Homey Cafe 元朗

Homey Cafe 評價 相片

可以好誇張咁講，homey係我喺元朗食過最好味、環境最好嘅cafe。

五月去完之後，其實有食過翻尋味再去，不過發現已經換咗做一間米線鋪。

至於點解咁好食？可能一嚟係因為以後冇機會再食，二嚟就係真係好好食。

我仲記得，等佢上菜應該都有二十分鐘，不過係要新鮮整啊嘛，等下都值得嘅。

佢個香腸水牛芝士pizza係正宗薄身嗰種pizza，有好多水牛芝士，仲有沙律菜喺面頭，包住嚟食嘅感覺好滿足。

新鮮出爐、唔會太膩，水準好過pizza express。

另外叫咗個豬肋骨，分量都幾多嘅，有五六條肋骨，佢嘅燒汁味道唔錯。

值得一提係佢嘅smoothie，個peach smoothie都幾好飲。

入面有好粉嗰種碎冰，奶味又夠，果汁唔係化學味，加上個環境真係好好㗎 ，夠oldschool、懷舊，可以坐好耐下。

不過好可惜，homey已經結業，而家已經搵唔翻嗰種味道。

如果有食客知道會再開，唔該話聲我知啊~

難得入元朗，梗係搵啲小店食下啦。

18:30入內，我地叫咗1.炸洋蔥圈外面幾脆，但無乜味，要加少許鹽。

2.煙肉芝士漢堡個包可以焗多陣再脆啲，塊牛肉乾咗啲。

3.炸魚薯條炸魚個漿應該同洋蔥圈一樣。

其實三款食物都不過不失。

我自己加鹽，總好過廚師落，會好咸。

那個應是老闆娘嘛，態度好好啊，有種friendly的感覺。

元朗都試得七七八八,今次同小比再來homey cafe,估唔到疑似老板娘好好記性,記得小吉來過,連位置都記得,今次簡簡單單,先來小比最愛甘筍湯,甜甜地,忌廉湯使湯更滑,可口,再來忌廉藍青口,有煙肉,洋蔥調味,青口有兩種口應,一種嫩而滑,另一種比較實肉,唔錯蟹肉忌廉菠菜意大利麵,我自比較少食意大利麵,呢個幾足料,蟹肉味突出,菠菜也清新,麵我想淋一點更好雙層牛肉芝士漢堡,好大又高,一分二剛好,薯條比較細長,不像手工切,但脆口,牛肉有肉汁,芝士不夠香濃,麥包我不太喜愛,但都唔錯最後錯叫了的飲品,不是奶昔,應該是青蘋果沙冰同熱情果,好甜唔錯間了成年,今次再來,意外地店員有印象,食物水準好像進步了,服務仍是好

近年元朗食肆林立…尤以西餐廳最多…簡直多到試唔哂…唯會返轉頭再幫襯既…即係價錢合理食物有水準又唔會好難等位既…都算廖廖可數…今次回來…原來已經係一年之後……餐湯係我喜好…甘荀既味道係頭一啖已經發揮得淋漓盡致…意粉軟梗適中…忌廉汁唔多唔少恰到好處…外表好似好草食…實則每一口都可以感覺到細若柔絲既蟹肉同芝士…依稀還可以感覺到火紅色既蟹粉味道呢…藍青口旋轉式既擺放…反映出廚師既心思…忌廉汁唔係單純既忌廉汁…亦配合了洋蔥煙肉既一點點咸香味道…藍青口似乎有兩個品種…一大一小梅花間竹的排列著…感覺小小較為細嫩好味…漢堡包極為大份…成個ufo咁…雙層正好…一人一邊唔駛爭…牛肉漢堡好厚身…仍留有少許肉汁…芝士味唔太溜…但朋友唔喜歡配麥包既粗糙感覺…嘆完包包…薯條依然鬆脆…唯茄醬味道較淡…最後再點了健康飲品…原本以為smoothie係奶昔…原來係沙冰黎…清新而帶甜…一年之後…相同時間…相同地點…相同人物…不同座位…不同食物…不同感覺…服務依然親切可人…食物依舊心思細密…唯要感恩既係你同我依然健康活在有講有笑…

都3年冇黎homey了叫左幾樣野，包括菠菜蟹肉意粉、千島醬pizza、雞肉wrap、雞翼、煙肉芝士薯條菠菜蟹肉意粉都幾好食，係有d"漏"，d蟹肉係好碎融入左?d汁度，不過都幾多料ge。

千島醬pizza好薄好脆好好味，推介！水牛城雞翼一客有5隻，??好，酸酸甜甜好開胃～好正，本身薯條已經好食，再加埋咁香ge芝士味，真係好想一個人食晒一碟！蕃茄鮮蝦意粉又係好好味，d蝦幾多！但個芒果smoothie就好唔得好差，其實我expect有奶／yogurt added in it，而且我feel到唔係真ge芒果整ge，係芒果味糖水咁，講真我都係廢事浪費先飲，都唔好飲

Homey Cafe餐單提供西式, 美國菜等推介美食位於元朗區，餐廳座位數未知人均消費約$101-200，結賬可以用現金。

您對於元朗餐廳「Homey Cafe」有何 comment？

Homey Cafe餐廳詳細資料：

• Homey Cafe地址:
  元朗西菁街23號富達廣場地下15-16號舖
  Homey Cafe, Shop15-16, Manhattan Plaza,23 Sai Ching Street, Yuen Long
• Homey Cafe電話:  
• Homey Cafe價錢: $101-200
• 分類: 西式, 美國菜
• 座位: 未知
• 付款: 現金
• FB專頁: Homey Cafe Facebook

更多Homey Cafe相關資料:

• Homey Cafe分店
• Youtube
• Facebook
• Twitter
• Google