地道館麵軒 荃灣

地道館麵軒 評價 相片

平時經過路德圍都唔多覺呢間餐廳，今晚係附近搵食見呢間餐廳入面都幾多人，於是入去試試呢度主打車仔麵，但眼見大部份人都無叫車仔麵😂我地點左滑蛋豬扒撈烏冬同惹味雞柳腸仔飯滑蛋豬扒撈烏冬 $52烏冬上面有一隻滑蛋，撈埋烏冬一齊食，令到烏冬更加滑，可以覆蓋到平價烏冬果種酸味👍🏻豬扒都煮得尚可，但份量就唔係好足夠，食完才都唔飽🤣惹味雞柳腸仔飯 $54個名望落有啲似頹飯😂飯汁唔係好夠，不過雞柳又真係幾惹味，食唔到冰鮮雞柳果種雪藏味

第1️⃣次打新手食評，要寫80字，歡迎哂分幾鐘睇我呢段碟三餸撈車仔粗麵如圖，用左特別既「碟」放麵，間野新新地，5知個碟點洗個d空隙呢？為左影得靚d叫左同色系既餸，講笑～夠字啦，91字多謝閱讀95答8。

汁夠濃餸夠味麵夠彈，價錢40幾（不過魷魚凍的，特色？）其實真係5識寫食評，繼續向各方高手吸下經先🙏🏻原來要打夠200字先可以用果個評分表，都規矩多多bo🤪不過咁就證明係用心評論家打出梨啦.......（夠字啦！）🤣好彩標點都計

一開始係見到門口啲相被吸引左入去 見到炭燒豬頸肉 九菜豬紅 日式炒麵 啲相影得好好睇 即管試下入到去見到"米通白汁海鮮"問一問老闆 原來係用米做嘅通粉 就來一碗試下 第一時間梗係試湯先味道濃厚有層次 夾雜住啲肉碎 方柱形小魚肉條 米通口感夠特別 爽滑煙韌 識食一定連湯食 推介豬紅蘿蔔白最特別係個醬汁一食落口已經覺得有細個時候嘅感覺街邊推住架木頭車小販個隻 下次要試埋個佢碟魷魚再點埋個炭燒豬頸肉 外面燒得好脆醬汁有啲咸 所以唔洗多肉汁依然保持住一啲都唔干。

其實今次已經是第二次去。

上次食午餐。

因趕時間，只叫了三餸車仔麵，味道好ok, 但因太趕，冇影到相。

所以今次晚餐有時間影相及寫下食評。

三餸車仔麵，粗麵底，蘿蔔爽甜，貢丸彈牙，鹵水雞翼好嫰滑，又入味。

重點係可以兩溝醬汁，腩汁加沙嗲汁。

小小辣得黎又有腩汁甜鮮，咁先至係車仔麵。

正今次特別叫了個滑蛋豬扒撈烏冬。

滑蛋叫了改熟蛋方便share。

。

豬扒碎上。

香滑又有肉味。

醬香烏冬。

幼身卻冇平烏冬嘅酸味。

好味腩汁生菜，菜份量不少，配合腩汁。

香而不油膩。

正兩個餐可配餐飲。

。

我叫了熱檸茶。

正正常常。

ok如果在千色店旁那家超貴嘅米豬蓮店。

你甘心去排隊。

咁我希望你可行多幾步。

去試下呢間用心的小店

🐽三餸車仔麵 叫左雞翼尖、豬大腸同豆卜加秘製辣汁，要油麵，雞翼尖滷水味好入味，豬腸都好有口感，唔會韌都唔會太淋，豆卜就可以再煮淋少少，個辣汁真係幾辣，一路食一路出汗🤣鍾意食辣會覺得幾正 ••••••••••••••••••••••••••••••🐽韮菜豬紅 個汁偏甜，但豬紅都好入味，質感都結實，豬紅係必食👍🏻 ••••••••••••••••••••••••••••••🐽地道豬手有四舊，舊舊都好大舊，煮得幾入味🤤唔係話好淋個啲，係比較有口感既，會食到啲膠質 ••••••••••••••••••••••••••••••🐽豬扒煎蛋飯 汁係甜甜地，豬扒都唔會韌，但份量就比較少🤔

地道館麵軒餐單提供港式, 車仔麵等推介美食位於荃灣區，餐廳座位數未知人均消費約$50以下，結賬可以用現金，Booking訂位可以電話致電 26131164 查詢。

您對於荃灣餐廳「地道館麵軒」有何 comment？

地道館麵軒餐廳詳細資料：

• 地道館麵軒地址:
  荃灣路德圍6號地下A1號舖
  Yummy Noodles, Shop A1, G/ F,6 Lo Tak Court, Tsuen Wan
• 地道館麵軒電話: 26131164
• 地道館麵軒價錢: $50以下
• 分類: 港式, 車仔麵
• 座位: 未知
• 付款: 現金
• FB專頁: 地道館麵軒 Facebook

更多地道館麵軒相關資料:

• 地道館麵軒分店
• Youtube
• Facebook
• Twitter
• Google