皇玥 灣仔

皇玥 評價 相片

有日去開灣仔做野，突然好想食啲脆口小食，經過見到新開左一間香港製造的品牌皇玥餅藝，門面都好光鮮簡潔，就入左去睇下有咩好野食見到禮盒品都有好多選擇1. 牛油脆曲奇精裝禮盒 $1082. 開心果脆曲奇精彩裝禮盒 $1183. 伯爵荼蛋卷精裝禮盒 $108樣樣都好想試，但想食啲傳統野，傳統食品非蛋卷莫屬，仲要有最喜歡的味道—伯爵茶，二話不說即刻帶咗佢返屋企順便買多盒囡囡最愛的芝士味薄脆$68伯爵茶蛋捲一盒入面有4小包獨立包裝，一包入面有三小條，不用擔心食唔晒放要多一/二日而淋晒，非常貼心的設計味道方味，好香伯爵茶味，蛋捲+伯爵茶有點中併西式的風味，質地鬆脆，唔會好甜，清清地，我幾鐘意呢個味道芝士薄脆精裝禮盒，一盒有2小包，目測一包最少有8小片質感有點像曲奇，芝士味道不算濃味，味道偏甜，如果一次食唔晒一包，記得要放傳氣密實袋，因為好快就淋左，太可惜薄脆精裝禮盒仲有其他味道選擇，有蕃茄味，伯爵茶等，期待下次可以試埋伯爵茶味

皇玥又出咗新野啦✨✨咁岩係附近行街見到新開張，朋友又係佢地嘅fans！ 見有人介紹~~當然要買來試吓啦🙌🏻🙌🏻🙌🏻今次試咗皇玥嘅兩款產品😜 伯爵茶蛋捲及芝士薄脆✨✨伯爵茶蛋捲😍我就係一個伯爵茶迷啦🤤🤤 見到伯爵茶嘅產品就一定要試啦！Hehhee ~~蛋捲酥脆的口感配上濃濃嘅伯爵茶💓真係食到停唔到口啊！！芝士薄脆❤️芝士呢樣食物應該冇人可以對佢抗拒😜更何況依家係又脆又香嘅芝士薄脆💓真係聽個名就知一定要買嚟試吓啦 🤘🏻🤘🏻呢款做下午茶真係一流~~脆卜卜又唔會太甜🥳 加埋杯茶真係Perfect🤘🏻🤘🏻

同事買左盒曲奇及薄脆番公司請我地食，真係好好食，所以我都走去門市買番盒係屋企食，包裝十分精美，獨立包裝，岩晒送禮！👍😋開心果脆曲奇精裝禮盒 $118: 有個靚靚金色禮盒裝住，有12個獨立包裝曲奇，方便進食，每個曲奇餅內有開心果肉，焗得非常鬆脆，每塊餅都有些香脆開心果肉，食落口帶有些牛油和開心果仁金香味，而且不太甜又不太油膩，因此我地食唔停口。

薄脆精裝禮盒 $68: 共有4款口味，我就揀左伯爵茶味道，平時最愛飲伯爵茶，一盒有2包獨立包裝，每包有10片伯爵茶薄脆，好像薯片咁薄身同脆口，100%非油炸，完全不油膩，以上等法國天然牛油經過烤焗而製成，金黃香甜脆，食時散發出牛油香味及伯爵茶味濃郁！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

皇玥地址: 灣仔軒尼詩道155號地舖皇玥架奶皇月餅有幾出名同搶手唔洗我講，相信係人都知啦！上網開放訂購，已經比人搶購一空？！仲有3個月先中秋wor 月餅搶唔到又未到食架節日，咁買下曲奇餅止下癮先啦！越基本架野越容易食出真手藝，牛油脆曲奇精裝禮盒 $108 ，牛油香味特出，曲奇鬆化香脆。

蕃茄薄脆精裝禮盒$68，好小見到用蕃茄做材料，幾得意又買盒試下，鹹餅搓到好薄身，目測只有0.5cm 厚度，焗完寧舍脆口架，加些抹醬如牛油果，cream cheese ,吞拿魚醬仲好食呀！禮盒包裝很精美，且每塊都獨立包裝，食一片開一包就唔會影響風味啦，送禮得體！

皇玥餐單提供港式, 西式糕點, 賀年食品等推介美食位於灣仔區，餐廳座位數未知人均消費約$51-100，結賬可以用Visa,Master,AlipayHK,支付寶,現金,AE,銀聯,JCB,Apple,Pay,Google,Pay,微信支付。

您對於灣仔餐廳「皇玥」有何 comment？

皇玥餐廳詳細資料：

• 皇玥地址:
  灣仔軒尼詩道155號地舖
  Imperial Patisserie, G/ F,155 Hennessy Road, Wan Chai
• 皇玥電話:  
• 皇玥價錢: $51-100
• 分類: 港式, 西式糕點, 賀年食品
• 座位: 未知
• 付款: Visa,Master,AlipayHK,支付寶,現金,AE,銀聯,JCB,Apple,Pay,Google,Pay,微信支付
• FB專頁: 皇玥 Facebook

更多皇玥相關資料:

• 皇玥分店
• Youtube
• Facebook
• Twitter
• Google