藝餐 葵芳

藝餐 評價 相片

成日行葵涌廣場，但都唔知有呢間韓國舖頭。

喺一樓嘅巷仔度，係朋友帶去先知。

午飯時間黎到都幾多人，堂食坐滿，而且都好多人等外賣。

好彩我地等左一陣就有位啦！炸蝦紫菜包飯$45炸蝦新鮮，大大件，而且仲有好多配料！牛肉拉麵$50湯底濃郁，拉麵都好彈牙！雞肉蓋飯$50個樣睇落有少少hea, 味道都係一般般。

【葵廣堂食正宗韓國料理🌼】/////去葵廣多數都係掃街食小丸子 手抓餅 買衫褲好happy(´▽｀)近排男朋友話想坐低食韓國菜 我上Openrice搵搵下就發掘左一間由韓國人開業多年嘅韓國餐廳😙小店食物有韓國都有住家菜嘅味道👨‍👩‍👧‍👦人手得一兩個 都好有禮貌咁去handle每一枱客人😳.👉🏻韓式炸餃子🥟($58)外皮脆卟卟有驚喜～🥰餡料有粒粒粉絲 同埋好香嘅菜肉配埋佢個辣醬 酸酸甜甜幾開胃.👉🏻冷麵 ($78)將冷麵剪開先上枱 夾上嚟嗰陣方便好多😛配料有兩三塊牛展 加幾片梨同埋青瓜不過牛展份量比較小 湯嘅温度都唔夠凍🤧.👉🏻雞蛋卷🥚 ($78)好有住家飯嘅味道😂應該係因為加咗葱！蛋味都幾濃 芝士拉絲融埋落蛋卷到好正🤪.👉🏻泡菜鍋 ($78)味道普普通通 有一片片泡菜同埋少量肉粒————📍藝餐 (葵芳) 葵芳葵富路7號葵涌廣場1樓B21號舖

我平時食韓國餐廳都係去集團式經營 難得見到呢間小店開係比較偏僻嘅位置 都見到全場滿座 的確 食物質素都好有驚喜！ 🧡鐵板辣烤豬肉配飯一上菜就聞到好香既鐵板燒味 豬肉同蔬菜都用辣醬炒得好入味 個汁亦都非常好味 而且豬肉嘅份量都好足 唔會得大量蔬菜 表現仲加咗少少芝士 用黎配飯一流！ 💜芝士鐵板炒年糕有大量燒過嘅芝士舖滿成個表面 仲食到少少火炙嘅味道 啲芝士容易就做到拉絲的效果 而且食落唔會好似啲橡膠芝士冇味 年糕係比較偏淋嘅質地 成個菜式都好出色！ 💛牛排骨湯飯食左咁多重口味又辣嘅嘢 最啱就係飲呢個湯 中和一下個胃 清清地既牛味 仲有好多蘿蔔 但牛排骨份量就唔多 裏面都有啲粉絲 再加埋飯係超級飽肚 🤎少少可以改善嘅地方 就係人手不足 當日去到嘅時候得一位樓面負責曬所有事 完全應付唔到全場爆滿嘅時段 不過都辛苦晒佢 💜總結：8/10

次次經過葵涌廣場都會買呢間韓國餐廳既韓式壽司，呢款有蝦既成日都賣晒，今日終於俾我買到，壽司唔會包得太大舊，一啖過可以放晒入口，而且好足料，飯同餡既比例岩岩好，好香麻油味但又唔會太油膩，次次都食唔停口

甚少寫食評，真係好嬲好嬲先至會寫。

呢間係謀人寺，千祈唔好嚟。

價錢收得貴都算啦 ，服務態度差亦都有得佢。

坐低叫完嘢十五分鐘都冇得食 。

收你72蚊一個牛骨湯入面得兩塊牛肉。

冇影相因為我馬上出聲叫佢即刻換畀我。

然後又繼續等。

跟住同你講叫你埋單先如果唔係就要收加一服務費。

未見過咁變態嘅餐廳。

附圖係之後再黎都係咁，完全無食過就係得咁多。

嬲到癲

藝餐餐單提供韓國菜, 韓式炸雞等推介美食位於葵芳區，餐廳座位數56人均消費約$51-100，結賬可以用AlipayHK,支付寶,現金,八達通，Booking訂位可以電話致電 35919002 查詢。

您對於葵芳餐廳「藝餐」有何 comment？

藝餐餐廳詳細資料：

• 藝餐地址:
  葵芳葵富路7號葵涌廣場1樓B21號舖
  Yeh Chan Korean Retaurant, Shop B21,1/ F, Kwai Chung Plaza,7 Kwai Foo Road, Kwai Fong
• 藝餐電話: 35919002
• 藝餐價錢: $51-100
• 分類: 韓國菜, 韓式炸雞
• 座位: 56
• 付款: AlipayHK,支付寶,現金,八達通
• FB專頁: 藝餐 Facebook

更多藝餐相關資料:

• 藝餐分店
• Youtube
• Facebook
• Twitter
• Google