扒王之王 元朗

扒王之王 評價 相片

早前買了yahoo團購扒王之王嘅$58牛肋骨扒王及$48美國穀飼牛肋骨扒拼雞扒各2張，其實我買過餐廳團購都知要提早book位，於是我好醒目地早咗3星期book，打電話去book 時，同侍應confirm 好3星期後的星期日(17/03)6:00pm，後來我問侍應我係團購客戶，需唔需要提供優惠券編號時，侍應即刻轉口話睇漏眼，原來當日星期日(17/03)冇位，建議我係weekday用膳，於是我改為book4 星期後嘅星期日(24/03)，我隨即問侍應，早一個月book，唔會又full 掛...於是侍應好無奈話得返一個位，所以當日ok，其實優惠券列明星期一至日適用，為何我早3星期book 都full?? 元朗扒王真係咁好生意?? 用膳當天(24/03)，我與老公6:00pm 到達，7:30pm結帳，全店只有5成滿，人丁稀疏，但為何一次又一次咁難book??? 我與老公加錢order 了2個餐湯，一紅一白，2 碗餐湯都只有6成滿，好似飲剩咁，又少又稀，係歧視團購客戶嗎?? 後來，牛肋骨扒上碟了，細件得可憐，似牛柳條多過似牛肋骨扒！我們觀望其他客戶，件牛扒係好大件經過今次一役，我決定再早啲book，雖然今次順利book到(28/04)的枱，可惜到達時，侍應同我地講，因為二人用膳，所以限時一小時交枱，究竟係團購客戶只有2人就要一小時交枱，還是元朗扒王訂下所有2人客戶只可坐一小時??? 我地聽完都無奈，因為優惠券明天29/04 deadline，所以都唔想再拖&任何爭議，只想快快用晒扒王之王優惠券，但冇惗過元朗扒王之王次次都有新招！因為我地對上次餐湯不滿意，加上突然有不明文條款只可坐一小時，於是，我們決定唔加任何野，食完就走...經過2次光顧元朗扒王之王，我與老公誓死唔會有第3次，尤其是要用正價光顧，食物質數差，服務態度差

餐湯係羅宋湯，稀稀的，有點辣，除辣辣地之外，沒其他味咖哩牛腩的咖哩好似膠咁的質地，無咖哩味，吃了三分一放低了。

咖啡等於半杯咖啡加一杯水。

咁的質素都要$50不知所謂!!!!!!

誕下寶寶後，媽媽知慳識儉了（套用爸爸的講法，是少了「傾家蕩產」! )，很多時出外用餐都會揀選有信用卡優惠的餐廳。

二月一天媽媽請了假陪寶寶打針後，之後來到扒王午餐，也是因為信用卡，不過就不是因為優惠，而是媽媽當日沒帶銀包，而附近只有這裡接受八達通信用卡簽帳!好一段日子沒有幫襯扒王了，平日的午市原來全場爆場；打開午市餐單，價錢只由$37起，選擇多達廿款以上，環境又算企理，看來就是人多的原因。

當日媽媽自已一個抱著寶寶，隨便點了份午餐B，內容是穀飼牛肉漢堡拼黑椒雞扒($41)。

餐湯可選火腿蘑菇忌廉湯或雜菜湯，媽媽選了前者，看似內容豐富，實而味道很粉，差勁，而且同上的軟餐包也只是溫熱。

強差人意的頭盤後，還好主菜水準較好：不知是否心理作用，穀飼牛肉製作的漢堡扒，吃來肉味似乎要純一些，沒有躁味異味，配以濃濃的黑椒汁頗為香口惹味，而且份量不少約有8安，令人吃得滿足。

另一邊的雞扒理所當然淪為配角，全靠濃惹的醬汁才清的碟；最後當日沒點飯或意粉，而是要的薯菜，內容全是久違了的粗薯條，怕油膩關係媽媽只吃了一半，滋味其實不差的。

最後再來一杯少甜少凍的凍檸茶，半小時就完成簡便一頓。

這餐加一埋單是$45，難得店方也不介意小面額簽帳，提供了快餐店以外的非現金交易選擇，真好，說不定以後還有返兜的機會!

太耐無去過扒王之王.近幾年的扒王之王開始衰落.有很多結業,存在的環境也殘舊.而服務也冷淡.員工也偏少.當日我去到.晚市樓面只有2位員工.價錢92元一份餐.屬中價水平....前菜:麵飽.羅宋湯前菜沒有問題.麵飽是硬麵飽.也叮熱才上枱.羅宋湯酸酸.味道濃.令人十分開胃.西冷牛扒:夠大塊.不過我叫的是5成熟也韌,什難咬開.難道我老?肉味亦缺乏.全憑汁才帶出味道.幸好食完扒也不會覺得太飽.配菜薯仔也份量足.回頭機會不是無.只是有緣再聚

習慣嘆完個早餐先返工，初到元朗返工，試過好多間茶餐廳，又嘈又迫，啲侍應好似摧住你食完快啲走噤，一心諗住去大快活食就算數，點知經過扒王之王，見佢原來都有做早餐，即管又入去試吓，點知...有驚喜喎！..環境：環境寬敞，裝修佈置燈光，都好協調，加上朝早唔係噤多人嚟食早餐，自己可以霸哂成張枱，坐係卡位梳化，成個感覺好舒服。

我見好多伯伯，姨姨都係長期擁躉，嘆早餐，再嘆埋份報紙，近窗口嘅位置有啲陽光射入嚟，成個人都精神哂！最重要，係啲侍應唔會望實你，想你走噤，可以安安心心，慢慢坐。

食物：餐牌都好多款，食物有水準，食過牛扒火腿配多士 / 金菇肥牛烏冬 / 吞拿魚三文治 / 即磨咖啡。

一般都有水準，賣相都好，誠意之作，係吞拿魚三文治 差啲，唔夠份量，似茶餐廳水準。

價錢：價錢比茶餐廳貴$23左右。

星期六/日會跟餐牌加$2，哩個唔知係咪元朗嘅特色﹖對面果間台式茶餐廳都係噤，假日加$2.。

不過，淨 $23蚊，有得俾你坐得噤舒服，我覺得值囉。

服務：女經理好NICE好醒目，嚟咗兩三次已經認得我，會打招乎，落單就問我係咪飲齊啡，有HEART ~一試之下，我基乎日日都係哩度食完早餐先返工，因為，元朗朝早真係冇咩坐得舒服嘅餐廳。

咖啡迷，哩杯茶餐廳唔會見到嘅即磨咖啡，竟然係度撞翻佢，晨早流流未瞓醒，見到佢好真係醒哂！ 第一次，我係食最基本嘅早餐，賣相就相當OK，見到會想食，牛扒冇我最憎嘅梳打味，冇入水，平時唔多食粟米嘅我都覺得幾好味，有誠意嘅早餐。

第二次，我食哩個金菇肥牛湯烏冬，一嚟我就覺得佢個賣相依然得，湯底夠濃但唔肥膩，我一食鍾情，之後日日都叫哩個，不過，佢俾隻叉我嚟食烏冬就真係有啲唔夠細心喇！... 今日，冇咩胃口，問個侍應，食咩好，佢介紹咗件吞拿魚三文治，吞拿魚同我最緊張嘅生菜都新鮮，不過好似淨緊啲嘢，有啲清減咗少少。

扒王之王餐單提供西式, 扒房等推介美食位於元朗區，餐廳座位數未知人均消費約$101-200，結賬可以用現金。

您對於元朗餐廳「扒王之王」有何 comment？

扒王之王餐廳詳細資料：

• 扒王之王地址:
  元朗谷亭街11-13號地下
  Steak Expert, G/ F,11-13 Kuk Ting Street, Yuen Long
• 扒王之王電話:  
• 扒王之王價錢: $101-200
• 分類: 西式, 扒房
• 座位: 未知
• 付款: 現金
• FB專頁: 扒王之王 Facebook

更多扒王之王相關資料:

• 扒王之王分店
• Youtube
• Facebook
• Twitter
• Google