潮廳 中環
地址: 中環皇后大道中9號嘉軒廣場2樓TheGalleria
最後更新:
潮廳推介
餐廳環境寬敞，裝修走華麗的懷舊風。餐廳主打正宗的潮州菜，包括潮式甜油粿、懷舊糯米卷等。
中環潮廳
| 餐廳分店 | 潮廳 |
|---|---|
| 地區 | 中環 |
| 電話訂位 | 25268798 |
| 餐單 Menu | 潮州菜, 中菜館 |
| 人氣指數 | 837 |
| 價錢幾錢 | $201-400 |
潮廳訂位位於中環區，詳細地址是中環皇后大道中9號嘉軒廣場2樓TheGalleria，餐廳寬敞座位數目共有120個。潮廳幾錢？價錢優惠後人均消費大約$201-400埋單，早餐午餐晚餐潮廳餐單包括有潮州菜, 中菜館等美食，付款方式有Visa,Master,AlipayHK,支付寶,現金,AE,銀聯,JCB,微信支付付款，Booking網上訂位可以電話致電 25268798 查詢訂座。
潮廳優惠
潮廳 評價 相片
繼早兩個月前美人姐姐介紹過「唐人館」推出抗疫三大優惠後，上星期迷人uncle就揀咗喺同集團旗下嘅「潮廳」設宴款待肥肥家族。
據悉，潮州菜館一樣可享全單七折（外賣都有！）及免收開瓶費，而特價菜式則有$498一隻嘅「潮州凍龍蝦」。
位於中環嘅高級中菜廳由正門中英並齊嘅金漆招牌到室內裝潢都帶有濃厚嘅西洋風味，設計風格明顯同姊妹餐廳無異。
於接待大堂排隊等候量度體溫時，發現牆上掛上不少香港舊照，真係想唱返首「舊日的足跡」。
用餐大堂樓底高高，光線柔和，格調典雅。
七人晚宴被安排於廂房內進行，寬敞闊落，厚墊椅櫈亦十分舒適，私人空間及空調都好足。
貼身嘅服務都好唔錯，唯一斟酒速度唔夠快，不時都要主人家自己黎，莫非這就是免收開瓶費之代價？！XO仔慣性早到，可以盡情四周拍攝之餘，仲可以慢慢研究餐牌。
厚本餐牌首頁先為總廚作出簡介。
散點菜式分類列出，全為中英對照，並附有彩圖參考。
眼見網上嘅記錄並不齊全，小弟先喺度發佈。
尾頁為附加項目之收費表，包括茗茶、醬油、白飯等。
美人姐姐早已為派對訂好九大簋菜單。
白色枱布上嘅自用及共用餐具齊備，連口罩紙袋都有，衛生意識極強。
餐巾以金線繡出店名，矜貴得很。
潮州凍龍蝦（抗疫優惠價$498/隻）：橙亮嘅凍龍蝦擺盤精美，碟上每片龍蝦肉均已去哂殼，厚身得黎雪白爽彈，點上甜甜嘅秘製柑桔油更覺鮮香，抗疫優惠不容錯失。
滷水鵝片、掌翼、鵝肝拼盤：滷水鵝片鬆軟入味，小肥一向怕骨所以冇試到啲掌翼，不過第一刻夾上鵝肝時，隔住筷子都即可感覺到靚肝柔軟嘅質感，入口更加係香潤滑溜，食夠三件都毫不膩口，正到可以話係細佬食過最正嘅滷水鵝肝呀！鮮炸手打蝦丸：如相所示，熱辣辣嘅炸蝦丸並無黏上厚厚嘅炸漿，咬落爽脆有彈性，清甜香口，而且一啲都唔油膩，送酒一流。
普寧灌章（$69）：原來所謂「普寧灌章」亦即潮州蘿蔔糕。
菜式煎得好夠乾身，外層香脆，半透明嘅蘿蔔糕則煙韌中帶點爽脆，輕巧易入口，十分討好。
百寶冬瓜盅：冬瓜盅相當足料，冬瓜半爽半腍，湯底集齊海鮮及火腿之鮮味，芳香甜美。
香煎蠔仔酪（$168）：蠔仔酪薄就夠薄身，個人只係略嫌餡中嘅蠔仔唔夠肥潤，而且份量偏少，係整頓晚餐最失色嘅一道。
陳皮蒸方脷：餐牌上冇列出嘅方脷係主人家托經理Anson哥哥專登搵嘅，魚肉幼嫩軟滑，以陳皮蒸煮更能突顯靚魚嘅鮮甜。
香酥荔茸鴨（$188/八件）：潮州名菜荔茸鴨外表金黃，第一口咬落去極之酥化，第二口則食到荔茸嘅香軟，鴨肉亦軟潤可口，名店嘅功夫菜果然冇甩拖，堅掂！魚蛋浸汕頭白菜：煲內嘅魚蛋每隻均白雪雪、脹卜卜，鬆軟爽彈，半帶脆口；翠綠嘅紹菜有爽有腍，同個湯底一樣咁清甜。
糖醋黃金伊麵（$198）：受酒精影響下，XO仔喺分餸前唔記得咗影相，不過分咗餸後幅相都可以睇得出伊麵當真如餸名般金黃橙亮！糖醋麵乾巧香脆唔油膩，簡單可口。
甜品上場前先有消滯暖胃嘅靚茶。
糕燒甜三寶（$198）：甜三寶夠軟同腍，甜而不溜。
薑薯綠豆爽（$48）：微甜嘅綠豆爽則輕盈清新。
出咗名貴嘅高級潮州菜館「潮廳」環境高雅，中西合璧嘅裝潢及懷舊嘅設計甚有風格，服務生亦好客專業。
集團選擇於抗疫期間優惠顧客，實屬有心之舉，傳統潮菜高質美味，當中超正嘅滷水鵝肝包保大家食過反找尋味，全單七折當然成功吸引不少貴客，天天滿座不無道理！
疫情下，很多餐廳都有做折扣，呢間高級潮州菜餐廳「潮廳」，我同班同事出去食午餐成日經過，見到佢堂食7折，另外午市外賣亦有優惠套餐，$ 108可選一款潮粵小吃，一款潮式粉面（所有湯粉可以轉米粉，河粉或粗面），仲送時菜一碟，都幾抵。
今天與幾個同事特意一嚐此潮廳外賣午餐，各自選自己所好，我就選咗：潮陽蝦蟹棗蠔仔肉碎湯粗麵送嘅時菜今日係上湯娃娃菜成份外賣包装得很精美，而且用較環保嘅紙質外賣盒，感覺唔錯。
蝦蟹棗有2粒，炸到金黃色，都幾大粒，攞到返公司，仲熱，好彈牙好味，而且食落唔油膩。
湯與麵係分開，所以不會把麵浸到淋晒，蠔仔肉都幾肥美，有蠔香味，湯底好鮮甜好高質素，湯底配菜有方魚、冬菇、芹菜等等。
我仲成個湯都飲晒，哈哈。
上湯娃娃菜亦都非常出色，我見到有湯底有江瑤柱、草菇等很鮮味的食材，娃娃菜吸收了各樣食材的精華，很清甜好味。
雖然係特價外賣，但係毫不馬虎，還很窩心送上花生、酸菜、蠔油及辣椒油，一百多元便可以喺公司享受到高級潮州菜，大家也很開心。
媽咪係潮州人，突然心血來潮搵一間潮州菜館帶媽咪去試吓。
一入到餐廳已經覺得好似去咗另一個時空咁，傢俬裝飾全部都好懷舊。
令我驚喜嘅太極素菜雞蓉羹， 有特色又好味。
然後亦都叫咗一啲傳統嘅潮州菜，例如豪餅，蝦棗和蟹棗！我特別懷念功夫茶，侍應好似知道我哋都好鍾意飲功夫茶，不斷為我哋添茶，服務唔錯。
因為有七折嘅優惠，三個人食，冇叫酒精類飲品，最後大概一千蚊。
晚市茶錢需要$40一位，我諗大概就係餐廳整個氣氛嘅價值所在。
這個鋪位好像以前是屬於另外一間中餐廳的，自從轉了手也沒有試過。
今天和幾個捨得洗錢的朋友去試吓。
餐牌點心選擇不多，要叫點心家常小菜或者炒粉麵飯先至夠飽。
首先講下環境，地點環境真係不錯，枱也set得很開，有行政午餐，所以我覺得很適合business lunch 。
招呼也唔錯。
普利茶懇談，沖幾泡已沒有顏色。
將這種收費的餐廳，expect 茶葉會好小小。
點心不過不失，絕對唔算好。
一份點心有三件，大概60幾蚊一碟，如果人多就要每件加。
我們食午餐大概230幾蚊一個人，但絕對唔飽。
不建議用錢去試。
老細請先去下算。
《潮廳》朝聽由灣仔搬遷至今第一次拜訪，餐廳裝潢保留前身港島廳的原汁原味。
糖醋麵$198麵面煎得唔算脆，麵底保留軟熟口感，底下鋪滿滿滿的韭黃。
整個麵配糖醋別有一番風味。
馬友凍魚$468馬友魚肉嫩，烹調時間剛剛好，水準高 。
滷水豬手$368剛踏入餐廳門口滷水味道香飄十里 。
滷水汁唔會太濃太鹹，豬手烹調時間剛好肉質有咬口，唔會煮過時太焾 。
推介！普寧炸豆腐$118豆腐炸到外脆內軟，係豆腐味偏淡。
豉油煎大蝦$298一份有4隻。
蝦身肉質爽口彈牙，美中不足係唯獨是我隻蝦有腸 ，同行三個朋友都沒有。
（沒照片）芥菜魚丸煲$208朋友們都說現在好難吃到好味魚蛋，但潮廳的魚蛋十分有八分 。
（沒照片）糕燒三寶$198三寶分別有番薯、南瓜同芋頭，南瓜超級粉本身誤以為是日本南瓜 ，經詢問之後原來是潮州南瓜。
埋單約$600／位，性價比中等。
溫馨提示：如想食凍龍蝦嘅吃貨們，打電話來訂位時可先提前預訂。
潮廳餐單提供潮州菜, 中菜館等推介美食位於中環區，餐廳座位數120人均消費約$201-400，結賬可以用Visa,Master,AlipayHK,支付寶,現金,AE,銀聯,JCB,微信支付，Booking訂位可以電話致電 25268798 查詢。
您對於中環餐廳「潮廳」有何 comment？
潮廳餐廳詳細資料：
- 潮廳地址: 中環皇后大道中9號嘉軒廣場2樓TheGalleria Chiu Tang, The Galleria,2/ F,9 Queen's Road Central, Central
- 潮廳電話: 25268798
- 潮廳價錢: $201-400
- 分類: 潮州菜, 中菜館
- 座位: 120
- 付款: Visa,Master,AlipayHK,支付寶,現金,AE,銀聯,JCB,微信支付
- FB專頁: 潮廳 Facebook
更多潮廳相關資料:
香港餐廳2026推介8月