霜瀛 上環

霜瀛 評價 相片

今次食呢間覺得好值得介紹比大家～呢間新開冇耐，所以平日去食可以同師傅慢慢傾慢慢食平時多數食omakase都會見師傅好忙會唔太敢打攪佢太耐🙈講番野食，材料新鮮係一定啦，值得讚係所有野都好有心思👍🏻沙律澳洲溫室生菜，新鮮而且大份前菜上：水雲 左下：秋葵 右下：gulugulu三款前菜都酸酸地好開胃☺️gulugulu 師傅話係日本嘅一種菜，名字好特別～sashimi三款刺身別係真鯛 池魚 平靜魚喜歡池魚彈牙嘅口感💛平靜魚內裏其實仲包左海膽係入面😍比較驚喜嘅係軟煮八爪魚同慢煮鮑魚，煮得入味又保留到彈牙口感😋炙燒帶子配黑松露帶子新鮮又大件，配埋黑松露，正👍🏻.食完sashimi部分師傳比左份醋小菜我地清清口，就咁呢個小菜都有鮑魚係入面😆.壽司方面，全部都好正但比較喜歡嘅有⭐️網燒北寄貝本身我唔太鐘意北寄貝，今次食完對佢改觀左😁⭐️昆布漬喜之次昆布漬左嘅喜之次比起油脂，佢嘅魚味會出番黎👍🏻⭐️熟成14日Otoro比較少鋪頭食到，覺得驚喜呢到竟然有😆蔥吞拿魚蓉三文魚子杯值得一提係三文魚子係師傅佢地由筋子開始自己拆同醃，鮮味而且唔會死咸.鮮蟹肉蒸蛋，真係有好大粒蟹肉係入面.蜆肉麵豉湯，湯底飲得出好正蜆味👍🏻.栗子雪糕做結尾，好特別會成到栗子粒，perfect😄.今次真係食得好開心，我諗除左野食好味，幽默風趣嘅師傅都加分好多🤣而且waiter服務都好好👍🏻

If you don’t know where to look, you might walk past Shimoumi without realising it – or at least walk past the building where it‘s located. Jervois street is one of those small, oneway streets in sheung wan full of hidden gems like the Michelin restaurant Zuicho. There is one random highrise petite hotel named AKVO and it is the building you enter and take the lift up to the 2nd floor.Although the building’s lobby is small, Shimoumi is all understated elegance. In Hong Kong, there are more and more restaurants doing a spin or modern twist on omakase. While Shimoumi sticks to the classics.There are 2 ways to enjoy the omakase:Short ($1380):  1 chef‘s entrées, 15 pieces of sushi, 1 temakiLong ($1680): 1 chef‘s entrées, 8 types of sashimi, 6 pieces of sushi, 1 donburiI also want to mention how fantastic Shimoumi’s sushi is. The quality of the fish is exceptional. It’s hard to choose just 3 favourites, but highlights for me include the fresh Spisula sachalinensis, aging toro in medium fatness, and the Hokkaido ma fun uni (sea urchin).And Shimoumi’s most famous dish – the seaweed wrap with seared scallop , with a sprinkling of salt and truffle sauce – was magic. It was so indulgently fatty, I had to close my eyes for a few seconds and savour it.

食「廚師發辦」（Omakase）向來都喺高消費嘅項目，尤其是要喺有番咁上下水準嘅。

要同級數，但又想平啲，都有辦法嘅，就喺食午餐，當然，一餐「廚師發辦」動輒要兩個小時，喺要慢慢享受至得，所以，趁星期六、日嚟就最好，放慢腳步慢慢細味，渡過一個愉快滿足嘅周末。

最近，就到訪咗上環嘅「霜瀛」，食到餐好嘅「廚師發辦」，價位又比起晚市便宜一大截，可謂一箭「霜」鵰。

餐廳入口，需經酒店電梯先可以到達，角落嘅樓梯只到一樓嘅「淼屋」，雖然，上到二樓，餐廳嘅門面唔顯眼，不過，內裡裝潢卻一派和風，淺木色系為主調，襯以淺灰色皮座椅，加上柔和嘅燈光，感到蠻舒服。

食「廚師發辦」嘅最佳位置當然喺可以直接面對師傅嘅板前席，因為可以睇到師傅切魚生嘅刀功、揑壽司嘅手勢，以及跟佢哋嘅互動，喺學嘢嘅好時機。

全場只有一張U形板前席，僅得10個位，加上疫情關係，寧願做少幾個客嘅生意，唔使等啲隔板影響晒成個場嘅美觀，將客人安排隔開啲嚟坐，一定開唔足，就更加珍貴。

板前席上加設聚焦嘅燈效，影起食物上嚟嘅效果更好。

如果食其他定食，非「廚師發辦」或壽司家食，尤其嚟食晏，靠窗有兩張木枱，亦喺理想座位，因為挨住落地大玻璃，感覺更開揚。

如天氣好，透入燦爛陽光，予人心情就更好。

此外，餐廳內仲有兩個個室，因為有客人，就不便參觀，就更加唔方便影相。

晌呢啲中高檔餐廳，除咗環境，餐具及服務都喺值得留意嘅一環。

一碟、一杯都好古雅，就連筷子托都特別別緻，之後盛載之食物嘅器皿亦都賞心悅目；而服務方面，好熨貼，侍應落單時會先問問有無嘢唔食得，或食物敏感，態度既有禮，又不時添茶及收拾餐具。

師傅上菜嘅速度，亦喺恰到好處，令人用餐感到悠閒唔急促。

仲有，枱前擺放一些小花束，初時真喺以為純粹當裝飾，美觀一下，原來亦會用嚟作擺盤之用，一陣晌部份菜式上，你就會見到佢哋嘅蹤影。

先分享餐廳嘅主餐牌，外觀都好別緻，主要都喺做「廚師發辦」，分別有兩個價錢：$1,680及$1,380，當然，價錢貴啲，內容又豐富啲，其次，就喺單點嘅壽司同刺身。

再介紹喺午市套餐，午市定食共有9款選擇，定價為$238$468，豐儉由人，已包括沙律、蒸蛋、麵豉湯及甜品。

此外，就仲有1款「霜瀛日本A4和牛午餐」，定價為$980，以及1款「霜瀛廚師精選午餐」，亦即是「廚師發辦」，定價為$880，包含嘅菜式非常豐富，對比主餐牌嘅「廚師發辦」，嚟食午市真喺划算好多。

田園沙律睇樣確喺平平無奇，然而，師傅介紹時，沙律菜喺嚟自澳洲，感順會爽滑啲，襯上自家製凱撒汁，灑上少少白芝麻，的確啲沙律菜好鮮爽，個汁又唔會得個酸字，熱吓身，等客人打開胃納。

根據餐牌，食完沙律就喺上刺身，加上又真喺見住師傅切緊幾款魚生，點知，侍應從廚房捧出一份賣相別緻嘅「前菜三點」，食「廚師發辦」就喺有呢啲驚喜，失驚無神多樣特色菜。

每逢上菜，師傅都會介紹一下，包括食材及其亮點，有時有啲特別嘅煮法都會分享。

水雲墨綠色嘅水雲，其實喺啲藻類，滑滑溜溜咁，好有營養價值，配咗啲酸醋汁，食起嚟酸爽醒胃。

 秋葵漬師傅話啲秋葵喺自家醃，平時食秋葵，有啲黏黏潺潺感，今次醃漬咗，口感比較爽，無咗嗰種滑潺感。

 溫室蕃茄比預期稍為有啲酸，但蕃茄味好濃郁，感覺酸爽鮮活，加上溫室嘅，自然更加健康啲。

 師傅醒碟醋物俾我，用作間場，用嚟清一清味蕾，醋物喺啲鱆魚粒、青瓜片。

 此外，仲有啲自家製嘅子薑，同樣喺食刺身或壽司時間場之用，啲子薑食落幾爽脆。

 卒之到刺身登場啦，師傅為咗賣相靚，每次都以3款刺身嚟上碟，比起一件件上自然靚好多，先喺3款白身魚：鮫鰈魚、深海池魚、間八。

鮫蝶魚薄切之前都食過一次，但就真喺少接觸，薄切盡顯師傅刀工，每一片厚薄均一，並且薄至透光，灑咗少少柚子青提味，師傅就建議沾丁點醋。

魚味比較清，質感就有少爽爽哋，另加一小件火炙裙邊，有份香口爽滑感。

 深海池魚好多時食「廚師發辦」都有呢一款魚嘅蹤影，可以講喺常客，肉身晶瑩帶點淡粉色，師傅特登晌刺身上鎅幾刀，増加美感。

襯上少少紫蘇，顯得格外幽香，而食落肉質嫩得嚟帶爽口，魚鮮味頗突出。

 間八印象中，呢款魚應該喺第一次食嘢，感覺較陌生。

然而，師傅整得好靚，加咗少少黑魚籽，以及金箔，立時變得好矜貴，而底下燒一燒過嚟，故食起嚟帶點油潤，但魚肉依然好鮮味。

 再上另外3款非魚類嘅刺身，整體賣相同樣吸晴，而且，絕對喺用料無欺場，包括南非鮑魚、赤貝、果蝦，晌做法上更加咗好多技巧，真喺睇見都開心啦。

 南非鮑魚先經過慢煮，所以，鮑魚非常軟腍，唔會韌到好似擦紙膠，而且，好有鮑魚嗰份甜味，口感柔韌；鮑魚下面仲有啲壽司飯，更加入少少鮑粒，可以講喺口感豐富。

 赤貝望上去好有光澤，唔喺單單切成刺身就算，加多幾刀鎅晒花咁，仲唧咗啲檸檬汁落去。

故此，乜都唔使沾就可以放入口，貝肉十分爽彈，卻又帶點韌勁，喺跟食魚刺身嘅另一種體驗。

 果蝦希望我無聽錯或寫錯，初時以為喺牡丹蝦，原來喺一種叫果蝦嘅種類，不過，口感有啲似牡丹蝦，肉質帶黏，伴以自家製蝦膏醬，喺以鮮蝦膏抽出嚟唔加任何嘢去煮，所以，鹹鮮味好強。

 赤身、中拖羅串餐牌就寫明喺刺身6貫，以為完咗刺身部份，睇住師傅整呢串刺身串，以為喺整俾隔離枱，原來喺俾小弟，又多一份驚喜。

赤身配上芥末，中拖羅配上海瞻，可謂雙重口感，雙種滋味，真喺賣相與味道兼備。

 北海道帆立貝正所謂好事成雙，（驚）喜事連連，師傅見我識欣賞佢啲壽司啩，醒多一件火炙帆立貝俾我，新鮮嘅北海道帆立貝，輕輕燒一燒，以紫菜包住食。

帆立貝鮮甜無比，又厚肉，更驚喜喺搽咗一陣黑松露油，有微微黑松露香，卻又唔會太搶其鮮味，有趣。

 鱈魚片真喺一不離二，二不離三，師傅話準備下一段壽司時間，就先送碟鱈魚片，俾我過過口癮。

每片做成半塊麥芽餅乾大細，既薄且脆，沾少少沙律醬，感覺更香口，多謝師傅嘅心意。

 睇住師傅捏壽司飯嘅手勢、功架，柔中帶剛，已喺一件賞心樂事。

壽司部份就真喺跟番餐牌俾足6貫，雖無同場加映，但選材、細節位一樣有驚喜。

不過，未食壽司前，師傅專登整咗粒飯俾我試，等我嗒出飯粒嘅真味同其搓飯嘅感覺，用上日本米就唔使講啦，夾起嚟唔會散晒，入口極之鬆軟。

順帶一提，在枱前新放上一塊墨綠嘅雲石碟，非常雅致。

提多樣細節位，師傅由魚生從雪櫃拎出嚟，到切好，都攤過一陣備用，更不時以手背去量吓啲魚生嘅溫度，會唔會仲喺好冰凍、適合俾客人食未。

銀鱈魚壽司首先登場喺銀鱈魚壽司，銀鱈魚經過微燒，等魚肉滲出丁點魚油，卻唔過火，跟食煎過嘅銀鱈魚好唔同，魚肉非常嫩滑細緻，只帶微微油潤，感覺一樣好好。

 北寄貝壽司近年都算食多咗以新鮮北寄貝所做嘅壽司，跟平常迴轉壽司食嗰啲紅紅哋嘅平價貨色好唔同，淨喺明亮光澤嘅外觀已彈出咗。

處理上，燒燒個底先做，師傅解釋咁做會令北寄貝更出到佢陣甜味，再加點檸汁，好清新，貝肉有種爽脆感。

 喜知次壽司帶點紅紅嘅喜知次，火炙過，並塗上少少醬油提味，所以，變得額外富油香，肉嫩而帶點膠質，魚味頗濃；而驚喜位喺中間放咗一啲萬能蔥，味道清香，可平衡一下魚油嘅油脂。

產自九州嘅萬能蔥，「萬能」喺個名字而已，萬唔萬能，睇你點利用啦，哈哈！大拖羅壽司刺身部份就試咗赤身、中拖羅，估唔到嚟到壽司部份可以試埋大拖羅，一睇樣你就知啲油脂幾豐富，而且，分布平均，所以，入口真喺好有油香，誇張少少講有種入口即化嘅感覺。

師傅仲磨咗少少宮城櫻花鹽，不過，可能睇相就睇唔出嚟，更能吊出魚鮮味，比醬油感覺會有啲唔同，又喺另一種體驗。

右口魚邊壽司本身喺晶瑩剔透嘅白身魚，但火炙過後，一身古銅色，加上在魚身上鎅晒花，顯得非常亮眼。

入口陣陣油香，真喺一件比一件濃味，而肉質帶點煙韌，比無燒過嘅右口魚喺截然不同嘅感覺，細節位喺師傅加咗少少柚子青，晌油潤嘅味道中，滲出一點點清新。

馬糞海膽壽司不經不覺，嚟到最後一款壽司，平常海膽都會做成軍艦，但今次師傅搞搞新意，紫菜就放晌中間，佢話咁就唔會擺太多紫菜，而影響咗海膽嘅味道。

馬糞海膽即喺馬糞海膽，只要處理得好，鮮甜味就非常突出，而且，口感甘香豐腴，綿密細膩，仲有種甘甜嘅餘韻。

迷你丼之前食過好幾次「廚師發辦」，去到呢個位，都喺以吞拿魚刴成蓉做手卷，但今次晌「霜瀛」，就做成一份幾小口嘅迷你丼，有吞拿魚蓉、萬能蔥、三文魚籽作為組合，而啲三文魚籽好特別，以醬油、味琳漬過，甜甜哋咁，總之，就算迷你丼都做得好有心思。

霜瀛日式蒸蛋無論定食，抑或「廚師發辦」，茶碗蒸 都喺「常客」，印象中，都好似未遇過啲難食嘅茶碗蒸。

今次所品嚐嘅茶碗蒸都好有水準，蒸蛋本身非常滑溜就唔在講，而且，甚具蛋香，裡面更混有不少元貝絲、冬菇、魚肉，真心好食。

麵豉湯餐牌就咁寫住麵豉湯，加上又喺午餐，初時，都諗住喺普通嘅麵豉湯，飲落你就知好唔同。

原來，加入大蜆去煮個湯底，再加上木魚碎，成為一道海蜆麵豉湯，故此，個湯好鮮甜，既有麵豉嘅香味，又有陣陣海水嘅鹹鮮味，讚呀！甜品都預咗喺雪糕嚟，不過，口味都有驚喜，有少有嘅栗子口味，亦有第一次聽到嘅益力多口味，仲有一款，不過，就唔記得。

小弟揀咗栗子口味，味道非常清甜，而且，富奶香，最有心思喺雪糕中仲有啲栗子粒粒，非常好食。

好奇問師傅喺咩品牌，佢只透露喺日本貨直送。

全程唔止Yoshi師傅招呼周到、俾咗好多驚喜，兩位侍應亦都招呼得十分熨貼，如收碗、換碟、添茶都喺恰到好處。

今餐飯，唔止食到好嘢，仲試咗多款首嚐嘅食材，又再長知識喇。

每一次「廚師發辦」嘅體驗，都喺一次學習嘅機會。

美好的生活離不開吃喝活樂🥰難得放假，絕對要好好食餐omakase 犒勞自己❤️呢間餐廳啱啱新開一個月，環境餐具都好新淨！🎏Omakase菜品是主廚根據當季食材來決定當天的菜品，保證客人享用當期最新鮮食材；師傅亦會係上菜前好貼心地，詢問你有咩唔食，而且他們家的用料級捨得，給的料都好足～.師傅會仔細講解上一道菜，享受慢悠整個，享受美食的同時還能聊天💕.簡單分享幾個最印象深刻嘅菜式❤️🍲蟹肉茶碗蒸第一口就很驚喜，味道鮮美。

滑蛋上面滿滿嘅蟹肉，裡面亦有有新鮮魚肉和蟹肉。

🍣今日有7貫壽司：入口的溫感和赤醋的酸度度剛剛好；魚肉優質的油脂入口即化，厚厚的肉質柔軟細膩，由白魚至紅魚，油脂越嚟越豐富，簡直無敵～有深海池魚、銀鱈魚、赤蝦、毛蟹肉😍😍🍱 吞拿魚蓉分量一點都不少，魚子令人驚喜！😍😍加上配菜和適量芝麻，更加香口，魚蓉味道濃郁，口感香滑，魚子入口超級鮮甜正！.最近去唔到日本，咁就喺呢一度找回在日本既感覺🍣🥰

最近得知上環開咗間日式餐廳，有omakase 㕑師發辦，今日lunch hour就去嘆下。

前菜有凱撒沙律，同埋茶碗蒸。

茶碗蒸入面有蟹柳，配合埋我里美豆腐花咁滑既雞蛋，熱騰騰，食落好舒服。

跟住試餐廳自家醃製嘅秋葵、豆皮同埋鴨胸。

煙鴨胸有適度油脂，唔會太過油膩，齒頰留香。

同廚師傾開先知，佢地鴨胸可以咁好食原來因為佢哋嘅煙鴨胸既醃制，到醬汁既制作都係佢地一手包辦，真係無得輸。

之後試既係劍魚、赤背&太刀魚。

赤背本身爽甜，廚師加左岩鹽同橄欖油，帶黎更加豐富既味蕾享受。

火炙太刀魚，肉質嫩滑肥美。

慢煮鮑魚煮得好淋，可以食到鮑魚既原汁原味。

厚切赤身同拖羅相當肥美新鮮，入口即溶😋廚師火炙帶子，加上黑松露，配合埋紫菜，鮮甜之餘帶有松露香味，回味無窮，大滿足👍🏻廚師為左令客人可以更好咁享受之後既食物，特意加左道青檸啫喱。

接住就係壽司，分別係真鯛、北寄貝、鯖魚、中拖羅、海膽、右口魚。

用真鯛壽司作為下半部既開端，嫩滑又夠清。

北寄貝有小許醬油提鮮，食落彈牙。

鯖魚既魚油豐富，肥美鮮味。

中拖羅不過不失海膽係北海道出產，好creamy而且超鮮甜右口魚綑邊經過火炙，油香充斥口腔，將壽司帶上更高層次。

拖羅丼，廚師切碎細滑無筋既拖羅，啖啖肉，令人陶醉。

配埋筋子，口感更豐富。

自家製既玉子，餐廳用高濃度既蛋漿整成，口感非常綿滑👍🏻麵豉湯用咗蜆來做湯底，飲落有多層鮮味。

海鹽雪糕作為最後甜品，為呢一餐畫上完美句號。

埋單$880再加一霜瀛食材新鮮，經理同廚師服務周到，食物味道上乘，值得一試再試

霜瀛餐單提供日本菜,壽司/刺身,廚師發辦,酒店餐廳,居酒屋等推介美食位於上環區，餐廳座位數未知人均消費約$801以上，結賬可以用Visa,Master,AlipayHK,支付寶,現金,八達通,AE,銀聯,微信支付，Booking訂位可以電話致電31888007查詢。

您對於上環餐廳「霜瀛」有何comment？

霜瀛餐廳詳細資料：

• 霜瀛地址:
  上環蘇杭街57號香港嘉賦酒店2樓
  Shimoumi Sushi, 2/ F, Akvo Hotel,57 Jervois Street, Sheung Wan
• 霜瀛電話: 31888007
• 霜瀛價錢: $801以上
• 分類: 日本菜,壽司,刺身,廚師發辦,酒店餐廳,居酒屋,
• 座位: 未知
• 付款: Visa,Master,AlipayHK,支付寶,現金,八達通,AE,銀聯,微信支付
• FB專頁: 霜瀛 Facebook

更多霜瀛相關資料:

• 霜瀛分店
• Youtube
• Facebook
• Twitter
• Google

香港餐廳2023推介04月