係食啲咩，就咁入咗去之後，望一望個Menu有少少驚喜！係我好鍾意食嘅中菜🤩🤩我哋今次就叫咗一份菠蘿咕嚕肉，呢個菠蘿咕嚕肉真係好香！酸酸甜甜嘅味道真係非常開胃，而且份量亦都好充足！咕嚕肉外皮炸得金黃鬆脆，入面亦都係好好食嘅豬肉！另外仲叫咗一份豉汁蒸排骨，呢個豉汁嘅香味真係好香！而且呢度嘅排骨亦都好好食！排骨雞肉質好林，而且入口嘅時候豬肉嘅香味同埋豉汁嘅香味好夾！非常之適合用嚟送飯

又去到左我最鍾意嘅happy Friday啦！最期待嘅就係星期五啦，因為可以盡情咁去慶祝放鬆一下！今日就約咗去呢一間喺蘭桂坊附近嘅角落火鍋食飯！冬天最啱就係打邊爐啦，二一間好食嘅打邊爐真係會令人有掛住嘅感覺🤤我哋今次叫咗一份宮廷人蔘雞鍋湯底，呢一個湯底一擺上台嘅時候就已經令大家嘩然，本來以為只係有湯底嘅味道，但係估唔到係原材料擺咗喺度！大大條嘅宮廷人蔘，再加埋原隻雞！可想而知餐廳係幾咁落足功夫去烹調呢個湯底！基本上呢一個湯底，再加埋呢度嘅火鍋配料，真係好正！其他嘅火鍋配料嘅賣相都好吸引，而且全部都係高質嘅食材，所以大家都食到停唔到口🤣個個都非常滿足咁離開，然後仲好期待下一次過嚟再一齊打邊爐！

今日午餐嘅時間食咗一個好高質好有份量嘅lunch！本身今日心情都一般般，於是下晝嘅時候我自己走咗去食飯，行吓行吓比我見到啲一間角落火鍋入面有中式嘅午餐可以食，於是就走咗上去試吓😍😍點知比我搵到好嘢✌🏻呢一度嘅午餐時間做緊一啲特色中菜嘅燉湯套餐，選擇都好多，我自己叫咗一份我好鍾意食嘅辣子雞😎呢度嘅辣子雞真係好好食，分量充足，一個人食絕對一定夠食！而且望住辣子雞嘅晚上就已經覺得好吸引，識入口嘅時候首先係會食得到麻辣嘅香味，跟住落嚟就會食到雞肉嘅滑同埋香味！而且炸得啱啱好，外皮好香口！另外就係呢度嘅燉湯啦，可以係冬天飲到一個咁補身嘅燉湯真係好正，上班一族最缺乏嘅就係湯水，我諗我應該都會好經常過嚟，食啲中菜同埋飲啲足料嘅湯水❤️

喺香港真係可以食到好多唔同國家嘅菜式，我自己有一個好經常食嘅菜式就係打邊爐啦🤣同一班人烚吓烚吓，傾吓計真係好開心！今日亦都約咗一班好朋友去食呢一間喺中環蘭桂坊嘅角落火鍋👏🏻朋友介紹話呢間餐廳好高質，所以我自己今次都滿心期待咁過嚟食飯！今次我哋就叫咗呢一份黃湯花膠魚肚雞鍋，呢一個黃湯真係好吸引，好靚嘅顏色，所以賣相已經滿分！另外入面嘅花膠同埋魚肚好足料，令到成個湯底都好有膠質！就咁飲呢個湯已經好補！另外仲叫咗牛肉拼盤同埋唔同嘅餃子類，我好鍾意呢個牛肉拼盤，因為可以唔同嘅部位都食得到，而且呢度嘅牛肉質素好高！用嚟打邊爐真係好正！咬入口嘅時候肥瘦均勻，所以好林同埋好重嘅牛肉味！整體來講，呢一個火鍋店真係好有質素！可以食到一餐好滿足嘅晚餐❤️

早幾日朋友介紹咗我去呢一間角落火鍋食飯，佢話係佢食過咁多間火鍋店裏面最好食嘅火鍋店之一！而且價錢非常合理，所以就叫我一定要去試吓！於是，今日就帶埋男朋友過去呢間角落火鍋食飯，餐廳位置都非常方便，位於中環蘭桂坊嘅正中心，都好容易就搵得到！今次我哋就叫咗呢個黃湯花膠魚肚雞鍋👏🏻👏🏻另外仲叫咗其他火鍋配料！先講一講呢度嘅賣相，成個賣相都非常吸引，擺盤非常精緻！好啱打卡用！而且食物質素方面亦都好出色！呢個黃湯花膠魚肚雞非常足料！用嚟打邊爐嘅湯底估唔到可以咁好飲👍🏻👍🏻而且其他配料都好好食，整體來講我自己好滿足呢一次嘅打邊爐晚餐！朋友果然冇介紹錯！！

角落火鍋餐單提供港式, 火鍋, 雞煲等推介美食位於中環區，餐廳座位數未知人均消費約$201-400，結賬可以用Visa,AlipayHK,支付寶,現金,AE,銀聯,Apple,Pay,Google,Pay,微信支付,OpenRice,Pay。

您對於中環餐廳「角落火鍋」有何 comment？

角落火鍋餐廳詳細資料：

• 角落火鍋地址:
  中環德己立街23號晉逸蘭桂坊精品酒店1樓
  Corner hotpot, 1/ F, Butterflyon L K F,23 D' Aguilar Street, Lan Kwai Fong, Central
• 角落火鍋電話:  
• 角落火鍋價錢: $201-400
• 分類: 港式, 火鍋, 雞煲
• 座位: 未知
• 付款: Visa,AlipayHK,支付寶,現金,AE,銀聯,Apple,Pay,Google,Pay,微信支付,OpenRice,Pay
• FB專頁: 角落火鍋 Facebook

更多角落火鍋相關資料:

• 角落火鍋分店
• Youtube
• Facebook
• Twitter
• Google