廚舍 荃灣

廚舍 評價 相片

星期六已booking，星期日19:00到發現餐廳內客人並不多，門口佈置不是太突出，但勝在地方大及坐位寬敞舒適。

假如室外位置燈光可以加些小燈及檯面放小洋蠋應該會突出到廚舍的特色。

負責人Mr.Stone態度一流，笑容100分！好客度120分；因為他請了我們飲了兩杯很好味的白酒。

House Red Wine $260/支，$48/杯；果味濃郁，易入口，不好喝酒的人都可以一試。

油酥餅配咖哩汁 $48，咖啡屋味道濃亦不覺太辣；牛油香味亦恰到好處。

羊鞍 $108，羊味重，七成熟剛剛好，羊肉夠嫩且沒有太大羊酥味。

碳燒大蝦 $68，新鮮得不得之了，好味！鹽燒魚 $88，好味到連魚皮都吃光了。

墨西哥粟米片配酸忌廉牛油果汁 $68，又是一個配合得天衣無縫的配搭。

**最可惜就是試不到燒螺及花甲，因為Mr.Stone說早於午市已給客人吃光！**如你們真的想吃齊一切好的，訂位前可以訂定想吃的。

**總括來說很滿意！

家住青龍頭, 耐唔耐都會出深井搵野食, 行過見呢間新開, 就試下啦.新開就冇咩客, 裝俢就普普通通啦, menu上唔算太多選擇, 老闆話岩岩試業, 所以冇dinner set.老闆就推介左個menu上冇既牛尾+豬仔包 (濃, 加上豬仔包一齊食, 正.........)我地叫左個芝士薯蓉, 有好多薯仔粒, 冇諗過咁大碟, 勁好味, 正................. 其實仲有一個意粉(唔記得叫咩), 但唔記得影相, 比起牛尾同薯蓉就冇咁突出.最後兩個係飽到好緊要咁走......不過真係好味道, 會再去試其他野食, 希望到時都有驚喜啦

非常意外的驚喜!當正在苦惱今晚食乜既時候, 0係open rice無意中發現"廚舍",開頭都係抱住試既心態,點知出奇地好!雖然地點唔屬於市區,不過有心食好野遠d都怕!地點係深井,0係發記甜品右邊隔幾間舖,日本城斜對面. 地方不大,但環境舒適,唔會感覺焗促, 好causal既餐廳feel,唔似一般既餐廳,一係好嘈,一係好靜.好肚餓既我地係咁叫係咁叫,最後點左一客湯,五個菜,一客甜品,埋單都係四百蚊有找,老闆仲加送我地德國腸. 嘴尖尖既我們食到滿載而歸, 廚師既水準認真一流!!首先介紹第一道係湯"薯蓉菠菜湯"配自家制餐包. 個湯好結,好有味道, 又唔會太稀. 個餐包用燕麥制成,唔會膩.第二道係"牛油蒜蓉扒鮮露荀", 我最愛!! 牛油同蒜蓉好夾,又唔會太鹹,露荀好嫩冇渣.$48一大碟,街市買都要呀!第三道"薯角配酸忌廉",四,五個薯仔既份量,再有芝士蓋面一齊焗, 少少辣椒粉,好大碟,好惹味!!薯仔愛好者一定要食!!第四道"菠菜焗生蠔",生蠔好新鲜,配埋菠菜一齊食,唔會漏.三大隻都係幾十蚊,正!主菜:第五道"炭燒牛仔骨",肉同骨各佔一半,唔會太多肥肉. 用酒醃味,唔會太重酒味, 仍保存住牛味, 值得一讚第六道"燒豬手配甜芥辣",豬手肉質好嫩,唔會太老同太鹹. 個皮好脆,唔會硬, 好過d德國餐廳tim呀! 價錢又唔貴, 一大份都唔駛一百蚊!旁邊有黑醋沙律配自家制蜜糖芥辣醬仲正,唔會太過漏,岩岩好!蜜糖芥辣醬都要一提,唔太甜,芥辣又唔會太搶,無得頂!窩心的老闆見我地咁食得,仲特意加送"德國香腸"兩款都值幾十蚊啦!人情味無價!!最後,係甜品"芝士蛋糕配新鮮士多啤梨汁", 蛋糕唔會甜,士多啤梨汁好新鮮,無懈可擊呀!仲有最重要係零味精,抵讚!!!!! 樓面同侍應都好好人,又nice,唔會好hard sell.我地已經諗定下一次食乜喇,必試"炭燒澳洲羊鞍",見到人地食三大塊,激厚身!抵!"白酒煮花甲" 同 "鮮大蝦蟹肉濃湯",諗起都想食呀!

本人從來都未試過寫食評，不過今次膽粗粗實在覺得應該為此新店來個第一次。

有朋友話深井剛開了一間新餐廳，嘅然近兩個開始咗每月一次的飯局，主要都係為食好嘢，咁就決定走訪一次，於是一行七人由九龍搭車一嚐新菜，果然大有驚喜！雖然餐廳室內的座位不多，但好有家的感覺，如果喜歡輕鬆啲可以座餐廳外面的位置，這裡座位比室內多。

好！入正題，今次我哋一行七人叫咗好多道菜，先嚟一個鵝肝醬粟米片(唔知有冇記錯個名)、蒜蓉朱仔飽(係廚師推介)、燒粟米(超甜)、雞(唔記得叫咩名)、德國腸配咖哩汁，都係好美味、 重漏咗個鴨干車厘茄凍湯(因為太靚，忘形下只顧食唔記得咗影相真係可惜)個湯都係另一個必試推介。

一次過品嚐咗14款美食，真係好滿足，好開心！大廚有空閒時亦有出來同客人打打交道，閒談中原來大廚就係此店的老闆，個然係信心嘅保証，等我下次同家人再來回味、回味！

前兩日同班friend入深井食反，諗住去食日本野，點知一入到去，嘩，唔係掛！執左！有無咁黑呀？成個門囗唔同曬，一問之下，原來轉左西餐，成班商量完後，決定入去試一試。

睇完餐牌，我地叫左鹽燒側魚x1，燒花甲x1，燒花螺x2，白酒煮花甲x1，芝士焗茨溶x1，燒美國肉眼扒x1，bbq燒排骨x1，墨西哥玉米片跟鵝肝醬x1，蚧肉湯配生蝦x6，煎鵝肝蕃茄凍湯x2，燒豬手x1，燒粟米x2同埋兩個蒜溶豬仔包，首先講下燒魚，啲肉好滑，可能因為連埋啲皮同磷一齊燒，加埋個辣辣地嘅汁，連我唔鍾意食魚嘅都覺得好食。

跟住燒花甲燒花螺，好香，好惹味，白酒煮花甲，好有酒味，好大隻花甲，芝士焗茨溶食得出係新鮮茨仔整，味道唔錯.…美國肉眼扒，四成熟，好好味，好林~~跟住就係全晚我最鍾意嘅嘢，就係湯喇，一凍一熱，凍既蕃茄湯加埋煎左嘅鵝肝，一啲都唔濟，好清新，蚧肉湯個飲法好得意，廚師要我地先飲一半然後食左啲蝦，再飲埋另外一半，真係有兩種味道，好正…好飽，仲有幾樣野我真係飽到食唔落，再食肯定會……出事，所以只好放棄，但係班friend話都好好食，下次我一定會再黎食過…P.S 如果有埋甜品會更好~~hehe

廚舍餐單提供西式, 海鮮, 燒烤, 西餐廳, 大牌檔等推介美食位於荃灣區，餐廳座位數60人均消費約$51-100，結賬可以用現金。

您對於荃灣餐廳「廚舍」有何 comment？

廚舍餐廳詳細資料：

• 廚舍地址:
  荃灣深井村87號地下
  Real Taste, G/ F,87 Sham Tseng Village, Tsuen Wan
• 廚舍電話:  
• 廚舍價錢: $51-100
• 分類: 西式, 海鮮, 燒烤, 西餐廳, 大牌檔
• 座位: 60
• 付款: 現金
• FB專頁: 廚舍 Facebook

更多廚舍相關資料:

• 廚舍分店
• Youtube
• Facebook
• Twitter
• Google