淵記 粉嶺

淵記 評價 相片

嚟過幾次粉嶺聯和道真係有正嘢，夜晚周街泊車都方便。

呢間上海飯店好家庭式，老闆好親切，有少少canteen feel。

我無論去邊度飯店、酒樓飲茶四圍食一定要食小籠包，唔使講呢間食小籠包最好！最好！今次同上幾次水準一樣咁好。

白菜仔肉片炒年糕好正清清哋唔會太油，好多時候以爲炒年糕會好肥，其實應該改觀。

第一次order鹹肉粉條先知道喺用清湯，不是炒，味道唔會太濃。

重好過叫碗麵啦，呢個驚喜唔錯！假如我住粉嶺的話， 應該會一星期嚟柯打3次小籠包。

間中入聯和墟揾食, 總會發現好野.今日我無乜胃口, 行行下見到呢間寫住有江南輕食, 糕點餃子, 就入去食少少, 不過見佢鋪就大, 不過無裝修, 又無乜客, 心諗唔方好味, 不過店員已經沖出黎招呼, 就試一次啦.原來呢係食京滬菜, 即係上海, 北京菜, 我地兩條友, 朋友仲要麻麻地鐘意上海野, 都唔知叫咩, 最後叫左十個小籠包, 一個奶油雲腰娃娃菜, 見到人地食緊個鐵版, 我地學佢叫, 原來係鐵板京蔥牛肉.先上個菜, 哇, 個奶油上湯, 加上雲腿咸咸地好食呀, 其他菜未到就差唔多食晒....跟住上小籠包, 見等左好耐, 應該係即蒸啦, 果然無失望, 個籠一打開, 超大煙超熱, 一睇就合格, 因為真係皮薄淊靚, 個皮包到見到d大大舊既肉架, 跟住試下, 果然正呀, 包到湯入去, 味道好好, 我試過好多港島貴既上海菜, 呢度既係有過之而無不及, 最重要係平好多呀麻.最後係個京蔥牛肉, 哇, 簡直又係正, 佢地用肥牛京蔥抄, d牛o岩o岩好唔會太熟, 加上香港人比較少食但我地最愛既京蔥, 真係超正, 加上佢個特製牛肉汁, 轉個頭食晒啦.所以話, 好多時唔可以睇表面, 估唔到一間咁既食店原來係咁好食. 不過我覺得佢地細間d加番少少裝修會吸引到多d客. 唔洗而家咁, 佢地都張貼話因為唔夠客, 所以星期一二都唔僧開門.

淵記餐單提供滬菜, 上海等推介美食位於粉嶺區，餐廳座位數未知人均消費約$50以下，結賬可以用現金。

您對於粉嶺餐廳「淵記」有何 comment？

淵記餐廳詳細資料：

• 淵記地址:
  粉嶺聯和道9號地下
  淵記, G/ F, Luen Wo Road, Fanling
• 淵記電話:  
• 淵記價錢: $50以下
• 分類: 滬菜, 上海
• 座位: 未知
• 付款: 現金
• FB專頁: 淵記 Facebook

更多淵記相關資料:

• 淵記分店
• Youtube
• Facebook
• Twitter
• Google