初心 佐敦

初心 評價 相片

依間開左無耐既餐廳由一間賣雲吞嘅網店, 到依家決定再下一城開埋地舖💪除咗有主打嘅雲吞, 仲提供自家製嘅刀削麵、拉麵同小食等等☺️食物既味道都充滿家的感覺🙊餐廳既裝潢都比較現代化, 地方整潔寬闊, 坐得舒適😎⋯🥟sɴᴀᴄᴋ· 宮廷韭菜餃 $34/5粒﹟宮廷餃其實即係煎餃, 不過餐廳特別在仲會加埋蛋一齊煎, 用左鐵板型式咁上🥰粒粒都足餡, 最欣賞佢皮夠薄, 食落味道清清地, 不過未至於唔夠味, 足以證明真係無落任何味精果啲🤤👍🍴ᴍᴀɪɴ· 香滑落湯雞藥膳灌湯刀削麵 $63﹟雞同麵嘅份量都係比足曬🙌‼️個麵用左砂煲黎上, 成程都夠熱辣辣♨️湯底帶點淡淡既藥材味, 飲落清甜, 非常易入口🙆🏻‍♀️重點係啲雞係真係做到滑雞, 食落嫩口, 好難得😝刀削麵不太厚, 所以食落唔會話好重粉感, 不過個人會想個麵質感再有咬口啲, 食到最後啲麵比較淋咗d🤔另外啲麵或者定食都可以再加配其他美食, 我就追加左隻藥膳溏沁蛋(+$10), 蛋黃效果不錯, 食落甜甜地咁😉💕🍴ᴍᴀɪɴ· 豬軟骨芫荽刀削麵 $67﹟份量同樣地都係好慷慨🙊出面真係好少可食到「芫荽」既刀削麵, 引唔住要試下🤪麵嘅顏色係呈淺綠色, 成個鍋都充滿清香芫荽味, 湯同麵一齊食更加滋味💚如果啲豬軟骨更加軟腍就好啦😛🥤ᴅʀɪɴᴋ· 豆漿 $10﹟以為會係一杯正正常常嘅豆漿, 但飲落係十分滑口既自家磨豆漿, 一啲渣都無, 甜度又唔會太高, 啱啱好👍💕

餐廳：初心 (佐敦)地址：佐敦廟街259A號地舖佐敦廟街最近新開咗一間主打自家製雲吞同湯麵嘅小店——初心，見到個名就知老闆希望大家可以喺到食到食物最真嘅味道，以赤子之心去製造每一樣食物💕，甚至連麵粉都喺自己搓、刀削麵都係自己削、雲吞都係自己包，堅持唔用現成即食嘅來貨👍入咗餐廳見到有啲盆栽🪴，有啲公仔擺設🧸，仲有一幅痴咗喺牆上嘅世界地圖🗺️，都坐得幾舒服，有啲屋企嘅感覺🏠✝️家鄉祖傳豬軟骨刀削麵 $63湯底預設咗藥膳湯，藥膳味道由餐廳自己調配，味道唔會好濃，所以相對較易入口😙；刀削麵喺餐廳自己搓同自己削嘅，麵嘅闊度同長度都算均勻，幾有韌度，我特別鍾意豬軟骨嘅份量好多，唔會好鹹，炆得都幾腍吓，值得一試✝️宮廷。

煎鮮肉雲吞(韭菜) $34一份有五隻，雲吞全部都喺自己人手包，呢到煎餃嘅獨特之處喺加咗煎蛋🍳，同時用咗熱石板去做容器，所以雲吞嘅熱度可以keep得耐啲，餡料喺豬肉碎同韭菜，味道相對健康淡口，唔會好油膩😌✝️炸奶白饅頭 $24一碟有四件饅頭，同一般嘅饅頭最大分別喺個外皮好香脆，而入面就好鬆軟，唔少得緊喺蘸煉奶食啦🤤，唔該比多碟我😎（記得食之前要摵走饅頭底張紙啊）✝️藥膳糖心蛋 $10平時糖心蛋就食得多，藥膳糖心蛋你又試過未🥚？用筷子輕輕拮開糖心蛋，流心嘅蛋黃即刻湧流出嚟，放入口有陣陣藥膳香，唔會太濃搶過本身嘅蛋香

IG網店 @initialheart.hk 喺佐敦開設實體店，為食嘅我就當然為大家捐窿捐罅，同大家試下呢間小店出品。

@initialheart.hk 起初專賣新鮮雲吞，堅持✊🏻採用新鮮食材，所以出品有保証📃！佢地今次主打自家製藥膳刀削麵，所以我就叫左一份「豬軟骨藥膳湯刀削麵」。

湯底係用豬骨、黨參、杞子等藥材熬成，味道鮮甜帶點藥材甘香味，幾有心機👍🏻！刀削麵都係由小店親自製作，口感都幾彈牙、滑口！豬軟骨煮得幾腍身，每舊都幾大件添😋！除咗豬軟骨，口水雞🐥同雲吞同樣不容錯過！口水雞採用秘製辣油十分香辣🔥，配埋蒜蓉碎更加惹味！當你打算飲杯水，解下辣🌶時，陣陣麻香直衝而上，非常過癮！另外，我幾鐘意佢地自家製新鮮雲吞，餡料多而且豬肉食落好鮮甜多汁，值得一試！雖然佢地主打藥膳湯麵🍜，但佢地仲有好多小食。

店主就推薦呢款「太子雞翼」，用蛋漿沾滿薯片碎，味道好香，食落幾香脆！仲有蔥油餅、炸饅頭都好受食客歡迎👏🏻！而小店自備左荔枝紅茶招呼客人，都幾細心💕。

小店採用新鮮食材，認真做出特色食物。

我都幾推薦大家嚟試下佢地出品😄，特別係藥膳湯麵🍜、雲吞 同口水雞😋，唔想煲湯又想去補下身就要嚟試下～

喺佐敦巷仔嘅一間唔太起眼小店，但有驚喜！兩個人叫咗一個手撕雞刀削麵，10隻菜肉餃同炸饅頭仲有太子雞翼。

第一樣嚟嘅係淨手撕雞，食落即刻有驚喜，啲雞好滑，又夠辣，但就同個刀削麵唔太夾，覺得叫手撕雞飯會正啲👍🏻不過刀削麵都唔錯！至於餃子真係必叫，個藥膳湯好正，不過叫咗10隻太多最後都食唔晒。

而饅頭同個雞翼都麻麻，本身好期待個雞翼，炸得幾脆但冇味，個炸饅頭同出邊普通嘅唔同，佢淨係會炸一半，個人就覺得唔係太好食，始終炸饅頭都係想食脆嘅感覺😅

窮遊香港佐敦自家製刀削麵新店 主打藥膳湯底 佢地出品幾有誠意 雲吞 刀削麵都係自家製 岩岩新開 今日去試試先.⭐️秘製麻辣口水雞刀削麵$65 太子湯底👍🏻先講口水雞 好高質 滿分👍🏻雞脾位明顯見到有啫喱 肉質嫩滑👍🏻口水汁 夠香 夠咸 夠甜 夠辣 perfect👌🏻刀削麵 有少少粗幼感 明顯係手工製🤔相對比 #拾味 薄身 但都因為咁比較入味太子湯底其實係麻辣湯 有啲似譚仔三小辣入口 麻辣味幾香小小酸酸地 辣味保持 但唔會疊加.⭐️特級手切牛肩胛芫荽刀削麵$68 藥膳湯底👍🏻牛肩胛 好足料 有56片 幾大片👍🏻肉質結實 半熟 細嫩小小肥 幾重肉味 👍🏻加咗豬軟骨試試 同樣勁大舊口感似牛腩 豬軟骨入味軟骨位置保持口感有少少咬口唔係一般市面啫喱口感嘅豬軟骨‼️藥膳湯底係重點 好清甜 藥未啱啱好唔會太重😋同行朋友唔鍾意食芫荽 表示好鍾意呢個湯.⭐️太子雞翼😋新鮮即炸 夠熱 中間保持到少少汁😋外層加咗少少薯片碎 有層次 香脆🤔但就唔太感覺到麻辣味可能前面麻辣湯 口水雞 已經打爆咗我味覺 仲辣緊.⭐️煎鮮肉雲吞$34 （5粒）大白菜 小棠菜好特別嘅煎餃 餃子底下加煎汁 一齊煎餃子相對冇咁香口 但多左煎蛋蛋香旁邊有個 餃子醋汁 酸味十足 少少太酸（我個人鍾意點口水汁 正）.⭐️蔥油餅$26正常 好食 冇特別 唔多講.#hkfunfoodrecord窮遊香港#hkfunfoodrecord_佐敦. #初心 (佐敦) @initialheart.hk 地址：佐敦廟街259A號地舖.⭐️評分：味道：4/5環境：3.5/5服務：3/5抵食：3.5/5

初心餐單提供滬菜, 上海, 粉麵, 米線, 雲吞, 餃子等推介美食位於佐敦區，餐廳座位數未知人均消費約$51-100，結賬可以用現金，Booking訂位可以電話致電 52000905 查詢。

您對於佐敦餐廳「初心」有何 comment？

初心餐廳詳細資料：

• 初心地址:
  佐敦廟街259A號地舖
  Initial Heart, G/ F,259 A Temple Street, Jordan
• 初心電話: 52000905
• 初心價錢: $51-100
• 分類: 滬菜, 上海, 粉麵, 米線, 雲吞, 餃子
• 座位: 未知
• 付款: 現金
• FB專頁: 初心 Facebook

更多初心相關資料:

• 初心分店
• Youtube
• Facebook
• Twitter
• Google