漢和韓國料理 上水

漢和韓國料理 評價 相片

自助餐真抵食，無限時，又唔貴，唔同時段又有唔同優惠，款式類型又多，中西日韓既食物都有，剩係每款食一件都跑到行唔識行😂😂😂😂😂而且食物味道唔錯，豬🐷🐂🐑🐟🥬🦐🍄🐠🍉🍈🌽🥗🍲🍜🍝🍣🍛🍱🥟🦪🧇🍖🥐🍨🍦🍧🍮⋯⋯等等，款式多到👍👍鐘意食嘢的我，日日週圍食，最緊要係食極唔肥，所以食完呢餐之後，又要搵一日博命做返運動，如果唔係就大鑊⋯⋯😂😂😂😂😂😂仲有要唔限時，死未⋯⋯款式又多，食物唔差，味道更加是大眾化口味，仲要唔貴，死未，想唔肥都幾難😂😂😂😂😂😂我就最鍾意食呢到既羊肉，味道適中，而且肉質又鮮嫩，🐔翼有辣有唔辣，燒豬腩肉，爽脆好味，又有碗仔翅，人參🐔湯，又有我最鍾意食既薑醋，夠火候夠腍又好味道，甜品又有多款，熱辣辣豆腐花，飽都要裝半碗食，紅豆味雪糕又係好好味⋯⋯食物數之不盡，味道又惹味到停唔到口，我每款食一件都飽到唔識行😅😅😅😅😅

上水真係冇咩選擇，如果想食韓燒一定係呢間。

今次3個人，食左$670（連加一），每人都係$200多少少，其實好ok，因為佢係咁食既，唔單止燒肉，仲有其他熟食，生果，甜品同飲品。

燒肉冇咁快食得又餓既話可以食下刺食壽司先，一黎就拎左碟三文魚刺身。

因為呢個價錢任食，我覺得有咁多款肉（包括豬牛雞魚等，仲有蔬菜同菇類）俾你揀黎燒真係唔錯，同埋d肉都唔算差。

燒到個爐板好污糟，又可以叫佢換。

雖然主打係燒肉，但熟食既選擇都唔少。

炒菜、煎三文魚、秋刀魚、韓式粉絲、炒飯，韓式煎餅、碗仔翅等。

而且又有幾款湯，人蔘雞湯、辣海鮮湯同中式湯水。

仲有沙律區，新鮮蔬菜又有，韓式醃菜都好幾款，淨係咁每樣試晒都飽。

最後食甜品，都有好多款。

有朱古力噴泉、雪糕杯、泰式椰汁糕、杞子糕、奶凍豆腐花等。

最鐘意就係‘畢’豆腐花，好似人地出面咁自己一片片咁‘畢’落碗度，正！所以整體黎講唔錯架，始終上水唯一一間韓燒，唔貴，又多款。

好耐都冇試過食漢和，價錢合理，食物種類多， 甜品都不錯， 響牛肉方面有西冷肉眼， 有豬肉羊肉 雞肉雞翼 腸仔蟹柳 牛柏葉 等等 都好好食， 此外都有碗仔翅人生雞湯最啱女士補一補， 甜品上有曲奇牛乳， 以及各種各類的生果， 我非常滿意上水漢和。

希望下次去我建議有羊架、有些少丸子等， 最希望有和牛燒啦

今次黎到上水揾食，實在太耐冇食過韓國菜，咁就揀間韓國菜試下。

呢間有韓燒同普通set lunch，咁我就揀左set lunch。

我點左個鍋燒牛肉飯餐，有小食，湯配。

飯既味道不錯，仲有飯焦👍🏻不過牛肉略嫌燒得太過，有d老。

另外加左過涼粉，不過麻麻地，冇咩特別

難得去到上水，見上水某個商場好多人，餐廳要等好耐，所以就去左另一個商場搵野食啦。

好耐冇食韓國野，好彩呢間食燒肉嘅都有午市套餐可以嗌。

我嗌左個鍋燒雞肉飯，加$6要左個豆腐花。

鍋燒雞肉飯雞肉超級多，多到我食唔曬，飯都好多，份量好足，而佢只係$50。

而個味道都唔錯，雞肉唔算好滑，但又唔會好鞋，我覺得啱啱好。

前菜係泡菜同芽菜泡菜唔算好辣，係我食到嘅辣味，食完一塊又一塊。

芽菜就唔辣嘅，略嫌冇乜味，較泡菜失色。

唔知咩湯，似係菜乾豬肉湯，但我覺得個湯冇乜味，唔係好飲得出豬肉味，唔係特別好飲。

豆腐花就冇乜特別，都係一般嘅豆腐花。

整體黎講，以咁平嘅價錢黎講係抵食嘅。

漢和韓國料理餐單提供韓國菜, 自助餐, 韓燒等推介美食位於上水區，餐廳座位數未知人均消費約$101-200，結賬可以用Visa,Master,支付寶,現金,銀聯，Booking訂位可以電話致電 34254189 查詢。

您對於上水餐廳「漢和韓國料理」有何 comment？

漢和韓國料理餐廳詳細資料：

• 漢和韓國料理地址:
  上水彩園路8號彩園廣場4樓R402號舖
  Hon Wo Korean Restaurant, Shop402,4/ F, Choi Yuen Plaza,8 Choi Yuen Road, Sheung Shui
• 漢和韓國料理電話: 34254189
• 漢和韓國料理價錢: $101-200
• 分類: 韓國菜, 自助餐, 韓燒
• 座位: 未知
• 付款: Visa,Master,支付寶,現金,銀聯
• FB專頁: 漢和韓國料理 Facebook

更多漢和韓國料理相關資料:

• 漢和韓國料理分店
• Youtube
• Facebook
• Twitter
• Google