鮨慎 中環

鮨慎 評價 相片

鮨慎 𝗦𝘂𝘀𝗵𝗶 𝗞𝗮𝗺𝗶 👨🏻‍🍳🥰🥰又係𝗢𝗺𝗮𝗸𝗮𝘀𝗲 時間🍣自從愛上左食𝗢𝗺𝗮𝗸𝗮𝘀𝗲 之後，成個人變得好有計劃！因為次次都要早一至兩個月前book🥲 今次食𝗦𝘂𝘀𝗵𝗶 𝗞𝗮𝗺𝗶 就早左個半月book 🤣🤣 我第一次有記低晒所有魚嘅名🍣！！！𝗦𝘂𝘀𝗵𝗶 𝗞𝗮𝗺𝗶，係正宗嘅日本𝗢𝗺𝗮𝗸𝗮𝘀𝗲 🇯🇵，日本師傅，日本風格嘅設計🏯同壽司🎎。

訂左星期日第二輪1:30pm，入到去得2枱，當然有Chef嘅細心招待🤩 佢識少少廣東話，識讀晒全部壽司名🤣🤣 好可愛😛我地揀咗「神水 𝗞𝘂𝘄𝗮𝗺𝗶𝘇𝘂」𝗛𝗸$𝟲𝟴𝟬，有𝟭𝟮貫壽司🍣。

上完『茶碗蒸🥚』同『前菜八爪魚🐙』就正式開始啦！估唔到第一件係⋯⋯『中拖羅🐟』 係中𝗧𝗼𝗿𝗼呀🤩🤩🤩鍾意食重魚油嘅我，當然對第一件非常滿意☺️亦都打開咗我嘅味蕾😃油脂豐富又唔會搶咗魚嘅鮮味🤩🤩『右口魚👉🏻🐠』 比平時食嘅右口魚無咁重魚油，因為出面食到嘅通常都有燒過。

我好滿意呢個白魚🥰 佢好爽口彈牙，仲有好清新嘅魚香。

同我之前食過嘅白魚好唔同，應該係暫時最好食嘅😇『甜蝦🦐』 睇落去平平無奇嘅甜蝦，估唔到一咬落去除咗有蝦嘅鮮甜，仲有濃郁嘅蝦膏味🥰 蝦膏應該有炙燒過，夾咗係蝦與蝦之間。

係我其中一件最滿意嘅壽司🍣🤫🥰『深海池魚🎣』 同樣係白魚，個人覺得右口魚比較出色。

但當然食得出係極之新鮮嘅深海池魚🥰『白垣貝🐚』 白垣貝稍為有啲失色，加咗少量嘅調味，但味道仍然偏淡。

但食得出佢嘅新鮮爽口😋！『金目鯛🔱🐡』 金目鯛係我其中一種最喜歡嘅魚類☺️ 爽口、新鮮、魚香，一百分💯❗️『赤鯥』 赤鯥係今餐唯一一種炙燒嘅壽司🍣。

好適合我，個人唔太喜歡Omakase有太多炙燒嘅魚類🤫 赤鯥厚薄適中，炙燒過嘅赤鯥充滿魚油！Yummy😋😋😋‼️『醬油漬赤身』 呢個赤身係我今餐最喜歡嘅一個壽司🍣🥰 加咗少少洋蔥喺面頭調味，充分帶出左赤身嘅魚香。

整片赤身覆蓋住整個壽司飯，啖啖都係魚香🌟💯💯💯💯💯❣️『大拖羅』 有赤身、中𝗧𝗼𝗿𝗼，當然唔少得大𝗧𝗼𝗿𝗼🤣🤣🤣日本Omakase 比較鍾意用吞拿魚設計出唔同嘅壽司☺️我個人當然好鍾意。

一放入口有滿滿嘅油脂油香，絕對冇人可以抗拒到🤤🤤『鱒魚』 第一次食Omakase遇見到鱒魚。

鱒魚係三文魚嘅一種，油脂冇一般市面上食到嘅三文魚咁豐富。

不得不讚師傅嘅刀工，將鱒魚切到好似藝術品咁☺️ 味道方面，食落去唔係好似三文魚，唔識形容😛，不過好食得黎又冇三文魚咁膩。

個人唔太喜歡食三文魚，但呢個鱒魚真心正🥰❣️『昆布海膽』 有聽過Sushi Kami應該都有聽過昆布海膽🤣 佢哋嘅名菜！海膽好新鮮，但我個人偏好普通日本海膽😛但係我見好多人都覺得呢個超好食🤣『吞拿魚腩茸手卷』 最後，當然唔少得一個吞拿魚腩茸手卷作結。

師傅好細心，知道我唔食紫蘇葉，無包落去俾我✌🏻睇住佢製作手卷好治癒🥰🥰包左好大舊吞拿魚腩茸落去🤣🤣如果要我今餐揀一樣最愛，佢係我今餐嘅Number One ☝🏼 ❗️❗️『玉子蛋糕』 甜品方面，有玉子蛋糕🍰好少地方食到！重蛋味又有蜂蜜蛋糕嘅感覺🥰🥰好特別好好食😋 師傅知道女士口細，專登切開兩舊俾女士享用，好貼心☺️🥰『芝麻雪糕配米餅🍨』 第一次食Omakase有咁特別嘅甜品🍮唔係好鍾意食雪糕嘅我，都差唔多食晒🤫 到最後師傅仲送左個熊啤啤米餅🧸俾我🥰 (女士先有㗎!!!) So cute 😇😇☺️☺️!!!𝗦𝘂𝘀𝗵𝗶 𝗞𝗮𝗺𝗶 除左有100分嘅服務同可愛嘅日本壽司師傅🇯🇵👨🏻‍🍳。

其實佢嘅舍利🍙都好好食！同樣都係用上赤醋，濕度同比例都啱啱好。

對比起之前食過嘅赤醋飯，味道稍為偏酸，所以同白身魚好夾！難怪我覺得今次嘅白魚十分出色🤩🤩初初先入為主，以為日本人主理嘅omakase 會平平無奇🥲但點知超級有驚喜！完全食到魚嘅鮮味🥰 所以一定會再光顧！！！亦都十分推介大家試吓，記得早啲book枱☺️☺️

鮨慎係比較傳統既壽司omakase，唔會有好多花巧野，主要食食材鮮味。

最近今次食既lunch都要三個月前訂定，我訂果陣要求坐bar枱同埋要日本師傅整，今次serve既係Kami San，識廣東話，每件壽司上既時候都會講下係咩壽司神水 ($680)茶碗蒸八爪魚 柔軟有小小彈性，鮮甜味唔錯，醬油醃漬味道啱啱好中拖羅第一件壽司係比較濃味既中拖羅，魚味同脂香同樣濃郁，質感柔軟，差唔多係入口即融😍醋飯用赤醋，微酸，算係比較柔和既味道左口魚通常左口魚都係炙燒做法，食魚油香，呢件冇咁做，爽口有清淡既魚味，亦有小小袖子，食落幾清新甜蝦 甘甜軟糯，暫時食過最好食既甜蝦😍深海池魚 魚味唔錯有油香，同左口魚一樣用袖子突出鮮味北寄貝表面有𠝹花，幾鮮甜，但又係用袖子，連續幾件都有袖子，味道有啲重覆😂金目鯛由呢件壽司開始上啲比較濃味既魚，冇炙燒過但食落油脂已經好香😝赤身色澤幾靚，表面有𠝹幾下食落更柔軟，醬油漬做法，魚味濃郁😍大拖羅師傅將幾片大拖羅疊埋，冇筋，魚油超香😋不過我朋友話佢果幾片大拖羅溫度有啲唔同，食落差咁小小，我果件就唔太覺有呢個問題春子鯛師傅上果陣話係鯛魚BB😂魚味好濃既白身魚赤鯥少數有炙燒過既壽司，油脂豐富，魚油香到不得了😍雖然係白身魚但油脂同拖羅差唔多，全餐最驚喜既一件吞拿魚蓉手卷紫菜好脆，魚蓉高質，手卷入面有紫蘇葉，好食😋玉子燒好少會有兩種唔同既玉子燒，一種綿密，另一種鬆軟，兩種都好好食😝昆布海膽食完玉子燒之後我發覺好似冇食到海膽，而我上兩次黎食係有既，我數返食過既壽司有十一件，但呢個set係有十二件既，咁我問個侍應呢個set係咪應該有海膽，佢話係，我答返佢話冇食過。

之後佢同師傅講，師傅就呆左咁十幾秒，之後整返比我地食😂朋友仲話冇可能會漏左架，但佢真係唔記得左整😂同平時食既海膽壽司唔同，呢度係昆布海膽，海膽唔錯幾鮮甜，但應該因為有昆布先咁甜，好食不過鐘意海膽軍艦多啲最後仲有個芝麻雪糕配最中餅，正常水平全餐飯除左師傅漏左件海膽外，都冇咩好挑剔。

價錢合理，服務幾好，同埋質素好穩定，三次黎食都係咁好食😋價錢: $748/位 (有加一)環境: 8.5/10味道: 9.5/10性價比: 9.5/10

十三少生日，今年無開生日會，只簡單食餐飯。

師傅話鮨慎已開了4年，但我們第一次幫襯。

他們主打壽司，玩調味為主，頗為樸實，沒有時下流行的華麗精緻裝飾和創新配搭，各有千秋各有followers! 食材勝在新鮮，不過我和十三少都稍嫌調味濃了些，例如筋子和赤身都太鹹了！這Sake帶甜口，我就頗為喜歡 ，另外杯子底部只有禿樹枝，但一倒入sake就呈現櫻花，好有趣呢～子薑如薄膜般叠好，好正，師傅刀功一流 左口魚 配sake汁，清淡但鮮甜，魚味濃北海道粟米凍湯 唔明幹嗎做凍湯，熱湯熱湯才可口（我個人覺得）鮑魚，八爪魚 八爪魚好冧，鮑魚無咩鮑魚甜味，亦唔夠冧，配個鮑魚汁飯，有點遜色，我在別的壽司店吃過鮮味得多木魚/鰹魚 配洋蔥酸汁真明鰹魚 魚肉好爽實冰庫縣失津蠔 同一般西餐食的生蠔的調味汁很不一樣吃不完的新鮮壽司：※深海池魚 有味飯配合得太好了※金目鯛 用昆布包住醃兩日，所以帶鹹※象拔，響螺※牡丹蝦 非常黏口※北寄貝 不是超甜，但還可以※野生三文魚 好甜好林※黑鯥魚※池魚※沙甸※筋子※中拖羅（這是波士頓野生吞拿魚當造，而日本現時※吞拿魚非當造期）※大拖羅（因為野生不會肥到像野生的淡淡色）※赤身（最濃味）但太鹹了※昆布包海膽 好特別※白海膽 濃厚的海膽味玉子燒 不含麵粉用淮山粉，蛋，糖，cream，好似布甸的口感這個生日蛋糕不甚動人，動人在於隻花花碟是人手用糖繪畫的，實在太感謝了！

My favourite spot for sushi🥰❤️ . Super good value for the price (lunch $680 12 pcs), especially in Central area. Overtime, I’m always being asked by my friends which is the best place for omakase in HK, and here you go sushi kami 鮨慎. superb & fresh ingredients, ingredients were processed perfectly ( seasoning/ cutting, etc) and great services.We were served by男c fu, he is very professional, explained the ingredients and how they processed for every piece of sushi. Lunch set includes ( I requested for more shell):Steamed egg// octopus🍣kue//深海池魚//石垣貝//甜蝦// 粒貝//金目鯛//池魚//中拖羅//大拖羅//小櫥//昆布海膽//葱吞拿魚手卷Tamago// ice creamPrice:$7800 pp for lunch

Managed to pick up a lastmin 2 counter seats for a nice omakase lunch with my gal friend.Tip: The omakase lunch price is set on the higher end but it’s the range in Central.Overall, excellent persentation and execution by the chef, very fresh sashimi and sushi, great ambience and service.We enjoyed the lunch a lot and it’s a great experience.

鮨慎餐單提供日本菜, 廚師發辦等推介美食位於中環區，餐廳座位數31人均消費約$801以上，結賬可以用Visa,Master,現金,AE,銀聯，Booking訂位可以電話致電 25100045 查詢。

您對於中環餐廳「鮨慎」有何 comment？

鮨慎餐廳詳細資料：

• 鮨慎地址:
  中環安蘭街18號12樓
  Sushi Kami, 12/ F,18 On Lan Street, Central
• 鮨慎電話: 25100045
• 鮨慎價錢: $801以上
• 分類: 日本菜, 廚師發辦
• 座位: 31
• 付款: Visa,Master,現金,AE,銀聯
• FB專頁: 鮨慎 Facebook

更多鮨慎相關資料:

• 鮨慎分店
• Youtube
• Facebook
• Twitter
• Google