沾仔記 中環

沾仔記 評價 相片

送走老細返大陸, 等同送走瘟神, 極開心, 8點, 是時候食dinner. 今日病病地, 食碗麵算.從IFC 行出來, 在海皮又有間沾仔噃, 咁就近食飽走. 一入去坐低, 呆坐了一會才發現要先購票, 後自己攞麵. 阿姐已經知我第一次黎, 我則說道, 慣了另一間沾仔記, 她說, 兩間都係同一老細, 但做法不同. 原來於服務上, 此老沾有點不同彼老沾.招牌牛肉麵, 加上雲吞. 沾仔記的湯底一向一流. 說麵食, 一個靚既湯底, 絕對可以提升其美味程度. 不過, 今次牛肉"un"了少少. 份量, 味道與彼老沾等同.發現這店全女班, 連煮麵師父都是大啊姐.

jason 介紹下, 咁o岩又在中環, 係機會食沾仔了!星期六, 6 點, 冇乜人, 和平時人山人海差得遠.叫了基本的鯪魚+雲吞麵.我係雲吞怪, 點會放過這間超高好評的雲吞呢~等野食果陣, 見到好多獎杯, 以為係餐廳咁勁抽攞獎, 嘩心諗咁堅????細看才知係老闆行山攞的...放在雲吞麵鋪做乜呀...鯪魚+雲吞麵都的好像牛肉球咁大, 仲驚中間唔熟, 但少擔心啦, 冇問題.雲吞超正, 蝦勁爽.21蚊, 超值!!!必定要和豬豬女友來呢.

2008112(日)今日到南Ｙ島行山,落船後见到喱一間,見價錢在中環(甚至全香港)到幾平,就進來試試.見選擇好少便點了牛肉麵＋雲吞麵（各＄16）,油菜($9)還加$4來罐汽水.原這兒跟快餐店一樣,都係購票攞野食.雲吞麵黎啦.嘩!麵爽口彈牙.無鹼水味;雲吞啲蝦鮮甜,皮薄薄地.湯底鮮甜.另外,門口嗰阿姐健談.態道好.一定有下次!

27/9 從澳門返香港3/10 去中環見工都去左呢間 "比較人少" 既沾仔記醫肚, 理論上$25一個雙拼雲吞牛肉河+可樂呢. 就唔應該要求太高, 不過與威靈頓街果邊的一間及大角咀老店相比, 真係有差天共地的分別.首先, 我通常都係食雲吞牛肉河雲吞 絕對唔係咩大隻冷藏or急凍海蝦, 海蝦幾錢斤丫, 急凍冷藏既都係咁話.咁係咩呢? 係一d用發料嚴重及過度浸發到超大隻既基圍蝦, 其實老店及威靈頓街的一間都係咁做既, 不過果邊控制比較好, 浸發得來, 仲食到蝦的味道 (注意已經唔係講鮮味)牛肉 眼見佢都係落料 加湯嗟, 弊就弊在早期製作已經將牛肉過熟. 牛肉想唔"鞋拾拾"都幾難啦.唉, 好好地一間fushion的港式掟死牛雲吞店攪成咁, 下次我會行多幾步路上威靈頓街了. 呢間? 真係肚到行多步都會暈低, 先會去. 好奇怪 呢間店既食評既分居然係一面倒地好. 咁你話$25旨在醫肚, 就梗係掂啦.

今日差唔多一點去到, 即時有位, 我仲以為月尾剛出糧, 所以d人唔o黎食添!買飛都只有一兩丁人排隊, 買完飛, 都未放好d錢入銀包, d食物已經拎得啦!好快手咁坐落, 同同事一齊食, 跟住冇耐, 開始有人等位啦. 因為大家都係快快手手咁食, 食完就走, 所以基本上d客都唔駛點等就有位坐. 據觀察所得, 如果係兩個人o黎, 就最易搵到位.我o黎親都幾乎一定係食鯪魚球雲吞既, 多少少野食吖o麻! 兩個人, 兩碗粉, 加碟油菜就一餐啦.今日碟菜心過得去啦, 起碼唔係果d淥到臨晒又冇味既貨色, 仲保持到翠綠同爽脆口感, 蠔油係任得你自己加既, 方便我地呢d唔喜歡加料既人.

沾仔記餐單提供港式, 粉麵, 米線, 茶餐廳, 冰室等推介美食位於中環區，餐廳座位數未知人均消費約$50以下，結賬可以用現金。

您對於中環餐廳「沾仔記」有何 comment？

沾仔記餐廳詳細資料：

• 沾仔記地址:
  中環干諾道中61號地下
  Tsim Chai Kee, G/f.,61 Connaught Road Central,, Central
• 沾仔記電話:  
• 沾仔記價錢: $50以下
• 分類: 港式, 粉麵, 米線, 茶餐廳, 冰室
• 座位: 未知
• 付款: 現金
• FB專頁: 沾仔記 Facebook

更多沾仔記相關資料:

• 沾仔記分店
• Youtube
• Facebook
• Twitter
• Google