羅麥記 太古
最後更新:
羅麥記推介
星期六下午黎到康怡食lunch，見到呢間潮版懷舊冰室裝潢幾好，又好似唔係度度都有，於是就入去試試。冰室既枱枱櫈櫈似足課室個D咁，連本menu都係扮學生手冊，仲寫住2015年度上學期，唔知呢本係咪比日頭用，晚市又有本下學期架呢？打開menu第一頁見到十大必食，仔細一睇D推介全部都熟口熟面咁﹗好似有新記既芝士豬頸肉撈丁、太平館瑞士汁牛河、勝香園蕃茄牛肉麵等等…@@ 之後揭去後面幾頁睇，D食物款式真係同其他餐廳個D好似，好似左抄呢度右抄個度擺落自己menu咁﹗不過樣樣都係大眾鍾意食個D….都幾識抄既男友點咗焗豬扒飯，我就15/16唔知揀芝士豬頸肉撈丁定蔥油豬扒撈丁 (係咪又好熟呢？咪蘭芳園囉)，最尾鬼掩眼揀咗芝士撈丁。黎到見到賣相麻麻，芝士汁就夠哂大pat，不過D豬頸肉就唔多掂，煎得唔夠金黃不特止，仲要韌到咬唔到，一D都唔夠爽﹗建議大家唔好叫呢款﹗而焗豬扒飯就普普通通，不過不失喇﹗之後飲品黎到，我明明係叫熱檸蜜，但黎到變咗杯菜蜜加檸檬=.= 買單之後仲送咗張coupon，原來希慎有間…..真係唔知會唔會再去食….
太古羅麥記
| 餐廳分店 | 羅麥記 |
|---|---|
| 地區 | 太古 |
| 電話訂位 | 沒有電話提供 |
| 餐單 Menu | 港式, 茶餐廳, 冰室 |
| 人氣指數 | 949 |
| 價錢幾錢 | $51-100 |
羅麥記訂位位於太古區，詳細地址是太古康山道1號康怡廣場1樓F20舖，餐廳寬敞座位數目共有72個。羅麥記幾錢？價錢優惠後人均消費大約$51-100埋單，早餐午餐晚餐羅麥記餐單包括有港式, 茶餐廳, 冰室等美食，付款方式有Visa,Master,現金,八達通,銀聯付款。
羅麥記優惠
羅麥記 評價 相片
星期六下午黎到康怡食lunch，見到呢間潮版懷舊冰室裝潢幾好，又好似唔係度度都有，於是就入去試試。
冰室既枱枱櫈櫈似足課室個D咁，連本menu都係扮學生手冊，仲寫住2015年度上學期，唔知呢本係咪比日頭用，晚市又有本下學期架呢？打開menu第一頁見到十大必食，仔細一睇D推介全部都熟口熟面咁﹗好似有新記既芝士豬頸肉撈丁、太平館瑞士汁牛河、勝香園蕃茄牛肉麵等等…@@ 之後揭去後面幾頁睇，D食物款式真係同其他餐廳個D好似，好似左抄呢度右抄個度擺落自己menu咁﹗不過樣樣都係大眾鍾意食個D….都幾識抄既男友點咗焗豬扒飯，我就15/16唔知揀芝士豬頸肉撈丁定蔥油豬扒撈丁 (係咪又好熟呢？咪蘭芳園囉)，最尾鬼掩眼揀咗芝士撈丁。
黎到見到賣相麻麻，芝士汁就夠哂大pat，不過D豬頸肉就唔多掂，煎得唔夠金黃不特止，仲要韌到咬唔到，一D都唔夠爽﹗建議大家唔好叫呢款﹗而焗豬扒飯就普普通通，不過不失喇﹗之後飲品黎到，我明明係叫熱檸蜜，但黎到變咗杯菜蜜加檸檬=.= 買單之後仲送咗張coupon，原來希慎有間…..真係唔知會唔會再去食….
行過康怡廣場，見到呢間懷舊茶餐廳好似好得意，就走入去一試。
坐底就見到一本好似學生手冊既餐牌，就俾佢吸引著 Order 咗蝦多士＆雞翅麵。
蝦多士有5件，鹽味剛好，食到真係有蝦肉，而且香口又唔會太油，係唔錯既小食。
紅豆粒粒奶茶仲有驚喜，竟然冰粒裡有紅豆喎 一個雞翅麵+蝦多士，兩個女仔 share 食就剛剛好。
加上環境特別，牆壁上有6070年代既小裝飾，是一個很好的個假日 branch 好選擇。
平日我較少選擇去茶餐廳... 好些茶餐廳都不太整潔, 我腸胃比較敏感, 不敢亂來; 大部份茶餐廳都沒有裝修, 想食得型格一點是妄想; 茶餐廳一般服務都是頂級的, 你懂的, 不解釋; 再者是, 我比較喜歡有內涵的食物, 用餐時多一點享受...嘿嘿, 要求多多之下, 我地都可以儲落一堆御用飯堂, 幸福...今夜有幸獲邀請, 出席食家聚會, 雖然臨近4月全年最忙的月份, 但聚會地點選在近得不可能再近的太古區, 點可以唔出席呢又, 哈哈...羅麥記是由2位生於70年代的年輕小伙子MR.羅&MR.麥合作的概念店, 目標是打造出香港6070年代的冰室, 帶大家回到過去重溫昔日滋味... Check Point 1 型格裝修... Pass!!! 咁吉?!! 無人食?!! 唔係... 呢幾張相要等到夜晚10點先影到, 店內仍然有幾枱客人... 10點前又點呢?!! 睇相...咁大張吉枱?!! 哈哈, 非也... 此乃食家聚會專用桌!!! 枱面是特別訂制的, 取材自70年代具代表性的圖片, 如西瓜波、九龍皇帝墨寶、本地故事書, 極具懷舊味道... Check Point 2 衛生整潔... Pass!!!請各位同學打開手冊, 檢視一下今日大廚要做的功課...想快點放學?!! 先留心聽書吧!!! 誰能答得出羅麥記十大必吃... 我! 我! 我! (爭相舉手中)紅豆粒粒奶茶 $35 必試!!! 雖然我好少飲奶茶, 但係見到紅豆粒粒冰真係忍唔到口, 回想起小時候經常將紅豆沙放入啫喱杯雪成冰來吃, 吃1杯已樂上半天, 滋味至今難忘, 是5星級酒店甜品所不能替代... 紅豆粒粒冰大大粒的, 紅豆香甜軟腍, 老味道讓我重拾到童年時純樸的幸福... 對紅豆及奶茶均不感興趣的朋友, 可嘗試菠蘿粒粒冰, 為沉悶的炎炎夏日抺上清新氣息... (利申 : 我是紅豆痴)麥Sir乳鴿仔 $46 看到肥嘟嘟的乳鴿放在面前, 你的反應會是... 1) 不停尖叫OMG!!! OH NO!!! 定係 2) Blink Blink 眼 + 口水直流... 嘿嘿, 很抱歉, 我係2!!! 小時候被灌輸的概念係Pigeons are Food, not Friends!!! 滷水乳鴿肥美多肉, 肉質幼嫩, 又香又甜, 好美味喲, 必吃!!! (利申 : 我係乳鴿痴)羅麥雞翼 (5隻) $48 辣版瑞士雞翼, 嘩!!! 好辣呀!!! 嗯... 大家唔使咁驚, 我一向只可以食小辣的... 店主鐘意食辣, 所以創作出呢款羅麥雞翼, 相信必有知音人... 唔食辣得的小朋友(如我, 嘩咔咔咔), 可以於落單時要求唔辣的, 咁就Perfect Sweet Swiss喇, 我自己一個食2打都得...羅麥汁牛河 $60 又一Sweet Swiss搞作, 河粉可要求兜亂, 讓Sweet Swiss滲進河粉之中, 吃時甜甜的...磚頭焗豬扒飯 (限量發售) $75 全港首創!!! 將焗豬扒飯放入特厚多士中, 果然創意無限, 掌聲鼓勵!!! (啪啪啪啪)焗飯有炒蛋底, 掌聲鼓勵!!! (啪啪啪啪)豬扒份量不少, 茄汁微酸不像茄膏開的, 在鬱悶的梅雨天, 很是開胃... But... 唔好諗住一個人食晒, 焗豬扒飯加上鬆軟的磚頭絕對不能看輕, 獨食包你飽到見暈...蝦多士 (5件) $50 坦白講, 我一向對蝦多士有恐懼症... 呢款蝦多士同我食過的鳳尾蝦多士又有少少唔同, 將蝦膠鋪在軟綿的法包上, 唔會油淋淋, 的確幾創新, 要推介給蝦多士迷好友KaKaMa試試... 好, 關於十大必吃的課題暫時到此為止, 請各位同學翻開新一頁, 看看十大必吃以外的課題... 蔥汁撈丁 (豬扒/雞翼/雞扒) $42 平平無奇的外表, 平平無奇的材料, 加上我食白切雞時從不蘸的薑蓉, 撈埋一齊點解會咁好味嘅?!! 天呀, 如果我食唔返呢種味道咁點算呀!!! (呢段經典對白小時候模仿過超過1千次, 係, 我係好無聊, 哈哈哈哈) 我真係第一次食呢個組合, 如果大家係外面食到厭晒, 唔好噓, 唔該... 撈丁條條分明無黐埋, 好彈牙, 蔥汁徹底地滲透每一條麵, 香到爆, 就算食得慢攤涼咗依然係咁好味, 仲要無黐返埋, 好利害... 西多士 $20 外表像我最喜歡的粒粒厚多士(懶人恩物), 灑上糖粉有點聖誕Feel, 鬆軟的厚多內藏咖央醬, 超級椰子味(我的天敵), 由於太厚的關係, 食1粒已飽到暈... 如果下午茶食佢, 隨時飽過食Lunch... 千層朱古力西多 $28 像穿了鬆糕鞋的千層朱古力西多非常吸引, 大家都飽到不得之了, 食唔落就唯有啟動後備應急方案第2個胃!!! 千層朱古力好好味喲, 不死甜, 香濃醇厚, 嗒吓嗒吓, 非常非常熟悉的味道, 是... 呀!!! 榛子朱古力... 銀沙!!! (呢期銀魂' 轉咗做金魂', 金魂'大結局之後應該會轉返做銀魂', 嘩咔咔咔) Check Point 3 食物內涵... Pass!!! 懷舊不忘創意, 咬落每一口都包含著羅麥Hearts, 衷心希望Your Hearts will go on...Check Point 4 待客服務... Pass!!! 乳鴿可選原隻上或切件上, 用餐期間有換碟, 我與食家打趣說"你試吓去金龍叫佢換碟吖!"... (呢期銀魂' 轉咗做金魂', 嘩咔咔咔)我打算搵日帶Honey來試吓麥Sir乳鴿仔同埋蔥汁撈丁, 當然唔少得千層朱古力西多, 我估佢會鐘意的... 如果羅麥記可以通過Honey的嚴格檢定, 咁我地將來又會多一間御用飯堂喇喂~
Went here twice because the vermicelli was good but on the second visit the broth was not that good.★☆★☆★☆★☆★☆★☆★☆★☆★☆★Vermicelli on the first visit:The broth was strong with some yellow glistening chicken oil that had strong chicken taste.★☆★☆★☆★☆★☆★☆★☆★☆★☆★Vermicelli on the second visit:n the second visit, the broth was gone and was soaked up by the vermicelli when they served it and it the taste was bland.The vermicelli set comes with toast and egg which is weird but it is a Chinese thing.As well as the vermicelli, I tried the macaroni cheese with tuna and spinach.★☆★☆★☆★☆★☆★☆★☆★☆★☆★macaroni cheese with tuna and spinach:It was Chinese style so the sauce is basically starchy creamy white gravy with Parmesan cheese sprinkled on top. Overall it tastes quite nice if you treat it as macaroni in cream sauce with canned tuna chunks!!★☆★☆★☆★☆★☆★☆★☆★☆★☆★Instant noodles with pork chop:The instant noodles were too sweet for my liking.★☆★☆★☆★☆★☆★☆★☆★☆★☆★◎ⓢⓤⓟⓔⓡⓢⓤⓟⓔⓡⓖⓘⓡⓛ◎The bill: $1xxService: OKService charge: noYummy factor: okNapkins provided: yesPortion sizes: BigNoise levels: NoisyGlass of water provided: yesEnglish Menu: YesAir Conditioning: Yes◎ⓢⓤⓟⓔⓡⓢⓤⓟⓔⓡⓖⓘⓡⓛ◎
星期六晚上同男朋友晚上想試一試這間茶餐廳，之前都上網看過食評和介紹，點知中伏，叫了所謂的招牌磚頭焗豬扒飯，超級難食，好多油囉，非常膩，豬扒都係得幾塊(一定唔超過六塊)，而且又薄，坦白講，七八十蚊真係不知所謂，大家樂都好吃過佢，同埋叫左撈丁，極其一般，三個字，貴，唔抵! 我男朋友都話以後唔會再幫襯!
羅麥記餐單提供港式, 茶餐廳, 冰室等推介美食位於太古區，餐廳座位數72人均消費約$51-100，結賬可以用Visa,Master,現金,八達通,銀聯。
您對於太古餐廳「羅麥記」有何 comment？
羅麥記餐廳詳細資料：
- 羅麥記地址: 太古康山道1號康怡廣場1樓F20舖 Law Mark Kee, Shop F20,1/ F., Kornhill Plaza,1 Kornhill Road, Tai Koo
- 羅麥記電話:
- 羅麥記價錢: $51-100
- 分類: 港式, 茶餐廳, 冰室
- 座位: 72
- 付款: Visa,Master,現金,八達通,銀聯
- FB專頁: 羅麥記 Facebook
更多羅麥記相關資料:
香港餐廳2026推介9月