垚 半山

垚 評價 相片

午飯時間上到嚟，叫了嗰時令刺身丼。

甜蝦墨魚鮮到不得了，響香港本身好少日本餐廳有得食墨魚，加上疫情困在香港，唯有食咗當去咗日本，好感動。

墨魚配上薑蓉同蔥更顯細緻。

疫症下很多餐廳生意都少了，入貨要keep 住新鮮的成本更加高昂。

個飯絕對非一般外賣質素，食得出係靚米(好多外賣壽司店個飯係白飯加個酸字)。

要讚下豉油酸薑Wasabi食得出店主對質量有要求。

見個餐牌上面仲有好多時令刺身，可以散叫壽司，呢個價錢絕對比同樣質素餐廳平至少三成。

午餐有其他熟食，薄切牛肉飯、日式雞扒飯、漢堡扒飯等等，勁吸引，$50$60 好多選擇。

刺身丼$50$100都有，絕對係方便街坊，豐儉由人。

店面細但好整齊好乾淨，standing table 配high chair 幾鬆動，大概可以坐57 人。

店員服務態度超級好。

店員話外賣app都有得叫。

呢個價錢絕對係中西區性價比之選，仲要難得係同路人，更加要落力支持。

呢度係專門做外賣的，所以店裡面無位置坐住食，只有企位，嗌咗份角切魚生飯打包拎走，等咗一陣就比我拿走了，打開見到魚生份量鋪滿咗係飯上面，而且種類豐富，每一種都好新鮮，切的大小入口啱啱好，加上個飯煮得都幾好味，下次再幫襯。

印象中，半山行人扶手電梯旁邊只有西餐，西餐同西餐。

偶然發現，竟有一壽司店藏於民居之中，甚為高興舖面不大，有幾個坐位，但是晚座無虛席。

由於食物是即叫即做，當我落單後等待食物時，見到app送餐大哥還有其他之前已落單的客人來取餐，店中小妹雖然很忙但還是很有禮貌等約10分鐘，魚生丼食物終於預備好，份量不錯，食物也新鮮，屬於有誠意小店之作！希望繼續keep it up，讓半山人不用落中環都食到有質素壽司🍣

餐廳越開越多，終於開咗間平平哋嘅壽司啦‼️特別注意餐廳只有數個企位冇得坐住慢慢嘆㗎可能主要客路為附近幾間學校同埋上班人士以及街坊睇普通餐牌就一般價錢，正正常常但係佢每日中午都有特別推介仲有啲精選壽司係$8 㗎有啲50幾蚊一個丼😎仲包飲品如果要酒精類飲品要加錢除咗刺身我見到仲有鰻魚同漢堡扒北海丼三款餸帶子+海膽+蔥吞拿魚仲有菇同埋秋葵如果可以多幾粒海膽就好啦樣樣都好新鮮不過份量可能有d少 大食少少嘅可能會食唔飽啦以後一定要試埋其其款

是晚無得Happy Friday, 要喺公司留守戰鬥 ☹️喺某外賣網站見到呢間的食物價錢唔係貴，種類都算多，於是姑且選擇一試呢個極上角切魚生飯套餐。

落單的時候都有擔心，咁嘅價錢，份量應該唔會好多啦；意想不到的是，自速遞員手上接到外賣後，就開始驚喜不斷！首先，一拎上手已經有相當重量 返到公司位打開一睇，嘩！簡直不得了，外賣都竟然有半張A4紙咁大盒！而且無論係跟餐的湯、沙律，抑或是魚生飯，全部都係裝得滿滿的！今次的外賣係開心大發現！還有的是，所提供的極上魚生的確種類豐富，口感又新鮮，飯又好味，絕對可以媲美出面其他日本餐廳，更可以係話有過之而無不及！

垚餐單提供日本菜, 壽司, 刺身等推介美食位於半山區，餐廳座位數未知人均消費約$101-200，結賬可以用Visa,Master,現金,銀聯，Booking訂位可以電話致電 56289684 查詢。

您對於半山餐廳「垚」有何 comment？

垚餐廳詳細資料：

• 垚地址:
  半山摩羅廟街1-9號褔熙苑地下低層1號舖
  Yao Sushi Takeaway, Shop1, L G/ F, Flora Tower,1-9 Mosque Street, Mid- Levels
• 垚電話: 56289684
• 垚價錢: $101-200
• 分類: 日本菜, 壽司, 刺身
• 座位: 未知
• 付款: Visa,Master,現金,銀聯
• FB專頁: 垚 Facebook

更多垚相關資料:

• 垚分店
• Youtube
• Facebook
• Twitter
• Google