b Lab 大角咀

b Lab 評價 相片

今日同朋友無無聊聊，就去左大角咀搵食。

見到呢間 cafe，好似幾好，感覺幾舒服，再睇埋個 menu, 就入左去啦！坐低就叫左薯條，嘩熱辣辣，仲好脆呀，正！食物都 ok，味道正正常常，真係性價比高 ga cafe! 有得食，又可以坐下傾吓計。

食物 好一般茶餐廳水平，沒什麼驚喜價錢 比一般茶餐廳高，但質素不見得高，性價比很低咖啡 做得一間 cafe... 咖啡竟然可以沖成咁... 圖為 mocha... 飲左一啖真係一世難忘... 未見識過咁嘅mocha... 究竟沖左杯咩出來... 疑似水溝奶的啡色泡沫液體吧？環境 好大油煙No next time 無下次

今日同同事一起食飯。

行過大角咀舊街,見到間小清新的西餐廳。

再睇一睇價錢都幾抵食woo。

,一於入去試下啦。

餐廳環境雖小,但感覺幾乾淨,而且餐廳待應好有禮貌又有笑容,唔錯。

先黎個牛肋條配薯條,牛肉軟熟又夠味,薯條仲要新鮮炸起,呢個價錢真係一流。

行過的朋友一直定要入黎試下。

再黎紅酒雞球,最鍾意竟然係有紅米飯選擇,適合追求健康的朋友。

雖然份量唔算太多,但女士份量絕對冇問題。

最後就係鴨胸長通份。

新鮮焗起熱騰騰,鴨胸同平時食開有點不同,但好好味同入味。

蕃茄醬濃厚,配埋長通份一流。

呢間餐廳日日餐牌都唔同,推介大家撞下手神黎試下。

大角咀一向好多野食，但坐得舒服的，環境乾淨企理的食店，真係唔多。

係埃華街行到尾轉左就有間旺中帶靜的小餐廳cafe，食物款式夠多，而且食物質素好好，杯咖啡真係超讚！晚餐二人餐，真係好抵食，2份小食，1份沙律，2個主菜，2杯飲品，都係$228，而且仲有大大份。

食到超飽。

小食。

鹽酥雞，洋蔥圈。

份量夠晒，而且炸得剛好，唔過火。

一流！沙律。

西柚雞肉沙律，勁好味。

而且好大兜。

唔似出面其他餐咁得兩啖。

主菜。

脆皮雞扒芝士奶油燉飯。

B Lab 漢堡。

雞扒夠晒脆皮，芝士奶油燉飯，芝士控必食，真係好香濃，但食完又唔覺得好漏。

B Lab漢堡，唔洗多講，招牌菜，一定有返咁上下，但都講句，佢地自家製作的漢堡扒，真係好香，肉汁豐富。

飲品。

朱古力咖啡。

英式茶(茉莉茶)。

朱古力咖啡係用咖啡豆即磨，朱古力味剛好，勁香濃，重點係唔會太甜。

出面飲開都覺得太甜，令到條俐只有甜，咖啡同朱古力的味度淡晒。

呢度沖的咖啡真係剛剛好。

茉莉茶好香，唔會好淡，食完肉類，飲返杯去油膩感。

總結。

以咁的價錢，有咁高質食物。

真係抵食。

而且店內的圖畫真係好型。

自拍一流。

印象中開Party叫到會, 沙律總係濕濕淋淋, 炸野過哂氣, 炒飯意粉乾爭爭痴埋一堆, 一句講哂, 唔會預佢好食, 但求食得飽就算。

基於以上印象, 上個禮拜叫b Lab到會同樣無抱有任何其望。

最後到會黎到, 第一印象係賣相靚, 然後大家一路食一路讚, 最重要係價錢非常合理, 性價比高. 另外由於食到會就食得多, 但做落order叫到會果個都係第一次, 所以唔係太識預份量。

B Lab嘅Dan都有就住食物嘅份量俾左D意見我, 最後份量係啱啱好! 我係好懶寫review嘅人但今次真係值得花D時間寫。

(大家好快就開始食, 無特別影相, 去到想影果時已經盤盤都有食過少少, 所以無特別影closeup了)雜果薯仔沙律其實薯仔沙律間間舖頭整出黎都唔會太大分別. 最最重要係新鮮, 夠凍, 唔會太多醬太濕出哂水. 今次食呢個係做到哂以上呢d的, 賣相亦好.香煎牛柳片沙律用沙律菜做底, 本來我諗住呢個價錢牛柳片唔會多, 但出到黎絕對無縮皮, 牛柳片一片片卷得靚靚咁舖喺沙律菜上面, 煎得香而唔會過熟. 沙律菜新鮮, 用油醋調味, 同牛柳片做到個balance.天使雞翼 + 魔鬼雞翼天使即係蜜糖雞翼, 魔鬼就係辣汁雞翼. 雞翼燒/焗得表面香口, 內裡唔會乾. 味道調較得好, 惹味.千島醬雞卷用軟身白麵包卷住千島醬&雞嘅餡。

都係果句, 唔會太多醬太濕出哂水, 白麵包keep到軟熟乾身, 手工好, 雞卷實實淨淨唔會散開. 味道調較得幾好, 千島醬唔會太擔, 但做到酸酸甜甜, 唔滯口黑松露雜菌扁意粉意粉應該係用炒黎煮, 唔係用焗, 好處係香口, 令黑松露嘅香味可以平均散佈喺成盤意粉度, 油份適中, 唔會好似平時用焗黎煮嘅到會意粉咁, 焗得太乾搞到痴埋一舊舊. 雜菌同扁意粉份量嘅balance恰當, 雖然係到會, 但做到同餐廳叫一個黑松露雜菌扁意粉嘅水準.夏威夷豬梅扒配紅米飯豬扒用梅扒做, 好處係比一般豬扒鮮嫩多汁. 個飯亦係果句, 乾身粒粒分明唔會痴埋一舊舊. 不過大家都掛住食豬扒, 無乜點食到D飯, 最後成場野食就係食淨左D紅米飯薯格 (買滿$800送)買滿$800可以送薯條或者薯格. 薯格會比較無咁容易過氣, 因為佢本身都係比薯條軟身, 所以揀左薯格. 其實炸野都係咁, 好難會話做得好特別好出眾. 最緊要係炸完乾身, 襯熱食唔會食口油就已經好足夠. 最最重要係因應我呢個茄汁怪嘅要求Dan俾左extra茄汁我, 是貼心的。

有哂以上咁多野食, Good quality大家都食得開心, 都係$1,320. 真心係無得投訴

b Lab餐單提供多國菜, 漢堡包, 咖啡店等推介美食位於大角咀區，餐廳座位數未知人均消費約$51-100，結賬可以用現金。

您對於大角咀餐廳「b Lab」有何 comment？

b Lab餐廳詳細資料：

• b Lab地址:
  大角咀埃華街89-105號大同新邨大衛樓地下105B號舖
  b Lab, Shop105 B, G/ F, Tai Wai Building,89-105 Ivy Street, Tai Kok Tsui
• b Lab電話:  
• b Lab價錢: $51-100
• 分類: 多國菜, 漢堡包, 咖啡店
• 座位: 未知
• 付款: 現金
• FB專頁: b Lab Facebook

更多b Lab相關資料:

• b Lab分店
• Youtube
• Facebook
• Twitter
• Google