Man Kitchen 深水埗
最後更新:
Man Kitchen推介
上回細佬生日，就試咗深水埗嘅「堤諾比薩」，感覺唔錯，今次輪到細妹生日飯，都搵番啲食薄餅嘅小店，結果摷到間「男人廚房」。依家出街食飯喺穩陣嘅做法，但當小弟打去訂枱時，接電話嘅店員好似有種錯愕嘅反應，去到就知點解。依晚喺星期五，到達餐廳時應喺食飯嘅高時段，但全間餐廳只得幾枱客，有啲冷清嘅感覺，亦明白點解訂枱對佢哋嚟講喺幾罕有嘅事情。全餐廳格局一字長形，以白色為主調，裝修簡約，無太多花巧裝飾，只喺一邊有幅「草牆」及有少少繪畫。餐廳尾嘅水吧已成為雜架攤，正正反映出普遍男人不修邊幅嘅性情，哈哈！貫徹男人嘅「浪漫」，餐牌就簡單以A4色紙印上菜式名，無咩粉飾。綠色嘅散點餐牌，印有沙律、小食、必食推介、甜點及意粉 / 焗飯5大類。紅色嘅散點餐牌喺薄餅類，選擇唔少，數一數有成12款，仲分為7”、11”、14”唔同大細供選擇。不過，有一點好唔明，只有意粉 / 焗飯類有加配優惠，就連點必食推介或薄餅都無提供，其後所點嘅經典朱古力就證實呢點。橙啡色嘅餐牌喺精選晚餐系列，共有8款，包餐湯、蒜蓉包及餐飲，定價由$78$288，相距都幾大，亦提供其他升級或加配選擇。一來嚟到主打想試薄餅，二來精選晚餐款式唔太多啱細佬妹，所以就無點到。淨番嘅藍色餐牌，一面喺升級2人餐，背面喺飲品餐牌，可見餐牌嘅編排都有啲隨意。飲品選擇唔多，而之前提及嘅加配或特色飲品，在小弟嚟講真喺講唔到有咩特色。雪糕紅豆冰 +$12 喺點意粉時嘅加配特飲，奶水比較淡口，而且，好少紅豆，兩三啖就無晒，啲豆亦有啲煲得未夠透。經典朱古力 $30細佬點咗杯朱古力，睇佢有幾經典，佢話大就夠晒大杯，不過，味道真喺好普通，只喺茶記嘅出品水平而已。小食拼盤 $95人多點個拼盤就最好，樣樣有啲可以試多啲款式，包括芝士焗薯條、洋蔥圈、水牛城雞翼、焦糖雞翼。份量幾足，而且，整體味道唔錯，薯條脆而不膩，洋蔥圈香口帶爽，水牛城雞翼香辣惹味，焦糖雞翼甜甜哋帶焦香。焗海鮮寬條蛋麵 $60碟寬條麵睇嚟焗得不俗，個麵條底做得有咬口，個白汁亦調校得香滑，不過，啲海鮮料就好失色，有啲墨魚仔、蝦粒同蜆肉，但大部份都喺碎濕濕，鮮味欠奉。德國腸拼盤 $118碟德國腸喺必食推介嘅選項，所以，自不然甚有期望。碟上共有3款腸，名字就無乜考究，不過，其中一款應該喺蛇餅形嘅柏林肉腸，並伴有酸椰菜絲及酸青瓜。老實講，啲腸嘅味道本身唔太突出，最大問題喺煎得比較乾，故此口感都較為韌口，感覺麻麻。1/2薄餅 $140顧命思義，就喺鴛鴦薄餅，不過，就唔喺自選兩款口味，而喺指定嘅兩組配搭。專登揀最大嘅14"，果然好有睇頭，一邊喺莫沙里拉芝士、鮮蕃茄、時令蔬果、雞肉、辣肉腸加辣椒汁，肉4落頗惹味，亦唔喺好辣；另一邊喺芝士、羊奶芝士、松子仁、乾蕃茄、蘑菇，雖然全素，但酸香好食，尤其有小弟喜愛嘅乾蕃茄，茄味超濃。至於個餅底，焗得香脆，好食，要挑剔就喺整體落料偏少。今晚餐飯，細佬妹雖然無咩意見，因為佢哋對食真喺要求唔高，但小弟就覺得麻麻哋，只可以講喺茶記嘅水平嚟做西菜。仲有一點，餐牌，以至周圍都無註明需要加一服務費，事前訂枱都有問過需唔需要加一，直到埋單先發覺要加一，原來只晌門口櫥窗貼上星期五、六、日晚市要加一，服務上好多細節位可以做好啲。
深水埗Man Kitchen
| 餐廳分店 | Man Kitchen |
|---|---|
| 地區 | 深水埗 |
| 電話訂位 | 沒有電話提供 |
| 餐單 Menu | 意大利菜, 薄餅 |
| 人氣指數 | 954 |
| 價錢幾錢 | $51-100 |
Man Kitchen訂位位於深水埗區，詳細地址是深水埗青山道66-74號建文大廈地下5號舖，餐廳寬敞座位數目共有未知幾多個。Man Kitchen幾錢？價錢優惠後人均消費大約$51-100埋單，早餐午餐晚餐Man Kitchen餐單包括有意大利菜, 薄餅等美食，付款方式有現金付款。
Man Kitchen優惠
Man Kitchen 評價 相片
上回細佬生日，就試咗深水埗嘅「堤諾比薩」，感覺唔錯，今次輪到細妹生日飯，都搵番啲食薄餅嘅小店，結果摷到間「男人廚房」。
依家出街食飯喺穩陣嘅做法，但當小弟打去訂枱時，接電話嘅店員好似有種錯愕嘅反應，去到就知點解。
依晚喺星期五，到達餐廳時應喺食飯嘅高時段，但全間餐廳只得幾枱客，有啲冷清嘅感覺，亦明白點解訂枱對佢哋嚟講喺幾罕有嘅事情。
全餐廳格局一字長形，以白色為主調，裝修簡約，無太多花巧裝飾，只喺一邊有幅「草牆」及有少少繪畫。
餐廳尾嘅水吧已成為雜架攤，正正反映出普遍男人不修邊幅嘅性情，哈哈！貫徹男人嘅「浪漫」，餐牌就簡單以A4色紙印上菜式名，無咩粉飾。
綠色嘅散點餐牌，印有沙律、小食、必食推介、甜點及意粉 / 焗飯5大類。
紅色嘅散點餐牌喺薄餅類，選擇唔少，數一數有成12款，仲分為7”、11”、14”唔同大細供選擇。
不過，有一點好唔明，只有意粉 / 焗飯類有加配優惠，就連點必食推介或薄餅都無提供，其後所點嘅經典朱古力就證實呢點。
橙啡色嘅餐牌喺精選晚餐系列，共有8款，包餐湯、蒜蓉包及餐飲，定價由$78$288，相距都幾大，亦提供其他升級或加配選擇。
一來嚟到主打想試薄餅，二來精選晚餐款式唔太多啱細佬妹，所以就無點到。
淨番嘅藍色餐牌，一面喺升級2人餐，背面喺飲品餐牌，可見餐牌嘅編排都有啲隨意。
飲品選擇唔多，而之前提及嘅加配或特色飲品，在小弟嚟講真喺講唔到有咩特色。
雪糕紅豆冰 +$12 喺點意粉時嘅加配特飲，奶水比較淡口，而且，好少紅豆，兩三啖就無晒，啲豆亦有啲煲得未夠透。
經典朱古力 $30細佬點咗杯朱古力，睇佢有幾經典，佢話大就夠晒大杯，不過，味道真喺好普通，只喺茶記嘅出品水平而已。
小食拼盤 $95人多點個拼盤就最好，樣樣有啲可以試多啲款式，包括芝士焗薯條、洋蔥圈、水牛城雞翼、焦糖雞翼。
份量幾足，而且，整體味道唔錯，薯條脆而不膩，洋蔥圈香口帶爽，水牛城雞翼香辣惹味，焦糖雞翼甜甜哋帶焦香。
焗海鮮寬條蛋麵 $60碟寬條麵睇嚟焗得不俗，個麵條底做得有咬口，個白汁亦調校得香滑，不過，啲海鮮料就好失色，有啲墨魚仔、蝦粒同蜆肉，但大部份都喺碎濕濕，鮮味欠奉。
德國腸拼盤 $118碟德國腸喺必食推介嘅選項，所以，自不然甚有期望。
碟上共有3款腸，名字就無乜考究，不過，其中一款應該喺蛇餅形嘅柏林肉腸，並伴有酸椰菜絲及酸青瓜。
老實講，啲腸嘅味道本身唔太突出，最大問題喺煎得比較乾，故此口感都較為韌口，感覺麻麻。
1/2薄餅 $140顧命思義，就喺鴛鴦薄餅，不過，就唔喺自選兩款口味，而喺指定嘅兩組配搭。
專登揀最大嘅14"，果然好有睇頭，一邊喺莫沙里拉芝士、鮮蕃茄、時令蔬果、雞肉、辣肉腸加辣椒汁，肉4落頗惹味，亦唔喺好辣；另一邊喺芝士、羊奶芝士、松子仁、乾蕃茄、蘑菇，雖然全素，但酸香好食，尤其有小弟喜愛嘅乾蕃茄，茄味超濃。
至於個餅底，焗得香脆，好食，要挑剔就喺整體落料偏少。
今晚餐飯，細佬妹雖然無咩意見，因為佢哋對食真喺要求唔高，但小弟就覺得麻麻哋，只可以講喺茶記嘅水平嚟做西菜。
仲有一點，餐牌，以至周圍都無註明需要加一服務費，事前訂枱都有問過需唔需要加一，直到埋單先發覺要加一，原來只晌門口櫥窗貼上星期五、六、日晚市要加一，服務上好多細節位可以做好啲。
行過試一試同媽媽點了一個pizza 同肉醬意粉👍🏼👍🏼👍🏼芝士控一定要叫，沒有另加芝士都好多芝士雖然不算係很精緻，但勝在好抵食而且好味，最重要感覺到有用心去煮
深水埗區内難得有間高水準的西歺廳、地点响九江亍青山道人流不多、離遠見佢燈光耀眼夠晒衞生諗住一試無妨、2個人坐低無乜主意隨便叫個二人歺、期間見隔離枱pizza剛上枱香噴噴十分吸引、等咗不用3分鐘已到我、先來一個沙律十分新鮮開胃、之後再來歺湯及自家制蒜香多士夠晒香脆、小食白酒墨魚仔夠野味爽口、主菜澳州牛扒五成熟剛好原全無渣、炒意粉同樣香濃彈牙、最後來個新鲜蘿冰及芝士餅作為完滿句號、埋单加一3佰幾蚊仲想点
今次叫左個二人餐、豬手、豬仔骨。
食物品質幾好，除左二人餐的牛排有D韌，如能改善就非常好。
特別一讚的係豬仔骨十分香濃鹹味適中，肉質鮮嫩。
餐廳環境舒適，座得幾舒服。
店員服務周到，有笑容。
呢度最好食係即叫即做嘅pizza, 好軟身，簡直係皮薄餡靚，又脆！最鐘意食佢個 4 cheese pizza , 雖然4式芝士唔係分得好明顯，雖然本人又唔太受得好臭嘅blue cheese, 但都係好鐘意食！每次去嘅人都唔太多，靜靜地傾下都幾舒服！服務都幾好架，話明係man kitchen , 主廚當然係男士！之前連樓面都係清一色男士，不過今晚去就見到位後生女侍應，中和下咪幾好
Man Kitchen餐單提供意大利菜, 薄餅等推介美食位於深水埗區，餐廳座位數未知人均消費約$51-100，結賬可以用現金。
您對於深水埗餐廳「Man Kitchen」有何 comment？
Man Kitchen餐廳詳細資料：
- Man Kitchen地址: 深水埗青山道66-74號建文大廈地下5號舖 Man Kitchen, Shop5, G/ F, Kin Man Building,66-74 Castle Peak Road, Sham Shui Po
- Man Kitchen電話:
- Man Kitchen價錢: $51-100
- 分類: 意大利菜, 薄餅
- 座位: 未知
- 付款: 現金
- FB專頁: Man Kitchen Facebook
更多Man Kitchen相關資料:
香港餐廳2026推介9月